27/06/2026
Ura Ndërkulturore Gjermani-Zvicër: Anëtarë të Kopshtit Biblik Mysafir në Xhaminë e Bardhë!
Aarburg, 27.06.2026
Nën ombrellën dhe organizimin e Kopshtit të Religjioneve në Aarburg (Religionsgarten), bashkëpunimi ndërfetar dhe kulturor në komunën tonë ka shënuar një hap tjetër shumë të rëndësishëm.
Si një pjesë aktive dhe shtyllë e paluajtshme e këtij asociacioni, Xhamia e Bardhë në Aarburg pati nderin dhe kënaqësinë të jetë nikoqire e dy delegacioneve të rëndësishme, duke u shndërruar në qendrën e realizimit të këtij projekti të madh të përbashkët.
Gjatë kësaj vizite, me delegacionin e ardhur nga Gjermania (anëtarë të ekipit të Konferencës së Kopshtit Biblik) u zhvillua një diskutim jashtëzakonisht konstruktiv dhe frytdhënës. Në shoqërim të mysafirëve dhe në krye të kësaj mikpritjeje të ngrohtë ishin imami i xhamisë, Nehat Ismaili, kryetari Nimet Ramadani dhe nënkryetari Adem Halimi, të cilët iu përgjigjën me profesionalizëm pyetjeve të shumta të parashtruara nga delegacioni gjerman.
Temat e trajtuara:
• Organizimi, menaxhimi dhe shërbimet e Xhamisë
• Trajtimi i pyetjeve dhe temave të rëndësishme nga sfera e parimeve fetare, besimit dhe jetës praktike shpirtërore.
• Një diskutim i gjerë dhe i hapur mbi rolin, sfidat dhe sukseset e shqiptarëve në raport me integrimin aktiv dhe kontributin e tyre në shoqërinë zvicerane.
Këto takime në kësi niveli rikonfirmojnë rëndësinë e madhe të bashkëpunimit ndërkulturor dhe shkëmbimit të vlerave të përbashkëta. Respektivisht, ato dëshmojnë se xhamitë tona në diasporë janë shndërruar në ura të fuqishme integrimi, dialogu, kulture dhe bashkëjetese model.
Falënderojmë përzemërsisht mysafirët për vizitën dhe interesimin e tyre, Kopshtin e Religjioneve për organizimin, si dhe drejtuesit e xhamisë sonë për përfaqësimin e lartë dhe dinjitoz!
Sektori për informim,
