Wellington Moederkerk

05/06/2026

HOEKOM // Voel ek alleen?

Lettie Büchner
7 Juniei 2026

SKRIFLESING
Matteus 9:20‐22

SKAKEL
https://youtu.be/ulTi46FFpvM!

29/05/2026

HOEKOM // Voel ek so moeg?

Johan Crous
31 Mei 2026

SKRIFLESING
Verskeie teksgedeeltes

SKAKEL
https://youtu.be/p1yw40fUdxc

28/05/2026

https://lig.co.za/matriekleerder-loop-weer-na-groot-bergfietsongeluk-ek-het-nou-besef-hoe-groot-god-se-krag-is/

Nadat Lodewyk Uys sy nek tydens ’n bergfietsongeluk gebreek het, was daar min hoop dat hy dit sou oorleef. Maar hierdie vasberade jong man het die medici

22/05/2026

PINKSTER // Waardes van Gesonde Gelowiges

Johannes Nortier
24 Mei 2026

SKRIFLESING
Verskeie teksgedeeltes

DIGIBOODSKAP SKAKEL
https://www.youtube.com/watch?v=ZL3P2fbCe4c

KLANK OPNAME VAN ELKE BOODSKAP VAN PINKSTER HIER BESKIKBAAR
https://www.wellingtongemeente.co.za/pinkster-2026/

21/05/2026

WAARDES VAN GESONDE GELOWIGES // Gasvryheid

Vanaand het Ds. Lettie Büchner gesels oor Gasvryheid.

Gasvryheid gaan nie oor WAT op jou tafel is nie, maar oor WIE aan jou tafel is.

Wie is die ideale voorbeeld hiervan? Jesus self.

In Lukas 15:1-2 sien ons hoe Hy doelbewus plek gemaak het vir diegene wat nêrens anders welkom gevoel het nie. (people with doubtful reputation)

Gasvryheid begin by nederigheid. Nie om jouself minderwaardig te ag nie, ook nie meerderwaardig nie, maar waardevol omdat jy in Christus is.

Wanneer ons weet wie ons in Hom is, verander ons houding teenoor die mense om ons:

Hoogmoed sê: “Ek’s spesiaal, jy’s nie OK nie.” (Aggressief)
Minderwaardigheid sê: “Jy’s OK, ek’s nie OK nie.” (Onderdanig)
Nederigheid (soos Christus) sê: “Ek is spesiaal , en JY is spesiaal.”
(Nederig)

As gemeente is dit maklik om gasvry te wees as ons net in ons eie kringe bly en bloot vashou aan die mense wat ons reeds ken. Maar ware gasvryheid vra dat ons die mense raaksien wat anders is en wat nie noodwendig vir ons iets terug kan doen nie. Dalk juis diegene wat die wêreld miskyk.

Wanneer ons met die gesindheid van Christus regtig na ander luister, sonder oordeel of agenda gebeur iets mooi: Ons ontdek waarmee God reeds lankal besig was in daardie persoon se lewe.

Kom ons vra onsself af:
Is ons harte en lewens oop vir die Vader, Seun en Heilige Gees?
Is ons gasvry en verwelkomend teenoor die Drie-enige God in ons daaglikse lewe?
Is ons gereed om gasvry te wees teenoor die mense wat Hy op ons pad stuur?

21/05/2026

WAARDES VAN GESONDE GELOWIGES // Groei

Tydens Woensdagaand se Pinksterdiens het Ds. Johannes Nortier gefokus op GROEI as ’n waarde van ’n gesonde gelowige, en ons het gekyk na wat ons uit Jakob se verhaal kan leer.

Jakob was ’n vlugteling, ’n "klein bedrieërtjie," maar hy moes vinnig ontdek dat jy dalk van mense kan wegvlug, maar nooit van God nie. God is verrassend teenwoordig in elke tree wat ons gee. Elke plek kan ’n Bet-El (huis van God) word.

Soos Søren Kierkegaard geskryf het: “God creates out of nothing. Wonderful, you say. Yes, to be sure, but He does what is still more wonderful: He makes saints out of sinners.”

Die enigste ware fout in die lewe is die les wat ons nie leer nie. As ons dit regkry om weg te beweeg van “’n boer maak ’n plan” na “God maak ’n plan,” sal ons verstom staan oor die Here se vermoë om te skep uit niks. Dan beleef ons dalk minder van ’n “self-made man” en kyk ons vas in ’n “God-made man”.

DIE 5 BAKENS VAN GEESTELIKE GROEI:

Bet-El – Stil met God
Mispa – Dankbaar vir God
Mahanaim – Vertoef met God
Jabbok – Afhanklik van God (die plek van worsteling)
Pniël – Gaan saam met God

As ons ophou oordeel en begin verstaan, verander alles. Groei vind soms in ons lewens plaas “as gevolg van”, maar soms vind dit plaas “ten spyte van.” God skep en herskep.

Die opdrag vir die pad vorentoe?

Bid en loop.
Loop en bid.


Sien julle (Donderdagaand) wanneer ons gaan stilstaan by GASVRYHEID as waarde!

19/05/2026

WAARDES VAN GESONDE GELOWIGES // Gestuur

Vanaand het Ds. Lettie Büchner met ons gedeel oor wat dit beteken om GESTUUR te wees, met Lidia as ‘n goeie voorbeeld van ’n "gestuurde". (Handelinge 16:11-14; 40). Lidia het, waar sy is, met wat sy het, die deur oopgemaak vir die evangelie, die Weste in.

Hier is DIE LIDIA-TOETS waaraan jy jouself kan toets:

1. WAT HET EK? Lidia het haar purper (hulpbronne) en haar huis gehad. Wat het jy in jou hand wat God kan gebruik?
2. WAAR IS EK? God het jou nie per ongeluk in daardie spesifieke kantoor, vriendekring of familie geplaas nie. Jou huidige konteks is jou sendingveld, nie ’n wagkamer vir jou "regte lewe" nie!
3. HOE KAN EK HIER AS GESTUURDE LEEF? Lidia se besondere benadering was deur gasvryheid (en hieroor gaan ons juis Donderdagaand verder gesels!).

VERTOEF // Neem ’n oomblik en d**k hieroor na:
• Vir wie moet ek BID?
• Aan wie moet ek AANDAG GEE?

Sien julle môre-aand weer!

18/05/2026

WAARDES VAN GESONDE GELOWIGES // Gehoorsaamheid

Ds. Johannes Nortier het vanaand tydens Pinkster by Wellington Moederkerk aan die hand van Abraham se verhaal ons begelei rondom die waarde van gehoorsaamheid.

Net soos ons God se skaduwee is, is gehoorsaamheid die skaduwee van geloof. Hulle kan nie van mekaar losgemaak word nie – jy kan nie die een hê sonder die ander nie.

Gehoorsaamheid is dus nie 'n prestasie nie; dit is waarvoor jy geskep is. D**k aan ’n Wellington-posduif: as jy hom op Colesberg loslaat, gaan hy nie 'n ander pad kies as Wellington toe nie. ’n Posduif is op sy gelukkigste wanneer hy op die roete is waarvoor hy geprogrammeer is.

Die roete vir God se "posduiwe" lyk só:

Die tweede myl,
die ander wang,
liefde,
vrede,
vreugde,
geduld,
vriendelikheid,
goedhartigheid,
getrouheid,
nederigheid,
selfbeheersing,
afhanklikheid,
treur,
sagmoedigheid,
regverdigheid,
barmhartigheid,
reinheid,
vredebringers,
verdraagsaamheid,
gebed,
vergifnis...
en die Kruis.
..want ons is anders geveer.

17/05/2026

WAARDES VAN GESONDE GELOWIGES // Getuig

Om ’n getuie vir God te wees, is nie ’n ingewikkelde taak waar ons God moet "help" nie. Dit is bloot die praktyk om in die vreugde en vryheid van Sy Goeie Nuus te leef, en met vrymoedigheid te deel wat ons self gesien, gehoor en as waar ervaar het.

Soos John Mark Comer sê, gaan dit oor die doelbewuste oopstel van ons lewens in liefde—deur ons woorde, ons stories en ons manier van leef. En soos Dietrich Bonhoeffer ons herinner: ons vertel net wat ons weet, en laat die res aan God oor.

Mag die Heilige Gees ons die krag gee om vandag Sy getuies te wees—by die huis, by die werk, en oral waar ons gaan. Mag die skoonheid van wie ons is en wat ons sê, vir die wêreld wys dat God se koninkryk naby is.

Ons het Paulus se getuienis gehoor. Gaan d**k nou oor jou getuienis. Skryf dit neer en gaan vertel van wat jy gesien, gehoor en ervaar het.