12/06/2026
Johannes 16: 32
“Kyk, daar kom 'n tyd, en dit is nou al hier, dat julle uitmekaar gejaag sal word, elkeen sy eie koers in, en dat julle My alleen sal laat; en tog is Ek nie alleen nie, omdat die Vader by My is.”
As Jesus kan sê dat Hy nooit werklik alleen is nie al draai mense hulle rûe op Hom, net omdat Hy weet God by Hom is, dan kan ek en jy krag daaruit kry.
Ek weet dit want dit is hoe ek baie keer voel. Maklik is dié wêreld en die lewe nie. Maar alleen is jy ook nie! Iemand verstaan, Iemand weet en Hy is altyd naby. Ek weet dit voel nie altyd na troos nie, maar eendag wanneer alles wegval sal Hy steeds daar wees en jy vir ewig by Hom.
