https://www.facebook.com/961288453959496/

Kerk blad

"As twee van julle saamstem op die aarde oor enige saak wat julle mag vra, dit sal hulle te b***t val van My Vader wat in die hemele is. Matt 18:19

https://af.wikipedia.org/wiki/Gereformeerde_kerk_Vredenburg/Saldanha

08/09/2026

Goeiemôre!
God se liefde wat jou soos sonskyn omvou .'n Mooi beeld. Ja, dagbreek met sy sonskyn wat koesterend 'n nuwe dag inlui ná die duisternis van die nag. Dagbreek en sonskyn is sulke mooi goddelike gawes. Ongelukkig is dit so dat ons met verloop van tyd al daaraan gewoond begin raak het... (Mynwerkers wat in ondergrondse skagte dae lank toegeval was, skat egter hierdie liggawes weer na behore!)
Kom ons begin hierdie Dinsdag met 'n herwaardering van ons Vader se mooi gawes van dagbreek en sonskyn. Slegs Hý kan dit skenk. Hy is immers die God van die lig....
' n Mooi helder dag, vol lig en sonskyn, word jou graag toegewens!

07/09/2026

Goeiemôre!
Dis weer Maandag vandag. 'n Nuwe werksweek met al sy pligte en uitdagings doem voor ons op.
En dikwels voel ek en jy so broos, swak, onopgewasse en uitgelewer. Jy is tog maar net een mens met swakke oordeel en slegs twee hande...
Wonderlik word mens dan getroos deur die boodskap van die Here aan Paulus toe ook hý, as ervare apostel, onopgewasse en onbekwaam vir die ou lewe se eise gevoel het.
Hy kon hoor: "My genade is vir jou genoeg, want my krag word in swakheid volbring." En dan is sy kommentaar: "Daarom sal ek my baie liewer op my swakhede beroem, sodat Christus se krag my kan beskut" (2 Kor 12:9 - AFR20)
LW: Nie uitgelewer nie, maar beskut!
Kom ons pak dan, as beskutte gelowiges, met hierdie vaste wete blymoedig die nuwe week aan.

06/09/2026

Goeiemôre!
Dis weer Sondag vandag.
Kom ons bring hierdie dag deur soos dit eintlik hoort:
Rus in die Here.
Dank Hom vir sy gawes van geloof, hoop en liefde.
Prys Hom oor sy vaderlike sorg.
Luister aandagtig na sy Woord in erediens en by die huis.
Dis so min gevra.
D**k maar weer eens daaraan hoe 'n groot genadevoorreg dit is om 'n Christen te mag wees!
Geniet die mooi lente-Sondag van harte!

05/09/2026

Goeiemôre!
'n Beker boeretroos, gawe vriende, lojale familie en die effense byt in die môreluggie wat hier wil dit nie wyk nie...
Ag, daar's sovéél om voor dankbaar te wees op 'n mooie Saterdag soos vandag!
Laat ons al ons seëninge tel, rustig leef en diep dankbaar onder ons Vader se hand dié dag en naweek binnegaan.
Hoe wonderlik bevoorreg is ek en jy, as gelowiges, tog nie!
Geniet die dag en naweek!

04/09/2026

Goeiemôre!
Om dankbaar te wees...
Dankbaarheid is een van die aangenaamste, maar ook noodsaaklikste ingesteldhede vir enige gelowige.
Kyk terug oor jou lewe. Hoe God jou wonderlik gelei en op sý manier jou gebede beantwoord het. Jy kan net dankbaar wees!
Kyk om jou rond.
Sien raak hoe God nog steeds elke dag jou seën en verras.
Jy kan net dankbaar wees!
Kyk dan die toekoms in.
Daar wag op jou en my 'n lewe onuitspreeklik heerlik, waar die dood nie meer sal wees nie.
Hoe kan ons ooit daarvoor genoeg dankbaar wees!
Onthou: 'n dankbare Christen is ook 'n biddende Christen. Die gebed is immers die vernáámste deel van die dankbaarheid wat God van sy kinders verwag (HK Sond 45)
Mag hierdie Vrydag én naweek vir jou en my stof tot groot dankbaarheid inhou.
' n Mooie Vrydag én naweek, gevul met dankbaarheid, word jou graag toegewens!

03/09/2026

Goeiemôre!
Heeldag loop met 'n gebed in die hart? Ja, hoekom nie.
Onthou: gebed is die vernaamste deel van die dankbaarheid.
As jy eers werklik besef hoe geseënd jy is, word jou alledaagse lewe 'n goeie lewe!
Ons hoef nie in ons gebede altyd iets te vra nie. Nee, ons kan sommer maar net dankie sê vir ons troue Vader.
Geniet 'n dankbare Donderdag in al sy vele fasette!

02/09/2026

Goeiedag
Stilte.
In die benoude oomblikke by die uittog, toe die sterk leër van Farao die volkie Israel agtervolg het, was dít ook die advies van Moses aan sy mense:
"Die HERE sal vir julle stry, en julle moet stil wees" (Eks 14:14 - AFR20).
Ja, stilte praat hard, maar sonder woorde.
Gaan dan hierdie week rustig en stil in. Ja, wees stil in die Here...
'n Aangename dag en week word jou graag toegewens!

01/09/2026

Goeiemôre
Hoor wat sê die wyse
Langenhoven oor die alledaagse lewe:

Eendag gaan ons besef
dat die lewe nooit oor die groot goed gegaan het nie.
Dit was die koffie in die oggend.
Die lag in die kombuis.
’n Kind se arms om jou nek.
’n Hond wat wag by die deur.
’n Liedjie wat jou vir ’n oomblik terugvat
na ’n tyd toe alles nog eenvoudig gevoel het.
Ons jaag so baie na môre
dat ons vergeet om vandag raak te sien.
Want die waarheid is…
ons kry nie een van hierdie dae terug nie.
So sê vandag vir iemand jy is lief vir hom/haar.
Hou jou kind ’n bietjie langer vas.
Bel jou ma of pa.
Gaan sit langs jou vrou.
Lag harder.
Kyk op wanneer die son sak.
Want later, wanneer die huis stil geword het
en die mense wat jy liefhet nie meer daar is nie,
sal jy besef…
Die grootste rykdom wat jy ooit gehad het,
was nie wat jy besit het nie.
Dit was die mense
wat saam met jou deur die lewe gestap het.
En miskien is dit al wat die lewe eintlik van ons vra:
Moenie so besig wees om te oorleef,
dat jy vergeet om te leef nie.
GROOT STUK LEWENSWYSHEID!

31/08/2026

Goeiemôre!
Dis Maandag en 'n nuwe week wag met al sy appèlle op ons tyd en op ons aandag.Ook vorm vandag die einde van die vier koue maande (gespel sonder 'n "r") wat bekend is vir swak visvangste, maar berug is vir die gevang wórd deur griep en verkoue!
Kom ons doen die moeite en maak vandag ook nog twee tabelle daarby. Op hierdie tabelle pen ons neer, in alle eerlikheid, bo-aan die een ons teëspoede en bo-aan die ander een ons seëninge. Watter tabel gaan die langste wees? Definitief dié een met die seëninge! Dis natuurlik te sê, as ons eerlik was met onsself voor die hoë Here...
Verdere optrede? Innige dankbaarheid is sekerlik vir jou en my die aangewese ding!
Ten spyte van al die ou lewe se terugslae, is ons Here nog so oneindig goed vir sy mense!
'n Mooie Maandag én werksweek word jou graag toegewens.

30/08/2026

Goeiedag
Ons gaan vandag op hierdie Sondag as Bybelgelowiges in,@
Wat is dan geloof?
Van hierdie begrip is daar al talle definisies gegee. Eintlik is dit bitter moeilik om só 'n hoë, Godgegewe saak in menslike woorde te wil omskryf.
Sekerlik een van die mees bevredigende definisies gee die boek Hebreërs aan ons:
"Die geloof dan is 'n vaste vertroue op die dinge wat ons hoop, 'n bewys van die dinge wat ons nie sien nie" (Heb 11:1 - AFR53).
Kom ons gaan dan rustig die dag, later die nag én die week in. Ons kyk immers met die geloofsoog, as mense wat die Onsienlike wel kan sien. Ons kosbare geloof hou ons in die lewe (Heb 10:39).
Met geloofsbande is ons sterk aan ons Here gebonde, maar staan teenoor die hele wêreld vry...
Wat 'n wonderlike voorreg om, óók in die donker 21e eeu, 'n gelowige te mag wees!
Kom ek en jy bring dan die dag rustig deur en gaan slaap bietjie later as vas vertrouende mense. Ja, as mense met 'n mooi ewige toekoms...

Address

Weskus, Kaapstad
Vredenburg
7380

Website

facebook.com

Alerts

Be the first to know and let us send you an email when Kerk blad posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to Kerk blad:

Want your place of worship to be the top-listed Place Of Worship in Vredenburg?