NGVishoek

NGVishoek Vir almal wat belangstel om deel te wees van die Gemeente van Christus in Vishoek.

Hierdie Sondag hou ons weer Familiediens!🥳 Ons gaan 'n baie bekende storie uit Mattheus bespreek wat ons weer herinner a...
28/05/2026

Hierdie Sondag hou ons weer Familiediens!🥳 Ons gaan 'n baie bekende storie uit Mattheus bespreek wat ons weer herinner aan hoe belangrik dit is om die regte fondasie vir jou lewe te hê.

Sien jou Sondag om 09:00 in die kerkgebou of skakel regstreeks in by www.ngvishoek.co.za of via die toepassing. Groete, genade en seën vir jou!

Dr. Cobus Oosthuizen het ’n besonder insiggewende werkswinkel oor demensie aangebied. Met groot wysheid, deernis en prak...
22/05/2026

Dr. Cobus Oosthuizen het ’n besonder insiggewende werkswinkel oor demensie aangebied.

Met groot wysheid, deernis en praktiese raad het hy almal wat dit bygewoon het, diep verryk en bemoedig.

Dit was nie net leersaam nie, maar ook ’n waardevolle geleentheid wat mense gehelp het om met groter begrip en empatie na die uitdagings van demensie te kyk.

Baie dankie vir ’n betekenisvolle en inspirerende aanbieding!

Eerskomende Sondag vier ons weer saam met mekaar Nagmaal. Ons is ook by ons laaste tema van die 6 weke reeks met die tit...
20/05/2026

Eerskomende Sondag vier ons weer saam met mekaar Nagmaal.

Ons is ook by ons laaste tema van die 6 weke reeks met die titel “Entrepreneurs van hoop hou mekaar vas”. Psalm 133 en Romeine 15 herinner ons dat ware hoop groei waar gelowiges mekaar aanvaar, dra en liefhet soos Christus ons liefhet.

In ’n wêreld van eensaamheid en verdeeldheid roep God ons om saam entrepreneurs van hoop te wees — mense wat luister, vergewe, ruimte maak en saam bly stap.

Soos olie wat vloei en dou wat lewe bring, versprei God se seën waar mense in liefde saamleef. By die Nagmaal herinner Christus ons: julle behoort aan My én aan mekaar.

Jy vind ons eerskomende Sondag om 9:00 in-persoon of by www.ngvishoek.co.za oftewel ons toepassing.

Seën vir jou dag.

Wat ’n besondere en diep kosbare voorreg om vanjaar weer as Christelike gemeentes van die Vishoekvallei en omliggende ge...
18/05/2026

Wat ’n besondere en diep kosbare voorreg om vanjaar weer as Christelike gemeentes van die Vishoekvallei en omliggende gemeenskappe saam bymekaar te kom vir ons gesamentlike Hemelvaartdiens.

In ’n wêreld waar mense so maklik verdeeld en afgesonder leef, is dit iets heiligs wanneer gelowiges oor gemeentegrense heen saamkom rondom die Woord van die Here — saam bid, saam sing en saam stil word voor God. Eenheid in Christus!

Ons hanteer hierdie week, week 5 en 6 van ons Pinksterreeks met die titel: Entrepreneurs van hoop. In ’n wêreld waar die...
14/05/2026

Ons hanteer hierdie week, week 5 en 6 van ons Pinksterreeks met die titel: Entrepreneurs van hoop.

In ’n wêreld waar die skepping sug onder pyn, uitputting en onsekerheid, roep God ons om Entrepreneurs van Hoop te wees — mense wat lewe kweek te midde van gebrokenheid.

Vanuit Genesis 1, Romeine 8 en Matteus 13 ontdek ons hoe God se Koninkryk soos ’n mosterdsaad en suurdeeg werk: klein, dikwels onopsigtelike dade wat groot verandering bring.

Ons sug saam met die skepping, maar ons leef ook as draers van hoop, herstel en nuwe lewe. God gebruik gewone mense om Sy Koninkryk sigbaar te maak in ’n wêreld wat daarna smag.

Jy vind ons in-persoon eerskomende Sondag om 9:00 by Kommetjieweg 1, Vishoek of aanlyn by www.ngvishoek.co.za oftewel ons toepassing.

Seën vir jou dag.

𝙋𝙞𝙣𝙠𝙨𝙩𝙚𝙧𝙧𝙚𝙚𝙠𝙨: 𝙒𝙚𝙚𝙠 4Voel jy soms of die Here afwesig en en nie na jou gebede luister nie? Jy is nie eerste mens wat so ...
07/05/2026

𝙋𝙞𝙣𝙠𝙨𝙩𝙚𝙧𝙧𝙚𝙚𝙠𝙨: 𝙒𝙚𝙚𝙠 4

Voel jy soms of die Here afwesig en en nie na jou gebede luister nie? Jy is nie eerste mens wat so voel nie! Hierdie Sondag kyk ons saam na Psalm 13 en ontdek wat dit beteken om eerlik voor God te wees met ons pyn, vrae en frustrasies. Jy is welkom.

Die erediens vind plaas om 09:00 in die kerkgebou en word ook regstreeks uitgesaai via www.ngvishoek.co.za sowel as op ons toepassing. Groete en genade vir elkeen van u!

Address

Kommetjieweg 1
Vishoek
7975

Opening Hours

Monday 08:00 - 13:00
Tuesday 08:00 - 13:00
Wednesday 08:00 - 13:00
Thursday 08:00 - 13:00
Friday 08:00 - 13:00
Sunday 09:00 - 10:00

Telephone

+27878221527

Website

Alerts

Be the first to know and let us send you an email when NGVishoek posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to NGVishoek:

Shortcuts

Share

Category