AGS Deo Gloria

03/06/2026

GebedsTyd - Dankie dat jy saam gebid het.
Ons bid vir ons gemeenskap en gemeente.

03/06/2026

Gebed vir vandag:

Here,

Dankie vir U belofte dat U naby die is wat treur. Vou my vandag toe in U vertroosting en gee my die vrede wat net van U af kom.

Amen.

02/06/2026

Hierdie week se aktiwiteite:

Ons nooi almal hartlik uit om hierdie week saam met ons te kuier en te groei.

1. VROUE VERRYKKING
’n Oggend van samesyn en verryking vir alle vroue.

Wanneer: Woensdagoggend om 09:00.

2. FERM VROUE
Versterk jou gees saam met ander vroue tydens hierdie Woensdagaand geleentheid.

Wanneer: Woensdagaand om 18:00.

3. GEBEDS TYD
Ons bid vir ons gemeenskap en gemeente op Facebook.

Wanneer: Woensdagaand om 18:30.

4. JEUG BONFIRE AAND
Deo Ignite nooi alle jeug uit vir 'n onvergeetlike aand om die vuur!

Wanneer: Vrydagaand, 5 Junie 2026 om 17:30.

Waar: 19 Waterboom Ave.

Sien julle daar!

02/06/2026

Gebed vir vandag:

Here,

Help my om vandag my gedagtes te bewaar. Rig my fokus op dit wat waar, edel en skoon is. Vul my hart met u vrede sodat ek slegs sal d**k aan dit wat prysenswaardig is.

Amen.

01/06/2026

Gebed vir vandag:

Here,

dankie dat U genade vir my genoeg is. Wanneer ek vandag swak voel, laat U krag in my oorneem. Ek vertrou op U alleen.

Amen.

31/05/2026

Preekreeks: DIE DIREKTE NAGEVOLGE VAN
PINKSTERDAG

WEEK 1: Van Vrees na Vrymoedigheid
Kyk na die dissipels voor Pinksterdag:

Verward oor die verloop van sake

Emosioneel gebroke na die trauma van die kruisiging

Onseker oor die toekoms en bang vir vervolging

1. DIE DISSIPELS WAS VOOR PINKSTER GEVANG IN VREES

Johannes 20:19 "En toe dit aand was op daardie eerste dag van die week ..." Selfs na die opstanding leef hierdie dissipels nog steeds in beperking.

2. DIE HEILIGE GEES HET HULLE INNERLIK VERANDER

Handelinge 2: 2-4 "En skielik kom daar'n geluid uit die hemel soos van 'n geweldinge stormwind ....

Kyk na die simbole van hierdie innerlike verandering:

* Die Wind
* Die Vuur
* Die Tale

Die Gees het nie bloot op hulle "gekom" nie - Hy het hulle gevul.

3. VRYMOEDIGHEID IS DIE EERSTE SIBARE TEKEN VAN PINKSTER

Handelinge 2:14 "Maar Petrus het opgestaan met die elf en sy stem ver-hef....

• Die man wat geval het, staan nou op

Die man wat gehuiwer het, spreek nou warhead Die man wat bang was vir die skare, verkondig nou Christus Het jy vrymoedigheid om op te staan vir Jesus, wanneer die wéreld van jou verwag om te sit?

4. DIE HEIIGE GEES GEE STEEDS VRYMOEDIGHEID

2 Timoteus 1:7 "Want God het ons nie 'n gees van vreesagtigheid gegee
nie maar van krag en liefde en selfbeheersing"
Die Heilige Gees gee:

1. Krag (Dunamis)
2. Liefde (Agape)
3. Selfbeheersing

Ware Pinkster maak jou nie vreemd nie; dit maak jou gehoorsaam.

TOEPASSING: 1. Waar leef ek uit vrees? 2. Waar swyg ek oor Jesus?

3. Waar kompromeer ek? Pinkster beteken: God gee krag vir gehoorsaamheid.

Pinkster verander: Bang mense in getules ; Verslane mense in leiers , Gewone mense in draers van God se heerlikheid.

Preekreeks: Die Direkte Nagevolge van Pinksterdag.Week 1: Van Vrees na Vrymoedigheid.

29/05/2026

29/05/2026

Gebed vir vandag:

Here,

Soos ek vandag my bydrae bring, bid ek dat U my gesindheid sal seën. Ek gee dit nie omdat ek moet nie, maar omdat ek wil. Ek gee dit uit dankbaarheid vir U getrouheid.

Seën hierdie gawe sodat dit U koninkryk kan uitbrei en mense in nood kan help. Dankie vir die voorreg om ’n blymoedige gewer te kan wees wat deur U bemind is.

Amen.

28/05/2026

Psalm 121:3

"Hy sal nie toelaat dat jou voet struikel nie; jou Beskermer sal nie sluimer nie."

27/05/2026

Ons bid vir ons land en ons gemeente