13/06/2026
✝️✝️Erediens 14 Junie 2026 - Nagmaal Diens✝️✝️
Ek nooi jou hartlik uit na ons Erediens by Primrose Gereformeerde Baptiste Kerk om 10 uur!
Straatadres: Pretoriaweg 161, H/V Pretoria en Turnhout Laan, Primrose.
Indien u nie persoonlik die erediens kan bywoon nie, kan die prediking regstreeks gevolg word, so om en by 10:20, op my persoonlike Facebook blad by Jaco Coetser
Skrifgedeelte: Lukas 22:39-46
Preektitel: Die Vier Kenmerke van Triomfantelike Gebed.
Preek Tema: Om te Bid soos Jesus.
Kern Waarheid/Tesis: Kenmerke wat ware gebed kenmerk is, Verwagting, Lyding in die gruwels van sonde en versoeking, asook Onderwerping aan die wil van God.
Sê my, hoe ernstig is jy oor jou gebedslewe?
Hoe lyk jou gebedslewe? Maar meer nog, waaraan word jou gebede geken?
Die groot probleem vandag is dat mense nie meer bid nie! Ons wonder hoekom ons lewe en so baie dinge uitmekaar val, ek reken dis omdat ons verleer het om reg te bid.
Waarom sê ek so?
Kom na ons Erediens toe en kom luister waarom ware, opregte gebed so belangrik is vir elke mens wat bely dat hulle kinders van die Here is.
Sien jou môre!!! Almal welkom!!!
