Lentswe la Modimo

Lentswe la Modimo Praise and Worship
(1)

08/09/2026

Nka etsa tsohle ka Kreste ya mphang matla, ngoaneso ha fela tumelo ya rona e tiile ho Morena Jesu le ho Ntatae re ka kgona ho fihlella tsohle. Modimo a lo tiisa le ho hodisa tumelo ya rona.

Mattheu 17 Vs 20

Jesu a re ho bona: Ke ka baka la ho se dumele ha lona; hobane kannete ke re ho lona: Hoja le na le tumelo e ka ka hlaku ya mosetareta, leha le be le ka re ho thaba ena: Fallela mane; e ka fallela teng, mme ho ka be ho se letho le le sitang.

Ka Kreste Morena wa rona.
Amen

07/09/2026

Ha ke tsebe tse o tlo kopana le tsona beke ena, tseba le wena tsela ya hao e hara difefo le dikgohola, ke kopa o rapele, matla a Modimo a bonale ho wena, Modimo a mpolokele wena beke ena.

Nahume 1 Vs 3

Jehova o pelo e telele, o moholo ka matla, ha a latolele motho molato wa hae. Jehova, tsela ya hae e hara sefefo le sekgohola, maru ke lerole la maoto a hae.

Ka Kreste Morena wa rona.
Amen

06/09/2026

Kgwedi e re keneng ho yona ke kgwedi ya Lwetse, ngoaneso ha o sheba kantle dimela di a thunya, di boela di ba ntle hape, hoseng ha ke tsebe molaetsa ona o bua le mang empa thapelo ya ka ke h**e le wena tsohle tse e sale o di emetse di bulehe ka lebitso le matla la Morena Jesu, wena se phetse ho rapela, o beye merero ya hao ho Modimo.

Diproverbia 16 Vs 3

O rolele ditaba tsa hao tsohle ho Jehova, mme merero ya hao e tla tiya.

Ka Kreste Morena wa rona.
Amen

05/09/2026

Hoseng hona ha letsatsi la Moqebelo ke kopa re rapele bohle ka temana ena ya sefela: ha le lakatsa ho tseba, Ntate re thuse ka tiisetso re seke ra timela, hobane ka baka la hao, re bona bophelo, re ya ja ebile re ya nwa, re tiise ho o rorisa kamehla le ho o rapela ka dinako tsohle🙌🏼🙌🏼

Monghadi, ke ya rapela, O nthuse ka tiisetso, ke n’o tseba ho finyella, motseng wa dinyakallo. Jesu ke ‘Moloki wa ka, O nkhethetse bodulo; ke ya mo rata, hoba nthata, A ‘neile bophelo.

Ka Kreste Morena wa rona.
Amen

04/09/2026

A re tshabeleng ho Jehova hobane ke setshabelo sa rona, bohle ba tlo ema pela mabitla a ahlamileng ke kopa Modimo a be le lona, a le fe matshidiso a hae a sebele, Modimo a mpolokele wena mafelo ana a beke,

Pesaleme 16 Vs 1 - 2

Oho Modimo, o mpoloke, hobane ke tshabela ho wena. Ke itse ho Jehova: Ke wena Morena wa ka; kantle ho wena ha ke na leruo le fetisang ka boholo.

Ka Kreste Morena wa rona.
Amen

03/09/2026

A re rapele

Modimo Ntate, Modimo Mora, Modimo moya o halalelang, hoseng hona ha letsatsi re leboha ho balwa le ba o ba tsositseng, o bile le rona bosiu bo fetileng, wa re pata tlasa mapheo a hao, wa re patela e mobe, re ya leboha Ntate, hoseng hona re rapedisa bana ba hao bohle ba kulang, mafu a mangata ha fole empa re na le tshepo h**e o tla ba le bona, o fe dingaka bohlale ba ho ba thusa,, ka ena nako ba bang ba kulela malapeng a bona, ba bang ba kula ba ntse ba tsamaya, ha ba bang ka sena sebaka ba kena dipetlele, re ba kopela pholoso ya hao, e ba le bona phateng tse tjhesang, hobane ha o le teng ke tlelwa ke matla, oho Modimo ba hauhele ka lereko la hao, thato ba tla etsa ya hao yohle, re ba kopela mohau wa hao, ha re tlo tswa hoseng hona tsamaya le rona hoya ka mabaka ka ho fapana, re pate hara makoloi ao re tlo a palama.

Ka Kreste Morena wa rona eleng Jesu Kreste re ya rapela.
Amen

02/09/2026

Hoseng ke kopa Modimo a o etsetse tseo o kekeng wa kgolwa h**e di etsahetse bophelong ba hao, mo o reng o lahla tshepo o bone phethahatso.

Isaia 43 Vs 19

Bonang, ke a hlahisa ditaba tse ntjha, di se di ya hlaha; na le ke ke la di tseba na? Ke tla phunya tsela naheng e tshehla, le dinoka naheng e omeletseng.

Ka Kreste Morena wa rona.
Amen

01/09/2026

Ntumelle hoseng hona ke bue mantswe ana ho wena, ya re tshepisitseng wa tshepahala, tseba Jehova o na le mehopolo e metle bakeng sa bophelo ba hao, ke kopela bophelo bo botle, ho rene kgotso fela bophelong.

Jeremia 29 Vs 11

Hobane nna ke tseba mehopolo ya ka eo ke ntseng ke e hopotse bakeng sa lona, ho bolela Jehova, hobane ke mehopolo ya kgotso, e seng ya bobe, ke tle ke le nee qetello e molemo le se ka le tshepisang.

Ka Kreste Morena wa rona.
Amen

31/08/2026

Ha re qala beke ena ntumelle ke kope Modimo ho o hauhela, empa ha o le mahlomoleng ke o kopela matshidiso, Modimo a mpolokele wena beke ena.

2 Bakorinthe 1 Vs 3

Ho bokwe Modimo, e leng Ntata Morena wa rona Jesu Kreste, Ntata mehauhelo, Modimo wa matshediso wohle.

Ka Kreste Morena wa rona.
Amen

30/08/2026

Hoseng ha letsatsi la Morena, ke kopa kganya ya Modimo e bonahale bophelong ba hao, mahlomola ao o leng ho ona a lo fela ka Kreste Morena, ngoaneso pele moo re yang kganya e teng.

Baroma 8 Vs 18

Ke mpa ke lekanya h**e mahlomola a mehla ya jwale ha a tshwanele ho lekanngwa le kganya e tlang ho bonahala ho rona.

Ka Kreste Morena wa rona.
Amen

Address

Mafikeng
2739

Website

Alerts

Be the first to know and let us send you an email when Lentswe la Modimo posts news and promotions. Your email address will not be used for any other purpose, and you can unsubscribe at any time.

Shortcuts

Share

Category