06/15/2026
الأنبا سرابيون يعلن عودة القمص صموئيل البراموسي لاستكمال علاجه في أمريكا
قام نيافه الانبا سرابيون بصلاة عشيه في كنيسه مار مرقس بلوس انجلوس يوم السبت الموافق 6/13 وقد القي نيافته كلمه بعد صلاة العشيه قال فيها " الموضوع بخصوص ابونا صموئيل البراموسي – وصلني اليوم موافقه قداسه البابا تواضروس الثاني علي الطلب اللي انا تقدمت به لحضور ابونا صموئيل لاستكمال علاجه هنا في لوس انجلوس. ابونا ان شاء الله يحضر الاسبوع الجاي وهايكون حضوره للعلاج فقط – يعني احنا مش هانكلفه باي خدمه رعويه حرصا علي صحته وحرصا ايضا علي حياته الرهبانيه وهتكون اقامته في دير الانبا انطونيوس ومقره حسب الاحتياج – وان كنتم انتم تزروه ابداء من يوم الاربعاء القادم .
كمان برضوا احنا هانرتب له كل مواعيد زيارته للاطباء – فالما هايوصل بالسلامه انا هاتقابل معاه واشوف مواعيده ايه وهنبقي احنا مسئولين عن المواعيد – يعني هانعفيكم من خدمة التوصيل لاي مواعيد – وزي رهبان الدير ..يعني عندنا برضوا رهبان بيروحوا لاطباء فاحنا برضوا بنرتب مواعيدهم وديما الدير تقريبا كل يوم بتكون فيه عربيه نزله من الدير للعلاج.
انا مش عايز اتكلم تاني علي الموضع اللي حصل يوم الخميس 14 مايو- بس اري انه من الضروري اني اقول نقطتين علشان لما نقفل الموضوع ده تبقي كل حاجه واضحه.
النقطه الاولانيه ان ابونا رويس وابونا مينا ليس لهم علاقه من قريب او بعيد بهذا الموضوع ..وكل الناس اللي ظنت ان الاباء كان لهم سبب فيه – هذا ظن خاطيء فارجو .. انا حبيببت اوضح هذه النقطه مش بس هما كل الاباء مافيش حد من اباء الابرشيه او اي كنيسه لها علاقه وحتي ابونا رويس وابونا مينا وباقي الاباء لا يعرفوا ماذا حدث في هذا اليوم .
النقطه الثانيه – رغم الخطء اللي حدث من ابونا في ذلك اليوم لكن ده لا يمس بخصوصه كاراهب فاضل تقي ونقي وانا بركز علي نقطه النقي ده .
لكن احنا لا نؤمن بعصمة احد ولا حتي القديسين كل واحد معرض ان يخطيء حتي القديسين ."
اختتم نيافه الانبا سرابيون كلمته م تصفيق الشعب
