10/05/2026
🎶 31 ANE AP CHANTE POU GLWA BONDYE! 🙏🏾
Maten an, se te yon moman espesyal pou Chorale Notre Dame Fort Pierce, ki t ap selebre 31 lane depi manm li yo ap mete vwa yo, talan yo ak lafwa yo ansanm pou sèvi Bondye atravè mizik. ⛪🎼
Soti nan Bass, pase nan Alto, rive nan Soprano, chak vwa gen plas pa li, chak pati pote yon koulè pa li; men lè yo reyini ansanm, yo fòme yon sèl koral, yon sèl fanmi, yon sèl vwa pou bay Bondye glwa.
Pandan 31 ane sa yo, anpil vwa pase, anpil moun sèvi, anpil kantik chante, anpil kè touche. Jodi a, nou remèsye Bondye pou tout chemen sa a, pou tout manm ki te sèvi depi nan kòmansman rive jounen jodi a, ak pou tout moun k ap kontinye pote misyon sa a pi devan.
👏🏾 Felisitasyon Chorale Notre Dame pou 31 lane sèvis!
Ke Bondye kontinye beni chak Bass, Alto ak Soprano, ansanm ak tout moun ki kontribye nan bèl ministè sa a.
31 ane ansanm. 31 ane sèvis. 31 ane ap chante pou glwa Bondye. 🙏🏾🎶
