29/10/2026
𝐊𝐚𝐭𝐞𝐬𝐢𝐬𝐦𝐨 | 𝐀𝐍𝐆 𝐇𝐀𝐋𝐋𝐎𝐖𝐄𝐄𝐍 𝐀𝐘 𝐊𝐀𝐓𝐎𝐋𝐈𝐊𝐎
Ang Halloween ay nagmula sa pinaikling pariralang "All Hallows' Eve" o Gabi ng mga Santo (Hallow - Banal, Eve - Gabi). Ito ay ipinagdiriwang tuwing Oktubre 31 bago sumapit ang Dakilang Kapistahan ng Lahat ng mga Banal sa Nobyembre 1 at ang Paggunita sa lahat ng pumanaw na Kristiyano sa Nobyembre 2, isang banal na pagkakataon upang gunitain ang ating pakikipag-isa sa mga Banal sa langit at ipanalangin ang ating mga yumaong mahal sa buhay.
Bagamat may impluwensya ito mula sa sinaunang kapistahang Celtic na Samhain, binigyan ito ng bagong kahulugan ng Simbahang Katolika noong taong 835 AD, itinakda ng noo'y Papa Gregorio IV ang Nobyembre 1 bilang Araw ng Lahat ng mga Banal upang parangalan ang lahat ng mga santo at martir, na nag-aalis o nagbibigay ng bagong kristiyanong kahulugan sa mga lumang paganong ritwal. Kalaunan, noong ika-11 siglo, itinatag naman ang Nobyembre 2 bilang Araw ng mga Kaluluwa para ipanalangin ang mga mahak nating yumao.
