HCP MEDIA - Noveleta

12/04/2026

11/04/2026

𝟑 𝐋𝐢𝐧𝐠𝐠𝐨 𝐧𝐚 𝐥𝐚𝐧𝐠, #𝐏𝐢𝐬𝐭𝐚𝐧𝐠𝐁𝐚𝐲𝐚𝐧𝐍𝐠𝐍𝐨𝐯𝐞𝐥𝐞𝐭𝐚𝟐𝟎𝟐𝟔 𝐧𝐚!

Nalalapit na ang ating masayang pagdiriwang ng Pistang Bayan ng Noveleta, ang Kapistahan ng Pagkatagpo ni Santa Elena sa Banal na Krus!

Habang tayo'y nananabik at nagagalak ay sama-sama nating alamin ang tunay na dahilan at kahalagahan ng ating pagdiriwang. Narito ang isang maikling Katesismo patungkol sa Kapistahan ng ating mga dakila at iginagalang na Pintakasi, ang Patrona't Emperatriz ng Noveleta, Santa Elena at ang Santa Cruz, Krus ng Kaluwalhatian ng lalawigan ng Cavite.
_______________________________________________
𝗕𝘂𝗵𝗮𝘆𝗶𝗻 𝗻𝗮𝘁𝗶𝗻 𝗮𝗻𝗴 𝗧𝗥𝗔𝗗𝗜𝗦𝗬𝗢𝗡, 𝗮𝘁𝗶𝗻𝗴 𝗽𝗮𝘀𝗶𝗴𝗹𝗮𝗵𝗶𝗻 𝗮𝗻𝗴 𝗗𝗘𝗕𝗢𝗦𝗬𝗢𝗡 𝗮𝘁 𝗽𝗮𝗹𝗮𝗹𝗶𝗺𝗶𝗻 𝗮𝗻𝗴 𝗯𝘂𝗵𝗮𝘆-𝗣𝗔𝗡𝗔𝗟𝗔𝗡𝗚𝗜𝗡!

𝙑𝙞𝙫𝙖 𝙎𝙖𝙣𝙩𝙖 𝙀𝙡𝙚𝙣𝙖!
𝙑𝙞𝙫𝙖 𝙎𝙖𝙣𝙩𝙖 𝘾𝙧𝙪𝙯!

07/04/2026

𝐏𝐈𝐒𝐓𝐀𝐍𝐆 𝐁𝐀𝐘𝐀𝐍 𝐍𝐆 𝐍𝐎𝐕𝐄𝐋𝐄𝐓𝐀 𝟐𝟎𝟐𝟔
𝙊𝙁𝙁𝙄𝘾𝙄𝘼𝙇 𝙁𝙄𝙀𝙎𝙏𝘼 𝙎𝙃𝙄𝙍𝙏

Halina't isang bayan nating itampok ang Krus na Banal, sa gabay ng ating huwaran ng pakikinig sa Maykapal, ang ating Patrona't Emperatriz Santa Elena ngayong .

Inihahandog ng Parokya ng Banal na Krus - Simbahan ng Noveleta ang OFFICIAL FIESTA SHIRT para sa nalalapit na Karakol ng Bayan. Tampok sa ating Tshirt ang mga Dakilang Pintakasi ng Bayang Noveleta - Santa Elena at ang Krus ng Kaluwalhatian.

Para sa mga interesado, mangyaring magtungo sa Opisina ng ating Parokya o makipag-ugnayan kay Sis. Wenny Ortega.

Sama-sama nating ipahayag ang timyas ng ating Debosyon at ipagdiwang ang ating Pananampalataya!
_______________________________________________
𝗕𝘂𝗵𝗮𝘆𝗶𝗻 𝗻𝗮𝘁𝗶𝗻 𝗮𝗻𝗴 𝗧𝗥𝗔𝗗𝗜𝗦𝗬𝗢𝗡, 𝗮𝘁𝗶𝗻𝗴 𝗽𝗮𝘀𝗶𝗴𝗹𝗮𝗵𝗶𝗻 𝗮𝗻𝗴 𝗗𝗘𝗕𝗢𝗦𝗬𝗢𝗡 𝗮𝘁 𝗽𝗮𝗹𝗮𝗹𝗶𝗺𝗶𝗻 𝗮𝗻𝗴 𝗯𝘂𝗵𝗮𝘆-𝗣𝗔𝗡𝗔𝗟𝗔𝗡𝗚𝗜𝗡!

𝙑𝙞𝙫𝙖 𝙎𝙖𝙣𝙩𝙖 𝙀𝙡𝙚𝙣𝙖!
𝙑𝙞𝙫𝙖 𝙎𝙖𝙣𝙩𝙖 𝘾𝙧𝙪𝙯!

07/04/2026

𝟐𝟓 𝐚𝐫𝐚𝐰 𝐧𝐚 𝐥𝐚𝐧𝐠, #𝐏𝐢𝐬𝐭𝐚𝐧𝐠𝐁𝐚𝐲𝐚𝐧𝐍𝐠𝐍𝐨𝐯𝐞𝐥𝐞𝐭𝐚𝟐𝟎𝟐𝟔 𝐧𝐚!

Dalawampu't limang araw na lamang bago tayo muling magsama-sama at ipagdiwang ang Pistang Bayan ng Noveleta, ang Kapistahan ng Pagkatagpo ni Santa Elena sa Banal na Krus!
_______________________________________________
𝗕𝘂𝗵𝗮𝘆𝗶𝗻 𝗻𝗮𝘁𝗶𝗻 𝗮𝗻𝗴 𝗧𝗥𝗔𝗗𝗜𝗦𝗬𝗢𝗡, 𝗮𝘁𝗶𝗻𝗴 𝗽𝗮𝘀𝗶𝗴𝗹𝗮𝗵𝗶𝗻 𝗮𝗻𝗴 𝗗𝗘𝗕𝗢𝗦𝗬𝗢𝗡 𝗮𝘁 𝗽𝗮𝗹𝗮𝗹𝗶𝗺𝗶𝗻 𝗮𝗻𝗴 𝗯𝘂𝗵𝗮𝘆-𝗣𝗔𝗡𝗔𝗟𝗔𝗡𝗚𝗜𝗡!

𝙑𝙞𝙫𝙖 𝙎𝙖𝙣𝙩𝙖 𝙀𝙡𝙚𝙣𝙖!
𝙑𝙞𝙫𝙖 𝙎𝙖𝙣𝙩𝙖 𝘾𝙧𝙪𝙯!

05/04/2026

Pistang Bayan na!❤️🤍💛
Narito na ang Official Fiesta Logo!

Viva Santa Elena! Viva Santa Cruz!

𝐊𝐀𝐏𝐈𝐒𝐓𝐀𝐇𝐀𝐍 𝐍𝐆 𝐏𝐀𝐆𝐊𝐀𝐓𝐀𝐆𝐏𝐎 𝐍𝐈 𝐒𝐀𝐍𝐓𝐀 𝐄𝐋𝐄𝐍𝐀 𝐒𝐀 𝐁𝐀𝐍𝐀𝐋 𝐍𝐀 𝐊𝐑𝐔𝐒 𝟐𝟎𝟐𝟔 - 𝐏𝐈𝐒𝐓𝐀𝐍𝐆 𝐁𝐀𝐘𝐀𝐍 𝐍𝐆 𝐍𝐎𝐕𝐄𝐋𝐄𝐓𝐀

"𝘚𝘈𝘕𝘛𝘈 𝘌𝘓𝘌𝘕𝘈: 𝘏𝘶𝘸𝘢𝘳𝘢𝘯 𝘯𝘨 𝘗𝘢𝘬𝘪𝘬𝘪𝘯𝘪𝘨 𝘴𝘢 𝘔𝘢𝘺𝘬𝘢𝘱𝘢𝘭 𝘯𝘨 𝘚𝘢𝘮𝘣𝘢𝘺𝘢𝘯𝘢𝘯𝘨 𝘯𝘢𝘨𝘵𝘢𝘵𝘢𝘮𝘱𝘰𝘬 𝘴𝘢 𝘒𝘳𝘶𝘴 𝘯𝘢 𝘉𝘢𝘯𝘢𝘭"

Tatlong daang taon matapos ang Muling Pagkabuhay ng ating Panginoong Hesukristo, naglakbay ang ating Patrona, ang Mahal na Emperatriz Santa Elena, patungo sa Lupaing Banal. Ang kanyang layunin ay hanapin ang Tunay na Krus na pinagpakuan sa ating Manunubos.

Noong ika-3 ng Mayo, taong 326 A.D., matagumpay niyang natagpuan ang Banal na Krus, kasama ang iba pang mahahalagang relikya ng Pasyon tulad ng Titulus Crucis (INRI), ang mga pako, at ang koronang tinik. Ang makasaysayang pangyayaring ito ay isa sa mga pinakamahalagang haligi ng pananampalatayang Katoliko na nagpapatunay sa sakripisyo ng Panginoon.

Ang bayan ng Noveleta ay kilala sa malalim na pamimintuho sa Santa Cruz, sa ilalim ng gabay ni Santa Elena na hinirang bilang huwaran, patrona, at emperatriz ng bayan. Bilang paggunita sa tagumpay na ito, masayang ipinagdiriwang ang Pistang Bayan tuwing ika-3 ng Mayo.

Ngayong taong 2026, kasabay ng Taon ng Pakikinig, ating ipinagdiriwang ang dakilang ika-1, 700 anibersaryo ng pagkatagpo sa Banal na Krus. Tayo ay tinatawagan na tularan si Santa Elena sa kanyang mapagkumbabang pakikinig sa kalooban ng Maykapal, habang buong parangal nating itinatampok ang Krus na Banal bilang simbolo ng ating kaligtasan. Narito ang Opisyal na Sagisag at Tema ng .
_______________________________________________
𝗕𝘂𝗵𝗮𝘆𝗶𝗻 𝗻𝗮𝘁𝗶𝗻 𝗮𝗻𝗴 𝗧𝗥𝗔𝗗𝗜𝗦𝗬𝗢𝗡, 𝗮𝘁𝗶𝗻𝗴 𝗽𝗮𝘀𝗶𝗴𝗹𝗮𝗵𝗶𝗻 𝗮𝗻𝗴 𝗗𝗘𝗕𝗢𝗦𝗬𝗢𝗡 𝗮𝘁 𝗽𝗮𝗹𝗮𝗹𝗶𝗺𝗶𝗻 𝗮𝗻𝗴 𝗯𝘂𝗵𝗮𝘆-𝗣𝗔𝗡𝗔𝗟𝗔𝗡𝗚𝗜𝗡!

𝙑𝙞𝙫𝙖 𝙎𝙖𝙣𝙩𝙖 𝙀𝙡𝙚𝙣𝙖!
𝙑𝙞𝙫𝙖 𝙎𝙖𝙣𝙩𝙖 𝘾𝙧𝙪𝙯!

04/04/2026

𝐃𝐎𝐌𝐈𝐍𝐆𝐎 𝐃𝐄 𝐑𝐄𝐒𝐔𝐑𝐑𝐄𝐂𝐂𝐈𝐎𝐍

Ang Linggo ng Muling Pagkabuhay ang sentro ng pananampalataya at pinakadakilang pagdiriwang ng Simbahang Katolika, sapagkat ito ang nagpapatunay sa tagumpay ni Hesukristo laban sa kasalanan at kamatayan.

Kaugnay nito, narito ang talaan ng mga gawain ng Simbahan ng Noveleta, Parokya ng Banal na Krus para sa Domingo de Resurreccion. Inaanyayahan po ang lahat na makiisa sa ating mga banal na gawain.

02/04/2026

𝐕𝐈𝐄𝐑𝐍𝐄𝐒 𝐒𝐀𝐍𝐓𝐎

Ang Viernes Santo, ang ikalawang araw ng Triduo Pascual. Ito ay isang sagradong araw sa pananampalatayang Kristiyano na nakatuon sa pag-alala sa pagpapakasakit at kamatayan ni Hesukristo sa krus para sa katubusan ng sangkatauhan.

Kaugnay nito, isasagawa sa ating Simbahan ang Panalangin sa Mabathalang Awa sa ganap na ika-2:45 ng hapon, susundan ng Pagdiriwang ng Pagpapakasakit ng Panginoon at Pagpaparangal sa Krus. Sa ganap na ika-5 ng hapon ay ang Prusisyon ng Paglilibing. Ang lahat ng Mananampalatayang sasama sa Prusisyon ay hinihikayat na MAGSUOT NG KASUOTANG ITIM AT MAGDALA NG KANDILA.

02/04/2026

02/04/2026

𝐌𝐀𝐋𝐈𝐆𝐀𝐘𝐀𝐍𝐆 𝐀𝐑𝐀𝐖 𝐍𝐆 𝐌𝐆𝐀 𝐏𝐀𝐑𝐈, 𝐅𝐑. 𝐓𝐑𝐎𝐘!

Ang sambayanan ng Parokya ng Banal na Krus, Bayan ng Noveleta ay malugod na bumabati sa ating Minamahal na Kura Paroko, Reb. Pd. Benito De Castro sa kanyang muling pagpapanibago ng banal na pangako sa Bokasyon ng Pagkapari sa Misa ng Krisma sa Katedral ng Imus.

Dalangin po namin na kayo ay patuloy na pagpalain ng ating Panginoon upang lalong lumago sa kabanalan at maipagpatuloy ang iyong misyon sa pagpapastol sa sambayanan ng Diyos sa pamamagitan ng Mahal na Poong Santa Cruz at sa tulong ng mga panalangin ni Santa Elena.

01/04/2026

𝐉𝐔𝐄𝐕𝐄𝐒 𝐒𝐀𝐍𝐓𝐎

Ngayong Jueves Santo ating ginugunita ang Huling Hapunan ng Panginoong Hesukristo, ang pagtatatag ng Banal na Eukaristiya - ang Santa Misa at ang Sakramento ng Banal na Orden. Ito rin ang simula ng Triduo Pascual.

Kaugnay nito, sa ika-6:30 ng umaga ay ipagdiriwang ang Misa ng Krisma sa Katedral ng Imus na pangungunahan ng Obispo ng Diyosesis ng Imus, Lub. Kgg. Reynaldo G. Evangelista, D.D. kasama ang mga kaparian. Sa ika-5 ng hapon ang Pagmimisa sa Pagtatakipsilim sa Paghahapunan ng Panginoon at susundan ng pagtatanod sa Santisimo Sakramento na gaganapin sa ating Simbahan.

31/03/2026

𝐇𝐀𝐋𝐈𝐍𝐀'𝐓 𝐌𝐀𝐆-𝐕𝐈𝐒𝐈𝐓𝐀 𝐈𝐆𝐋𝐄𝐒𝐈𝐀 𝐒𝐀 𝐒𝐈𝐌𝐁𝐀𝐇𝐀𝐍 𝐍𝐆 𝐍𝐎𝐕𝐄𝐋𝐄𝐓𝐀!

Ang Parokya ng Banal na Krus, Simbahan ng Noveleta ay bukas para sa lahat ng mga mananampalatayang dadalaw, magninilay at mananalangin ngayong Semana Santa.

Sa ating pagdalaw sa Simbahan ng Noveleta ay ating damhin at gunitain ang dakilang pag-ibig at pagliligtas na ipinamalas ng ating Panginoong Hesus sa kanyang Banal na Krus.

Halina't ating tunguhin ang tahanan ng Mapagkalingang Emperatriz, Santa Elena at ng Krus ng Kaluwalhatian ng Cavite!

Para sa Talaan ng mga Gawaing Liturhikal ngayong Semana Santa sa Parokya ng Banal na Krus - Simbahan ng Noveleta, mangyaring pindutin ang link:

https://www.facebook.com/100071174503872/posts/962002172848924/?app=fbl

29/03/2026