14/06/2026
𝐏𝐀𝐒𝐀𝐒𝐀𝐋𝐀𝐌𝐀𝐓 🌾
Mula po sa Pamunuan ng Pastoral Council ni San Antonio de Padua, kami po ay taos-pusong nagpapasalamat sa lahat ng nakiisa at tumulong upang maging matagumpay at makabuluhan ang pagdiriwang ng Kapistahan ng ating mahal na Patron, si San Antonio de Padua.
Maraming salamat po sa lahat ng nakibahagi sa Novena Mayor, sa ating mga sponsor at mga nagkaloob ng pagkain para sa banda, sa mga tumulong sa paggagayak ng andas at karosa, sa mga naghanda at nag-asikaso ng karakol at prusisyon, gayundin sa lahat ng mga volunteer, deboto, at mananampalatayang naglaan ng kanilang oras, pagod, talento, at suporta para sa ating kapistahan.
Sa pamamagitan ng ating pagkakaisa, bayanihan, at pananampalataya, naging maayos, ligtas, at matagumpay ang pagdiriwang ng kapistahan ngayong taon. Ang tagumpay na ito ay bunga ng sama-samang pagtutulungan ng buong komunidad at ng biyaya ng Diyos sa pamamagitan ng ating Patron na si San Antonio de Padua.
Muli, taos-puso po kaming nagpapasalamat sa inyong lahat. Nawa’y patuloy tayong pagpalain ng Poong Maykapal at gabayan ni San Antonio de Padua sa ating pang-araw-araw na buhay.
Viva San Antonio de Padua! ❤️🙏
