Calling Of Holy Mother

19/11/2025

හැම පැවිදි පූජකයෙකුගේම ආත්ම තුළින් මගේ දයාව පරිවර්තනය විය යුතුය..
****************************************
අප දෙවියන්ට සමාන වන්නේ අසල්වැසියාට සමාව දෙන විටයි. දෙවියන් වහන්සේ ආදරයයි. යහපතයි. එමෙන්ම දයාවයි... හැම ආත්මයක් තුළින්ම විශේෂයෙන්ම හැම පැවිදි පූජකයෙකුගේම ආත්ම තුළින් මගේ දයාව පරිවර්තනය විය යුතුය.. සියල්ලන් වෙනුවෙන් මගේ හෘදයෙන් කරුණාවත්, දයාවත් උතුරා ගලා යයි... මාගේ ප්‍රේමවන්තියන්ගේ හදවත මාගේ හදවතට සමාන පැවතිය යුතුය: ඇගේ හදවතින් ආත්ම වෙත මගේ දයාවේ උල්පත උතුරා ගලා යා යුතුය;
එසේ නැතහොත් ඇය මාගේ ලෙස මම නොපිළිගනිමි (දිනපොත ශු.පවුස්තිනා තුමිය.1148) Calling Of Holy Mother

01/09/2025

මහා උගතෙකු හෝ, මහා ප්‍රඥාවන්තයකු සේ පෙනී සිටීමේ අරමුණින් කිසිවක් හැදෑරීමට නොයන්න..

ලෞකික සහ නිරර්ථක ඉගෙනීම කෙරෙහි කල්පනාකාරී වන්න..
*********************************************
මනුෂ්‍යයන්ගේ මිහිරි චාටු බස්වලට ඔබව මුලා කිරීමට ඉඩ නොදෙන්න. මන්ද දෙවියන් වහන්සේගේ රාජ්‍ය වනාහි කතා ශක්තියෙන් නොව දේව බලයෙන් ක්‍රියා කරන්නකි (1කොරන්ති 4:20)
ඒ වෙනුවට හදවත් දල්වාලන්නාවූ ද මනස ආලෝකමත් කරන්නා වූ ද, පසුතැවිල්ලට උනන්දු කරවන්නාවු ද නානාවිධ අස්වැසිමි වලින් ගහන වු ද
මාගේ වදන් වලට සවන් දෙන්න. මහා උගතෙකු හෝ, මහා ප්‍රඥාවන්තයකු සේ පෙනී සිටීමේ අරමුණින් කිසිවක් හැදෑරීමට නොයන්න.. ඔබේ දුසිරිත් ගැන ලැජ්ජාවට පත්වන්න. මන්ද බොහෝ බැරෑරුම් ප්‍රශ්න ගැන ඔබට ඇති අවබෝධයට වඩා එය ඔබට ඵලදායි වනු ඇත...

ඔබ බොහෝ දේ ඉගෙන ඇතිමුත්, සැම විට මූලික සිද්ධාන්තයන් සලකා බැලීම ඔබට බොහෝ වැඩදායක වේ. මනුස්සයාට ශාස්ත්‍ර ඥානය දෙන්නේ මා විසින් වන අතර, මිනිසාට ඉගැන්විය හැකිවාට වඩා.. සුපැහැදිලි අවබෝධයක් බාලයන්ට දෙන්නේද මමය.. මා හා කතිකාවෙහි පසු වන්නා ඉතා ඉක්මනින්ම ප්‍රඥාවන්තයෙකු බවට පත්වන අතර ඔහුගේ ආත්මයද ඉන් ඵල ලබන්නේය. නමුත් කුතුහලය පිරි නොයෙක් දේ ගැන මිනිසුන්ගෙන් විචාරණයන්ටද මා හට සේවය කරන ආකාරය පිළිබඳ සුළු සැලකිල්ලක් දක්වන්නාටද විපත් පැමිණෙනු ඇත...
The Imitation of Christ කෘතිය ඇසුරෙන්, Divine mercy for children

25/08/2025

මාගේ නාමය දරන මේ මාලිගාව සොරුන්ගේ ගුහාවකැ යි නුඹලා සිතන්නහු ද? නුඹලා කරන දේ සැබැවින් ම මට පෙනේ. මෙසේ පවසන්නේ සමිඳාණන් වහන්සේ වන මම ය. ....

මා නමස්කාරය ලබන පිණිස මා මුලින් ම තෝරාගත් ස්ථානය වන ෂිලෝවට ගොස්, මාගේ සෙනඟ වන ඉශ්රායෙල්වරුන්ගේ දුෂ්ටකම නිසා මා ඊට කළ දේ බලන්න.
මා සඳහන් කළ සියලු පව් නුඹලා කර ඇත. මා නුඹලාට නැවත නැවත ඕනෑකමින් කතා කළ නමුත්, නුඹලා මට සවන් නොදුන්නහු ය. මා නුඹලාට අඬගැසූ නමුත්, නුඹලා මට පිළිතුරු නුදුන්නහු ය.
ඒ නිසා මාගේ නාමය දරන, නුඹලාගේ විශ්වාසය තබා ඇති මේ මාලිගාවටත්, මා නුඹලාට හා නුඹලාගේ පියවරුන්ට දුන් මේ ස්ථානයටත් ෂිලෝවට කළ දේ මම කරන්නෙමි. මා නුඹලාගේ සහෝදරයන් වන මුළු එප්‍රායිම් වංශය නෙරපාදැමූ පරිදි නුඹලාත් මා ඉදිරියෙන් මම නෙරපා දමන්නෙමි.”
ජෙරමියා7:11-15) Calling of Holy Mother
Divine Mercy for Children

22/07/2025

යහපත් බැටළු එඬේරා..
මම නැති වූ බැටළුවා සොයන්නෙමි; මුළා ව ගිය බැටළුවා ආපසු ගෙනෙන්නෙමි; තුවාළ වූ බැටළුවාගේ තුවාළ බඳින්නෙමි; ලෙඩ වූ බැටළුවා ශක්තිමත් කරන්නෙමි; ශක්තිමත් වූ බැටළුවන් රැකබලාගන්නෙමි. මම උන්ට සැබෑ එඬේරෙක් වන්නෙමි.(එසකියෙල් 34:16) Calling of holy mother.-
Divine Mercy for Children

21/07/2025

කුරුසිය මතදී හෙල්ලයෙන් මාගේ දයාවේ උල්පත සියලු ආත්මයන් වෙනුවෙන් පුළුල්ව ඇරී ගියේය. කිසි කෙනෙකුව මා ඉවත් කර නැත.....

මාව ඉවත් කරන එකම දෙය මරණීය පාපය හැර වෙන කිසිවක් නැත..
******************************************************
මගේ දියණිය, ඔබගේ හදවතේ ගැඹුරු පත්ලේ ඔබට මාව නොදැනුනත්, මා එහි නොසිටින බව ඔබට කිව නොහැකිය.
මගේ දියණිය , ආත්මයකින් මාව ඉවත් කරවන එකම දෙය මරණීය පාපය හැර, වෙන කිසිම දෙයක් නොවන බව හැමදෙනාටම කිසිම සැකයක් නැතුව දැනගන්න. මාගේ ප්‍රසාදය සහ සතුට වන මාගේ දියණිය, ඔබට වරප්‍රසාද දීමෙන් මාව වැළැක්වීම කිසිවකින් කළ නොහැකිය. ඔබගේ දුක්ඛිත භාවය මාගේ දයාවට බාධාවක් නොවේ.
මගේ දියණිය,
ආත්මයක දුක්ඛිත භාවය වැඩිවන තරමට මාගේ දයාව කෙරෙහි එහි අයිතිය වැඩිය. සියලු ආත්මයන්ට මාගේ ඉමක් කොනක් නැති අසීමිත දයාව ගැන විශ්වාස තැබීමට උනන්දු කරවන්න... මන්ද ඔවුන් සියලු දෙනාම ගලවා ගැනීමට මට අවශ්‍යය..
කුරුසිය මතදී හෙල්ලයෙන් මාගේ දයාවේ උල්පත සියලු ආත්මයන් වෙනුවෙන් පුළුල්ව ඇරී ගියේය කිසි කෙනෙකුව මා ඉවත් කර නැත..
(දිනපොත ශු.පවුස්තිනා තුමිය.1181,1182)
Calling of Holy Mother -Divine Mercy for Children

17/07/2025

15/07/2025

යහපත් බැටළු එඬේරා
************************
”මහෝත්තම දෙවි ස්වාමීන් වහන්සේ මෙසේ වදාරන සේක: බලන්න, මම ම මාගේ බැටළුවන් ගැන සොයා බලා, උන් රැකබලාගන්නෙමි. එඬේරෙකු තමාගේ බැටළු රැළෙන් විසිර ගිය සමහරෙකු සොයා යන්නාක් මෙන් මමත් මාගේ බැටළුවන් සොයා ගොස්, මීදුම සහ අන්ධකාරය ඇති දවසේ දී උන් විසිරී ගිය සෑම තැන්වලින් උන් ගළවාගන්නෙමි.

මාගේ බැටළුවෙනි, නුඹලාට දෙවි ස්වාමීන් වහන්සේ මෙසේ වදාරන සේක. හොඳ බැටළුවන්ගෙන් නරක බැටළුවන් මම වෙන්කරන්නෙමි. නුඹලාගෙන් සමහරු හොඳ තණ කෑමෙන් සෑහීමට පත් නොවනු පමණක් නොව, ඉතිරි හොඳ තණ පවා පාගාදමන්නෝ ය; නුඹලා පිරිසිදු වතුර බොනවා පමණක් නොව හොඳ වතුර පාගා මඩ කරන්නහු ය. මාගේ සෙසු බැටළුවන්ට නුඹලා පාගාදැමූ තණ කන්නට ද නුඹලා මඩ කළ වතුර බොන්නට ද සිදු වී ඇත.”(එසකියෙල් 34:11-19) Calling of Holy Mother

27/06/2025

කුරුසිය මත ක්‍රිස්තුස් වහන්සේගේ යාගය සහ අපගේ යාග වීම.
*****************************************************
කිතු සමිදානෝ :- ඔබගේ පාපයන් වෙනුවෙන් , කුරුසිය මත නිරුවත්ව දෑත් විදහාලමින් දෙවියන් වහන්සේ ට කැමැත්තෙන්ම මා ජීවිතය පුද දුන් බැවින්, දේව උදහස සංසිඳවාලීමට කළ යුතු පූර්ණ පරිත්‍යාගයක් මට තවත් ඉතිරිව නැති අතර, ඒ නිසාවෙන් දිනපතා දිව්‍ය යාගය තුළ පිවිතුරු යාගයක් ලෙස ඔබගේ හැකි උපරිම හැකියාව සහ සෙනෙහස සමඟ හදවත පත්ලෙන්ම ඔබ තමන්ම මා වෙත තුටින් පුද දිය යුතුය..

**සපුරාම මා වෙත තමන්ව පුද දෙන ලෙස ඔබෙන් ඉල්ලා සිටීමට වඩා කුමක් මා ඔබෙන් ඉල්ලා සිටිම්ද.
ඔබ මට දෙනු ලබන අන් කිසිවක් මා මායිම් නොකරනුයේ ඔබේ පඬුරු නොව, මා ඔබම බලාපොරොත්තුවෙන් පසුවන බැවිනි.

**මා නොමැතිව අන් කිසිවක් අයිතිකර ගැනීම ඔබට ප්‍රමාණවත් නොවන්නා සේම, ඔඹ ඔබවම මා වෙත පවරා නොදී අන් කවරක් දුන්නද ඉන් මා සතුටු කිරීමට ඔබට නුපුළුවන..
එබැවින් ඔබ ඔබවම මාවෙත පුද දෙන්න. තමන්ව සපුරාම දෙවිඳුන්ට පුද දෙන්න. ඒ පඬුර පිළිගනු ලබනු ඇත. බලන්න ඔබ වෙනුවෙන්ම මා විසින් මාවම, මුළුමනින්ම පියාණන්ට පුදකළෙමි. එසෙම සදහටම මුළුමනින්ම මා ඔබේද ඔබ මගේද වනු පිණිස, මගේ ශරීරය සහ රුධිරය පවා ඔබට ආහාරයක් කොට දී ඇත..
ක්‍රිස්තු අනුසාරය ඇසුරින් Divine Mercy For Children .

21/03/2025

මාගේ හඬට කීකරු වන්න, එවිට මම නුඹලාගේ දෙවියන් වහන්සේ වන්නෙමි. නුඹලා ද මාගේ සෙනඟ වන්නහු ය; නුඹලාට ශුභසිද්ධ වන පිණිස මා නුඹලාට අණ කරන මාර්ගය අනුව හැසිරෙන්න,
*එහෙත්, ඔව්හු සවන් දෙන්නේ වත්, කීකරු වන්නේ වත් නැති ව, හිතුමතේ ද මුරණ්ඩු සිත්වල දුෂ්ට අදහස් අනුව ද හැසිරෙමින් ඉදිරියට යෑම වෙනුවට පසුබැස ගියහ.
* නුඹලාගේ පියවරුන් මිසර දේශයෙන් පිටත් ව පැමිණි දා සිට අද දක්වා, නොකඩවා මම මාගේ සේවකයන් වූ දිවැසිවරුන් ඔවුන් වෙත එවීමි. එහෙත්, ඔවුන් සවන් දුන්නේ වත්, කන් යොමු කෙළේ වත් නැත. ඒ වෙනුවට ඔව්හු මුරණ්ඩු වී ඔවුන්ගේ පියවරුන්ටත් වඩා නපුරුකම් කළෝ ය.
(ජෙරමියා 7:23-26) Calling of Holy Mother