Deacon Isiak Bekele

22/08/2026

ደብተራ ፍጽምት ዘጳውሊ ፈለሰት እምዘይበሊህ ኀበ እይበሊ።
በመሰንቆሁ እንዘ የሐሊ ዳዊት አቡሃ ዘወልዳ ወዓሊ።

Dunkaanni qulqullittiin kan phaawuloos olbaatee kan darburraatii gara isa hin dabarree.
Ximboosaatiinii isheef faarfachaa Daawiiti abbaanshee garbichi ilmashee.
(መሰንቆ=Xinboo)

Baga Geessan!

16/08/2026

Nyaanni dhokate kan si keessa jiru, Leemmati warqee si'iidha. Nyaanni kunis, nyaata samiirraa bu'ee addunyaa hundumaaf jireenya kennuudha.
Yaa qulqulleetti nuuf kadhadhu!

(Galata Maariyaamii kan guyyaa sanbata Kiristiyaanaa)

Dilbata Dilbii🥰

09/08/2026

Darbamnus qabdee nu dhaabdaa
Yoo kufnes ati ol nu qabdaa
Caba keenyaaf wal'aansa taatee
Miilli keenya si'iin dhaabatee×2
Iyyasuus🥰

Dilbata Dilbii🙏

06/08/2026

Akkoonkoo 'Shilfataa Maaramii', jetti turte. Haatikoommoo "Filshata Maaramii', jetti. Torban eebbifamaa jal-bultii Subaa'ee Giiftii Keenyaa geenyee jirra.

Anillee yeroo daa'imummaa kootii kaasee hanga yeroo dhiyootti halkan torban kanaa mana Kiristiyaanaattin dabarsan ture. Amma garuu haalli fedhiikoo daangeessee akkan eebbasheerraa hin hirmaanne na godhuyyuu hafuurrikoo, yaadnikoo hundumtuu balbalashee jira.

Kadhannaa torban kana godhattan keessattis, Kiristiyaanotni hundumtuu ana Obboleessa keessan 'Humna Iyyesuus(ኃይለእየሱስ) na yaadadhaan kabajaan isin gaafadha.

Eebbishee, sugnishee hunduma keenyarra haa bulu!

03/08/2026

Baga Geessan !

Oolmaa gaarii qabaadhaa.

"Na dhageesseettaatii, fayyinas naaf taateettaatii, sin galateeffadha!" (Faar 118÷21)

27 🕎🕯🕯🕯
Isa qoricha keenya ta'e, guyyaa Fayyisaa addunyaa baga geessan!

02/08/2026

Oduu Dansaa !
Yaadannoo Mucummaa keenyaa hundumaa keessaa caalee calaqqisee mul'achuun; Eebbaafi Sugaan kan nu guddise, "Subaa'een Giiftii keenyaa(Filsetaan)" seenuudhaaf torban irraa cabeera.!

Hunduma keenya ittiin nu haa ga'u !

Dilbata Gaarii !!

30/07/2026

More honorable than the Cherubim, and beyond compare more glorious than the Seraphim.

Kiruubeel Caalaa kabajamtuu, Suraafeeliinis ol(Kan hin madaalchifamne) Ulfina kan qabdu.
Maariyaam !

Guyyaa Gaarii !

28/07/2026

Maariyaam!

Maqaa kana yeroo dhageessan maaltu qalbii keessanitti dhufa?

Anaan;
- Haadha Waaqaa(Ajaayibsiisaa)
- Dubaroota hundumaa keessaa filatamtuufi Ayyaana qabeettii
- Yeroo tokkotti dubroofi Haadha(Ajaayibsiisaa)
- Uumaashee garaatti baattee, deessee, qomasheefi dugdasheettii baattee kan guddiste
- Kasoominaan kan guutamte (Anoo dhiira hin beekuutii kun akkamitti naaf mala?) Jechuun misiraachoo dhageesse kan ajaayibsiifatte.....baay'ee baay'ee
Garamittin dubbadhee fixa !

Baga geessan!

26/07/2026

‎Ani Kiristiyaanadha !
‎
‎Himni ijoon kun sagaleesaa daa'imummaa isa akka dammaa miyaa'u sanaan guyyaa har'aa kana Daa'miticha Qulq. Qiirqoosiin dubbatame.
‎
‎Yeroo tokko qofa osoo hin taane irra deddeebiyamee. Akkuma laayyootti namootaafi bakka baratamaatti osoo hin taane, Bakka ajjeefamuuf loltootaan marfamee jirutti malee. Bakka Mootiin dheekkamsaan ijasaa diimessee tuffiifi dhaadannoo ajjeechaan ifataa jirutti malee.

‎Bakka duuti durasaa dhaabbatee sekondiin lakka'amaa jirutti, Bishaannis danfee, Summiiwwaniifi Asiidiiwwaan yeroo muraasa gidduutti qaama namaa cicciranii balleessuu danda'anis addunyaarraa barbaadamanii fidamuun bishaan danfifamee sanaan wal makamanii jiranitti. Kun hundumtuu kiristiyaanotni danuun gorra'amanii, kaanis jumlaan ajjeefamanii, Daa'imtichi Qiirqoosiifi Haatisaa Iyyeluuxaan garuu qabamanii kiristiyaanummaa waan jedhamu akka dhiisaniif kana hundumaan doorsifamaa jiru. Daa'imti kun garuu sagaleesaa ol-fudhatee 'Ani Kiristiyaanadha*3' jechuun, warroota ajjeesuuf qophaa'an dura dhaabbatee itti lallabe.
‎
‎Haatisaallee Bishaanicha arguum sodaattee turte, daa'imti kun garuu Haadhasaaf kadhatee Hafuura Qulqulluun guutamtee akkasheen jajjabaattu godhe. Jajjabeessaa Hafuura Qulqulluun guutamanii Dhugaafi ija-jabinaan amantaasaanii lallabuun Bishaan Danfaafi Summaawaa sanatti darbataman. Ariifataafi Dafee qaqqabaan Qulqullichi Gabri'eeliinis isaan oolchuun gonfoo Wareegamummaa fudhachuun tarree qulqullootaa hiriiruu danda'aniiru.
‎
‎Nutimmoo har'a baay'een amantoota keenyaa beekamtii xiqqoo yoo arganne, kaameraa durattiyuu Fannoo keenya gara duubaatti naanneessina, ykn dursinee ofittii baasna. Fannoo kaa'achuufi Kiristiyaana jedhamuun akka waan nama qaaneessuutti. isaan kun miyaa'inaafi gatii kiristiyaanummaa warra hin galleefiidha.
‎
‎Kaan keenyammoo, Bilbila jijijjiiruun(Sumsung, iphone..) Bataskaanaafi Ayyaana deemnu hundumaatti Fotoo ka'aa oolla. fotoo yaadannoof ka'uun gaariidhuma. garuu kankeenya akkas ta'aa hin jiru. waltajjiirraa sagalee Waaqayyoo isa hundumaan oliitu barsiifama, nutimmoo fotoo kaana yoo ta'e, osoo kadhatamuu waa'ee fotoo ka'uufi eenyuu waliin ka'uu yaanna yoo ta'e, waa'ema 'post, Comment, share...like' yaanna yoo ta'e, Nuti kiristiyaanummaan nurkaa badeera jechuudha. kun hoffaa(duwwaa) ta'uudha.
‎
‎kiristiyaanummaan qoosaa miti gatii hedduudhaan nu qaqqabe, ittiin jiraachuu keenyaafis gatii tilmaama hin qabne itti argachuuf jirra. gatiin kunis biyyi lafaa osoo hin uumamin ishee ilmaan namootaaf qophoofte Mootummaa Waaqayyooti. Iji keenya yeroo hundumaa calaqqisa Addunyaa ishee darbituufi Nuufimmoo gaddaafi gadadoo malee kanbiraa nuuf qopheessuu hin beekne kanaan osoo hin burjaaja'in; Dhugaafi Hafuuraan galma keenya ishee galgalaa sana Yaaduu qabna. ammas nan jedhaa, "Dhugaafi Hafuuraan."
‎Waaqayyo hubannaasaa nuuf haa laatu!
‎
‎Ani Kiristiyaanadha.
‎
‎Eebbi, Sugniifi Kadhannaan isaanii, Eegumsaan Ergamaa guddichaa Qulq. Gabri'eelii nu waliin haa ta'u !
‎
Deacon Isiak Bekele

18/07/2026

‎‎Haallee Luyyaa, ani baay'ina arjummaa keetiin gara mana kee nan gala. Siin sodaachuudhaan mana qulqullummaa Ati itti galateeffamtuttis nan jilbeenffadha (sagada). Yaa Gooftaa yaada koo guutuun siifan bitama, jecha yaada kootii hunda na dhageesseettahoo.
‎
‎Ergamoota kee fuulduratti siifan faarfadha. Mana qulqullummaa keetti siifan jilbeenfadha. Luboonni kee dhugoomina ni uffatu. Dhugoomtonni kees gammachuudhaan gammadu.
‎
‎Hisoophiin natti facaasta, nan qulqullaa'a, na dhiqxa, cabbii caalaa qulqulluu nan ta'a. Cubbuurraa na dhiqii na qulqulleessi, badii koorraas na qulqulleessi.
‎
‎Dhoksee kanan hojjedhe irraa na qulqulleessi. Garbicha kee waan addaa irraa fayyisi. Hibistii (Nyaata) samii kenniteef, dhalli namaas nyaata (Hibistii) Ergamootaa nyaatan.
‎
‎Harka koo qulqullinaan nan dhiqadha. Yaa Gooftaa teessoo aarsaa kees nan naanna'a. Dunkaana kee keessattis aarsaa nan dhiyeessa, nan ililchas. Dhiphina kan natti jabeessan duratti, nyaata naaf qopheessite.
‎
‎Mataa koos dibata na dibde, xoofoon kees cimaadha, nama qabbaneessa, Xoofoo jireenyaa nan fudhadha. Maqaa Waaqayyoos nan waammadha. Bara jireenya koo hundaa, dhiifamni kee na hordofu. Bara dheeraaf mana Waaqayyoo keessa akka na jiraachiftuuf.
‎
‎Yaa Gooftaa fayyisi, yaa Gooftaa mijeessi. Abbaaf, Ilmaafi Afuura Qulqulluufis, galanni haa ta'u; bara baraan.
‎
‎(Sirna Galatoo(ስርዓተ ቅዳሴ) Lakk. 61)

Deacon Isiak Bekele