Dinamus Gemeenskapskerk

11/06/2026

Goeiemore! 1 Korintiërs 7. 'n Ongetroude Paulus gee raad oor die huwelik. Om te trou of nie en hoe en hoe om sake binne die huwelik te hanteer. Paulus se fokus is enkelvoudig: God! Niks moet die aandag en fokus hiervan aftrek nie. Ook nie ons "relationship status" nie al is dit Facebook se "complicated", nee, veral dan. Ons eerste liefde en prioriteit as gelowiges is ons verhouding met God. Dit moet ons koester en bewaar bo alles en almal anders. Dit wil 1 Kor 7 ons leer. God 1e, huwelik 2e, kinders 3e, ens., ens. God het ons 1e gesit aan die kruis en doen dit steeds elke dag. Dat ons dieselfde doen is die redelike reaksie op Hom wat ons eerste en meeste liefhet. Mag God jou seën en tot seën maak van ander. Tot more...Johann

10/06/2026

Goeiemore! 1 Korintiërs 6. Vermy hofsake tussen gelowiges en hou jou lyf weg van sonde. Maar hoekom is hierdie dinge vir Paulus belangrik om uit te lig. Want as vrygemaaktes, verlostes en mense wat vergewe is moet ons besef dat ons lewe getuig van Hom wat ons vrygemaak het en die ultimate prys vir ons betaal het. Of verstaan julle nie dat julle liggame ’n tempel van die Heilige Gees is wat in julle woon en deur God aan julle gegee is nie? Julle behoort nie aan julleself nie, want julle is teen ’n duur prys gekoop. Daarom moet julle God met julle liggaam verheerlik. - 1 Korintiërs 6:19-20. Vraag is: "Wat maak jy met daai tempel?" Mag God jou seën en tot seën maak van ander! Tot more...Johann

09/06/2026

Goeiemore. 1 Korintiërs 5. Paulus spreek die gemeente aan omdat hulle die sondaars hulle dade nie toereken nie maar eerder celebrate. Ons kultuur doen dieselfde met realiteitsprogramme en selfs wie verkies word tot leiers. Verkeerd bly verkeerd al draai jy dit mooi toe. God verdra nie sonde nie. Punt. Ons moet ook nie, nie in ons eie lewe nie en ook nie in die lewens van ander nie. Mag God jou seën en tot seën maak van ander. Tot more...Johann

08/06/2026

Net 'n week om te gaan! Jy in Tzaneen? Gaan jy/julle ons join? RSVP om te bespreek...

08/06/2026

Goeiemore! 1 Korintiërs 4. Paulus praat oor die feit dat elkeen se gewete en lewe aan God alleen aanspreeklik is. Dan kom hierdie "klaar gepraat" / mic drop vers: "Julle moet dus nie voortydig ’n oordeel vel voordat die Here kom nie. Hý sal sy lig laat skyn op die dinge wat in die donker verborge lê, en Hý sal die motiewe van ons harte aan die lig bring. Dan sal God aan elkeen die lof gee wat hom of haar toekom." - 1 Korintiërs 4:5. So, hierdie week. Kom ons fokus elkeen op hom-/haarself en kyk in die spieël eerder as links of regs of oor ons skouer. Sterkte vir die week. Mag God jou seën en tot seën maak van ander. Tot more...Johann

07/06/2026

Naand! Hiermee vanoggend se boodskap. Wysheid by God is dwaasheid vir die wêreld...so maak tyd om hierdie te kyk en dalk wen jy die ewigheid se tyd? https://youtu.be/lfWtEmq4f0I God seën vir die week! Johann Fourie

Dom Of Slim Groot Of Klein 1 Korintiers 2 en 3 - Dinamus Gemeenskap...

05/06/2026

Goeiemore! 1 Korintiërs 3. Paulus spreek faksies aan binne die gemeente, of soos dit deesdae genoem word "cliques".In die Korinte gemeente het dit ontstaan as gevolg van wie hulle aan Jesus voorgestel het, vir sommige was dit Paulus, vir ander Apollos. Deesdae is die duiwel steeds besig en gebruik enige manier om gelowiges teen mekaar te laat opstaan en uit mekaar te dryf. So steel hy ons fokus. Die fokus is God! Dinamus is nie Johann se kerk nie net soos CRC nie At Botha se kerk is of Unite 180 David Grobler se kerk is nie. Dis God se kerk (of soos Paulus dit elders stel: "Die kerk is Sy liggaam en Jesus is die Hoof). Moenie die duiwel vatplek gee nie. Streef na eenheid en harmonie met jou geestelike boeties en sussies en God sal laat groei! Mag God jou seën en tot seën maak van ander. Tot more...Johann

04/06/2026

03/06/2026

Goeiemore! 1 Korintiërs 1. Paulus groet en lê die kruis neer as basis en vertrekpunt van alles. Dan spreek hy hierdie versekerende, bemoeidgende, bevestigende woorde oor wat God vir Sy kinders aanhou doen nadat Hy hulle geroep het tot verhouding met Sy Seun: "Hy sal julle enduit vas laat staan... God sal dit beslis vir julle doen, want Hy hou altyd by sy woord. Dit is tog Hý wat julle geroep het om in hierdie wonderlike persoonlike verhouding met sy Seun, Jesus Christus ons Here, te deel". - 1 Korintiërs 1:8-9. Dit was toe waar en dit is vandag steeds waar. Hy sal jou vas laat staan! In Hom is geen storm jou baas nie. Mag God jou seën en tot seën maak van ander. Tot more...Johann

02/06/2026

Goeiemore! Romeine 15 EN 16 (ja, 2 vandag agv fout op kalender). Paulus sluit sy brief aan Romeine af met 'n paar belangrike slotgedagtes en spreek hom veral uit teen geestelike hoogmoed. Tussen dit alles bid en spreek hy oor sy lesers 'n seën uit, 'n seën wat ons almal nodig het en wat ek oor jou wil spreek: "Ek bid dat dié God wat aan my en jou ’n toekomsverwagting gee, deur die geloof jou lewe met blydskap en vrede sal vul. Ja, mag jou lewens tot oorlopens toe vol verwagting word deur die kragtige werking van die Heilige Gees" - Romeine 15:13 (aangepas en verpersoonlik) Wat is dit in eenvoudige taal? Dit: Mag God jou help om die goeie stryd van die geloof en die lewe enduit te stry! Mag God jou seën en tot seën maak van ander. Tot more...Johann