Nederduitsch Hervormde Kerk Horison

09/06/2026

Goeie môre, gemeente,

Ons gaan oor die volgende weke na die pragtige profeteboek in die Ou Testament, Hosea, kyk met daaglikse kort oordenkinge.

Die boek Hosea begin op n baie vreemde noot.
Die Here is so hartseer oor die volk Israel se ontrou teenoor Hom dat Hy aan sy profeet Hosea opdrag gee om met n slegte vrou te trou!
God wou aan die volk demonstreer hoe ontrou hulle aan Hom is. Praat alleen was nie meer genoeg nie. God het Hom nou tot skokterapie gewend. Hulle moes met hulle eie oë sien hoedat die profeet se hart gebreek word deur 'n slegte wegloopvrou.
En die bedoeling van God was dat hulle hulself in hulle skandelike ontrou moes sien.
Hosea se huwelik is ook 'n demonstrasie van smart - God se smart oor sy ontroue volk.
In die hartseer oë van die profeet moes hulle God se smart sien.

Besef ons dat ons met ons halfhartige diens en ons ontrou vir God 'n ook bron van smart kan wees?
Maar, ons sien ook hoe verrassend God se trou is. Hy stel oor Israel: "Tog sal Ek weer begin om haar die hof te maak...".
Die onbegryplike van God sr liefde word in die woordjie "tog" uitgedruk.
Die deurlopende boodskap van Hosea is dat die evangelie totaal onlogies is. God se liefde en trou is op geen manier te verklaar nie.
Voor só 'n God en so 'n boodskap kan mens net stil word en in aanbidding buig.

Groete en mooi dag aan almal

07/06/2026

Preek: Sondag 7 Junie 2026

Nyd de videoer og den musik, du holder af, upload originalt indhold, og del det hele med venner, familie og verden på YouTube.

05/06/2026

05/06/2026

Goeie middag, gemeente,

Een van die belangrikste aspekte van die Heilige Gees, bly egter die besondere band tussen die Seun, Jesus Christus en die Heilige Gees.

Van die eerste oomblik af is die Heilige Gees by elke aspek van Jesus se aardse lewe betrokke.
Reeds al met Maria se swangerskap wat uit die Heilige Gees was, tot Jesus se versoeking in die woestyn, waarin die Heilige Gees Hom versterk het en regdeur Sy lyding.
Dit was ook Jesus se grootste gebed en wens vir sy dissipels, dat ook hulle, net soos Hy, die wonderlike teenwoordigheid en leiding van die Heilige Gees sal ervaar.
Vandag bly dit een van die heerlikste waarhede van ons geloof, God die Heilige Gees woon in my en maak van my 'n tempel van God.

Groete en mooi aand aan almal

05/06/2026

Goeie middag, gemeente,

In aansluiting by ons tema van die Heilige Gees, tydens hierdie Pinkstertyd van die kerklike jaar, kyk ons vanmiddag vlugtig na verwysinge na die Heilige Gees in die historiese boeke van die Ou Testament, soos Rigters en die Sameulboeke.

In Rigters lees ons dit soos n refrein dat die Here dié leiers gelei het deur Sy Gees.
So bv in Rigters 3:10 word oor die Rigter Otniël gesê: "Die Gees van die Here was op hom en hy het oor Israel geregeer..."
So ook weer in Rigters 11:29:" Toe het die Gees van die Here op Jefta gekom..."
Hoe wonderlik as die Here ons uitkies vir sy werk en ons dan toerus met die gawe van die Heilige Gees.
Dit plaas ons egter ook onder 'n besondere verpligting en vra van ons buitengewone gehoorsaamheid en toewyding.
Dit leer ons uit die lewensverhaal van Saul so duidelik.
Van Saul is aanvanklik gesê:"Die Gees van die Here het kragtig in hom gewerk...", maar na n lewe van hoogmoed, ongehoorsaamheid en eie wysheid, word die tragiese later berig in 1 Sameul 16:14, "Maar die Gees van die Here het van Saul gewyk ...".

Die Heilige Gees se teenwoordigheid by ons en sy leiding aan ons is 'n groot voorreg, maar dit vra ook van ons om die Here in alles so te dien, dat ons altyd die Gees in ons sal hê.

Groete en mooi middag

31/05/2026

Preek: Sondag 31 Mei 2026

Nyd de videoer og den musik, du holder af, upload originalt indhold, og del det hele med venner, familie og verden på YouTube.

30/05/2026

Goeie middag, gemeente,

In aansluiting by ons prediking eerskomende Sondag oor die Heilige Gees, nog enkele aspekte oor wat die Skrif ons oor die Heilige Gees leer.

Die Heilige Gees sal heeltemal van ons besit neem as ons Hom innooi. Hy bepaal dan ons verstand, ons denke, ons hart en ons emosies.
Hy wil bepaal wie ons is en hoe ons praat en doen.
Hy wil ons buitengewoon laat lewe, die onbeperkte omvang van my geestelike lewe bepaal; Hy gee aan ons krag, dapperheid en geloofsmoed, en maak ons gehoorsaam en toegewy aan die Here se Woord.

Groete en mooi naweek aan almal

30/05/2026

Goeie middag, gemeente,

Een van die mees merkwaardige uitsprake oor die rol en funksie van die Heilige Gees in ons lewens, vind ons in Markus 13: 11.
Die dissipels word gewaarsku dat dit sal gebeur dat hulle vervolg sal word. En wanneer dit gebeur, sê Jesus: "...moenie julle vooruit bekommer oor wat julle sal sê nie, maar julle moet praat soos dit op daardie oomblik aan julle gegee sal word, want dit is nie julle wat praat nie, maar die Heilige Gees".

So deel van ons is die Here se Gees dat Hy ons nie net met sy liefdevolle teenwoordigheid omvou en ons beskerm nie, maar ons gedagtes en woorde rig, sodat ons presies sal weet wat om te sê wanneer ons onsself in n vyandige wêreld moet verdedig en oor die waarheid moet getuig. Dit is amper asof die Gees namens ons sal praat.

Daarom dat Jesus ook na die Gees verwys as die "Voorspraak", Hy wat namens ons praat en voortdurend vir ons intree.
Daarom kan ons met vreugde en blymoedigheid as gelowiges elke dag leef, die Gees tree vir ons in en praat namens ons.

Groete en mooi middag

30/05/2026

Goeie naand, gemeente,

In aansluiting by ons prediking van eerskomende Sondag waarin ons die soeklig laat val op die wyse waarop die Heilige Gees in ons werk, verwys ons in ons daaglikse oordenkinge ook na verskeie aspekte van die werking van die Heilige Gees.

Ons het gister reeds genoem dat daar talle verwysinge na die Heilige Gees in die Ou Testament is.

Een van die baie ongelukkige verwysinge is egter in Jesaja 63:10 waar die ontrou en ongehoorsaamheid van die volk Israel veroorsaak dat "...die Heilige Gees bedroef was..."oor Israel se optrede.

Wat ons as gelowiges wil hê is dat ons lewens vir Hom blydskap sal aanbring en nie hartseer nie.
Daarom moet ons elke dag daarna streef om aan God getrou te bly, daardie God wat op n wonderbaarlike wyse in ons woon.

Groete en mooi aand aan almal