Lighuis Bediening PPK Piet Retief

06/06/2026

David het op die tempel dak aanbid, Moses het bo op die berg met God gepraat en Elia het op die berg na God geroep en God antwoord met vuur. Ek en jy het ook 'n bovertrek ondervinding met God nodig. "Matt 6:6 Maar jy, wanneer jy bid, gaan in jou binnekamer, sluit jou deur en bid jou Vader wat in die verborgene is; en jou Vader wat in die verborgene sien, sal jou in die openbaar vergelde."
Gebed: Here el loof en aanbid U en dankie dat U na my luister Amen

05/06/2026

As ek vandag moet kies of ek 'n trok op ons nasionale paaie wil bestuur of 'n trein op 'n trein op die treinspoor kies ek die trein duisend maal eerder. Op die pad moet ek die trok beheer op die treinspoor beheer dit die trein. As ek vandag moet kies om my eie lewe te bestuur of toe te laat dat God my lewe te bestuur kies ek God elke keer. Ps 46:11 Laat staan en weet dat Ek God is; Ek sal hoog wees onder die nasies, hoog op die aarde."
Gebed: Here bestuur U my lewe dan sal dit suksesvol wees Amen

04/06/2026

04/06/2026

Jesus vergelyk Homself met 'n liefdevolle herder. Hy beskerm sy skape teen gevare en ken elkeen se naam. Anders as 'n huurling wat net vir sy eie gewin werk, is die Goeie Herder bereid om sy lewe vir sy skape af te lê. Die skape ken die herder se stem en volg hom. Hulle luister nie na vreemdelinge nie. Jesus sê Hy is die "ingang" vir die skape; almal wat deur Hom gaan, sal veilig wees en weiding vind. Wanneer gevaar (soos 'n wolf) dreig, vlug die Goeie Herder nie. Hy beskerm sy kudde en lê vrywillig sy lewe af sodat hulle 'n lewe in oorvloed kan geniet. "Joh 10:2 Maar hy wat by die deur ingaan, is 'n herder van die skape."
Gebed: Dankie dat ons lewe in U hande is Amen

02/06/2026

Party dae voel onseker en swaar,
maar God se goedheid en guns sal altyd daar wees.
Selfs wanneer jy dit nie sien of voel nie,
is Sy liefde steeds daar want God kan nooit verander nie. Jy kan wel uit Sy liefdes sirkel beweeg maar Hy sal jou met ope arms terug verwelkom. "Ps 23:6 Net goedheid en guns sal my volg al die dae van my lewe; en ek sal in die huis van die Here bly in lengte van dae."
Gebed: Here dankie dat U goedheid en guns my elke dag volg.
Help my om vandag in U vrede te wandel In Jesus Naam
Amen

01/06/2026

n Leuenagtige tong verwys figuurlik na iemand se neiging om te lieg of onwaarhede te versprei. Dit dui op spraak wat oneerlik, misleidend of vals is.Die Bybels waarsku teen skinder, bedrog en skadelike woorde. "Spr 6:16 Hierdie ses dinge haat die Here, en sewe is vir sy siel 'n gruwel:
17 trotse oë, 'n leuenagtige tong en hande wat onskuldige bloed vergiet,"
Gebed: Here help my om nooit leuens oor ander mense te vertel nie en so onskuldige mense seer te maak nie in Jesus naam Amen