02/09/2026
Dis met diep hartseer, maar ook met groot dankbaarheid teenoor God, gee ons kennis van die heengaan van een van ons pilare, ons ere-ouderling en stigterslid, Oom Dawid Arends.
Oom Dawid was nie net 'n lid nie, hy was 'n fondasie. Een van die manne wat die eerste stene gelê het waarop Christian Faith Mission Kerk vandag staan. 'n Man van wysheid, nederigheid, geloof en onwrikbare beginsels. Sy stem in die raad, sy gebede in die gemeente, en sy voorbeeld in die gemeenskap sal nooit vergeet word nie.
Vandag treur ons saam met die Arends familie, maar ons loof God vir 'n lewe wat vol geleef is in diens van die Here.
_"Ek het die goeie stryd gestry; ek het die wedloop voleindig; ek het die geloof behou." - 2 Timotheus 4:7_
Rus sag, Oom Dawid. Jou stryd is gestry, jou kroon is verdien. 🕊️
Verdere reëlings sal deurgegee word.
