10/03/2026
Ons ❤️ Crystal du Plessis
Hoe om vir jou Pastoor SE VROU te bid!
’n Pastoor se vrou dra baie meer as wat meeste mense ooit sien.
Sy dra die gewig van bediening in stilte.
Sy beleef dikwels die oorwinnings sowel as die kritiek.
As ons ernstig is oor die versterking van ons gemeentes, móét ons ernstig wees om óók vir haar te bid….
Hier is ‘n paar effektiewe maniere hoe jý kan bid vir jóú Pastoors-vrou:
1. Bid vir haar persoonlike wandel met God.
Vra die Here om haar tyd in die Woord te beskerm.
Bid dat sy nie net “in die bediening” sal wees nie, maar self diep in Christus gewortel sal wees.
Die bediening se dinge kan soms toewyding verwurg as sy nie versigtig is nie. Sy het persoonlike tyd met God nodig wat nie gekoppel is aan ’n kerk program of iemand anders se behoefte nie.
2. Bid vir haar emosionele krag.
Sy sien dinge wat ander nie sien nie.
Sy hoor kritiek wat ander nooit hoor nie.
Vra God om haar ’n sagte hart te gee wat nie verbitter raak nie, en ’n sterk gees wat nie moeg word nie.
3. Bid vir haar huwelik.
Agter elke getroue Pastoor is ’n vrou wat die las saam met hom dra.
Bid dat hulle huwelik naby mekaar, vol vreugde, en veilig sal bly.
Bid dat hulle baie saam lag.
Bid dat hulle tye saam mekaar sal beskerm.
Sterk kerke word óók gebou op sterk pastorale huwelike.
4. Bid vir haar kinders.
Pastoor se kinders ervaar ook soms druk.
Bid dat hulle die kerk sal liefhê.
Bid dat hulle nooit bediening sal haat nie.
Bid dat hulle egtheid by die huis sal sien.
5. Bid vir beskerming teen vergelyking.
Sy is nie geroep om soos iemand anders se pastoor se vrou te wees nie!
Bid dat sy vrede sal vind in die rol wat God vir haar gegee het, nie in die rol wat ander vir haar wil gee nie.
6. Bid vir haar gesondheid.
Bediening druk is ‘n regte ding
Vra die Here om haar fisies én geestelik te versterk. ’n Moeg liggaam kan selfs klein laste swaar laat voel.
7. Bid vir bemoediging.
Vra God om gereeld bemoediging te stuur, deur ’n vriendelike woord, ’n briefie of ’n klein daad van waardering.
Sy vra dalk nooit vir waardering nie, maar sy voel dit beslis wanneer dit kom.
’n Gesonde kerk bid nie net vir die man op die kansel nie.
Dit bid ook vir die vrou wat langs hom staan.
TAG jóú Pastoor-vrou in die comments ❤️
👇
