06/08/2024
‘Oku ne ‘afio’I ho loto
Me’aTokon i Faka’aho
Sune ‘aho 8 2024
Sione 21:17 Pea lea ʻe ia kiate ia ko hono liunga tolu, “Saimone, ko e foha ʻo Sonasi, ʻoku ke ʻofa kiate au?” Pea mamahi ʻa Pita ʻi heʻene lea ko hono liunga tolu kiate ia, “ʻOku ke ʻofa kiate au?” Pea talaange ʻe ia ki ai, “ʻEiki, ʻoku ke ʻiloʻi ʻae meʻa kotoa pē; ʻoku ke ʻiloʻi ʻoku ou ʻofa kiate koe.” Pea pehē ʻe Sisu kiate ia, “Fafanga ʻeku fanga sipi.
Na’e ‘I ai nai ha taimi na’a ke fakakaukau pea ke fehu’ia ‘a e ‘uhinga na’e fakafo’ou pea fakafoki mai pe ‘a e va ia ‘o Pita mo e ‘Otua, kae ‘ikai ke hoko ia kia Siutasi? Na’e ‘I ai ‘a e fu’u faikehekehe lahi ‘aupito ia ‘I he mo’ui ‘a Pita pea fakatauhoa ki a Siutasi. Na’e mo’oni ia na’a na to fktou’osi ‘I he’ena tauhi ki he ‘Otua. Na’a na tangi ‘alo’I mata loua he’ena fakatokanga’I ‘a e me’a na’a na fai. Ka ko e faikehekhee, na’e tangi ‘a Pita ia ‘I he ongo’i loto mafesifesi pea fakatomala he me’a na’a ne fai, ka na’e tangi mamahi pea lililili ‘a Siutasi ki ai mo e ‘Otua koe’uhi ko e fehalaaki ‘a e me’a na’a ne palani ke fai. Na’e palani’I pe ‘e Siutasi ia ‘e ne angahala. Na’e toumu’a fakakaukau’I pe ‘e Siutasi ia ‘a e angahala na’e ‘amanaki ke ne fai pea ne toki fai ia. Na’e totongi foki ia ke ne fai ‘a e angahala. Ka ko Pita, na’a ne tangi mamahi ‘I he loto mafesi mo fakatomala koe’uhi na’e ‘ikai ‘aupito na’a ne palani ki he me’a na’ane fai. Na’e ‘ikai ke toumu’a fakakaukau ia ke ne fakafisinga’I ‘a e ‘Eiki; pea na’a ne tala holo pe ki he kau akonga hono kaunga mo’ui ki he ‘Eiki ‘e ne ‘ofa ki he ‘Eiki pea he’ikai ke ne li’aki ‘a e ‘Eiki ha taimi. Ko Siutasi na’e kehe ‘e ne hia na’e fai he na’ane faka’uto’uta pe ia ki he me’a na’a ne amanaki ke fai ‘e ma’u ai ‘e ne ki’I silini. Ko Pita na’e ‘ikai ‘aupito ke ne fakakaukau’I ‘e ia ia pe na’e ‘ikai ke ‘uhinga ‘e ne fai e fehalaaki pea na’e ‘ikai ko hono loto totonu ia.
Ko e kau angahala ko e fehalaaki ‘oku nau fai na’a nau ‘osi fakakaukau’I pe ‘ekinautolu ki mu’a pea na’e ‘ikai ten au tokanga kinautolu ki he me’a ‘oku faka’amu ki ai ‘a e ‘Otua ki he ‘enau mo’ui. Kuo ‘osi pau honau loto ‘a e me’a te nau fai. Ka ‘oku ‘iai ‘a e kakai hange ko Pita, na’a nau fai ‘a e fehalaaki ‘I he fo’I momenti ‘ikai ken au fakakaukau ki ai, pea nau toki fakatomala lahi ‘aupito ‘I he’ene hoko. Na’e talanoa ki ai ‘a e folofola, ‘I he lolotonga ‘a e fakamamafana ‘e Pita hono nima ‘I he afi, na’a nau ‘omai ‘a Sisu ‘o kolosi mai ‘I he feitu’u na’e ‘I ai ‘a Pita ha’I seini mai ‘a e Eiki pea nau ta palasia ia hono ‘ulu, pea na’e sio fakateputepu atu ‘a Sisu pea na fesiofaki mo Pita. ‘I he taimi na’e fetaulaki ai ‘a e fofonga ‘o Sisu mo Pita pea na’e tafoki ‘a Pita ‘alu pea ne tangi ‘alo’I mata pea mamahi he na’e sio ‘a Pita ‘I he fofonga ‘o e ‘ofa mo e fakamolemole. Na’a ne tangi ‘I he fakatomala mo’oni.
Kainga, ‘oku ‘I ai ‘a e faikehekhe ‘o ka ma’u kita ‘e he angahala pea te to, ‘I he ma’u kita ‘e he angahala ka koe konga pe ia ‘e te mo’ui. Ko e konga pe ia hoto ‘ulungaanga, pea ‘oku te’eki ke te lava ‘o fakatomala’I ia. ‘Oku ‘ikai pe ke ‘I ai ha me’ime’i fakakaukau ke fakatomala he ‘ulungaanga ko ia. Ko e lau ia ‘a e folofola, ‘oku to tu’o fitu ‘a e ma’oni’oni, pea toe tu’u hake pe ia. Ko e me’a mahu’inga ‘I he to nounou pe ko e fehalaaki, ko ho’o to pe ki mu’a. Ko ho’o to pe ‘o unga atu kia Sisu he ‘oku kei lahi ‘a noa pe ‘e ne kelesi mo ‘ene meesi ke fakamolemole. Ko e to nounou ia ‘o e mo’ui ‘oku fai faka’aho pe ia, kae fakafeta’I ‘oku ta nofo pea mo’ui ‘I he kuonga ‘o e kelesi ‘a e ‘Otua, ko ‘eta to pe pea ta tu’u hake ki ‘olunga o kole fakamolemole ki he ‘Eiki pea hoko atu ‘eta mo’ui pea tauhi ki he ‘Eiki.
Ko Pita na’a ne to pea ko e to kaafakafa, ka na’a ne tu’u hake pe ‘o fakatomala he na’a ne fakatomala mo’oni mei he tefito hono loto, pea na’e fakafo’ou pea fakaake ‘e ne mo’ui mo ‘ene ‘ofa ki he ‘Eiki ko Sisu Kalaisi. ‘I hevani, ko e hingoa ‘o Saimone Pita ‘oku faloo ‘I he kau tangata na’e makatu’unga ai ‘a e lotu fakaKalisitiane ‘I mamani pea kuo tohi ia ‘I he kolo fo’ou ko e Selusalema Fo’ou, ko Saimone Pita. ‘I he taimi na’e toetu’u ai ‘a Sisu mei he pekia, na’e lele atu ‘a e kau fefine pea na’e folofola mai ai ‘a Sisu, “Alu ‘o tala ki he ‘eku kau akonga” pea ne fakamavahe’I pe ‘e ne fekau “Pea tala foki kia Pita” ke fetaulaki mo au ‘I he feitu’u na’a ne fk’amu ken au fetaulaki ki ai. Ko Pita pe ko e hingoa ia na’e faka’amu ‘a e Eiki ke tala patonu ki ai ‘e ne toetu’u. Na’a ne faka’amu pe ke mahino’I ‘e Pita, neongo ai pe ‘a e me’a na’e hoko, ka ko e ‘Otua ‘oku ne ‘afio’I ‘a e loto ‘o e tangata. Na’e faka’amu ‘a e Eiki ke mahino atu kia Pita ‘a e hulu ‘anoa ‘ene ‘ofa mo ‘ene palani ki he fakamo’ui ‘o mamani ‘e kau ‘a Pita hono hoko atu ia. Na’e faka’amu ‘a Sisu ke ‘ilo ‘e Pita ‘oku ne kei fiema’u ‘ene tokoni ke fafanga ‘e ne fakasipi pea fakahoko ‘ene taumu’a.
Ko e ‘Otua ‘oku ‘ikai ‘aupito ke ne ‘amanaki mai ia ki he haohaoa mei he’ene fanau. Te ne lava ‘a noa pe ia ke tokoni’I ko e mo ho’o fetakai he me’a ‘oku ke to ngofua ai, kehe pe ke ‘oua na’a ‘osi pe tuku ho’o ‘ofa ange ki ai. Ko e ‘Otua ‘oku ne ‘afio mai ‘o ‘ilo ho loto.
‘Ofa ke tapuekina ‘e he ‘Eiki.
AGAPE Love Fellowship From the Desk of Dr. Taito MitaDebbie Lauaki-Vete Lina Foketi Lole Uluave Meliani Vete Krystle-Faith Jahazzaniah Halaevalu Vaka Siutiti Teleahiva Siu Tuita Marycry Palaki Mateaki Ahio Aliu Epitema Apele Aulola Vatuvei Mokoi Foulata Finau
