Allmi Nihang Faujan Misl Bhagat Jmala Singh Nanua Jee

09/10/2026

*ਜਾਤ-ਪਾਤ ਦੇ ਬਹਾਨੇ ਨਾਲ ਮਹਾਂਪੁਰਖਾਂ ਦੀਆਂ ਪੰਥਕ ਸੇਵਾਵਾਂ 'ਤੇ ਪਰਦਾ ਪਾ ਦੇਣਾ ਸਿੱਖੀ ਨਹੀਂ, ਮਨਮੱਤ ਹੈ।*

*ਚਮਕੌਰ ਸਾਹਿਬ ਵਿੱਚ ਖ਼ੂਨ ਅਤੇ ਪਸੀਨਾ ਵਹਾਉਣ ਵਾਲੇ ਅਤੇ ਕੋਟਲਾ-ਨਿਹੰਗ, ਪਰਿਵਾਰ ਵਿਛੋੜਾ ਤੇ ਸ੍ਰੀ ਅਨੰਦਪੁਰ ਸਾਹਿਬ ਵਿੱਚ ਪਸੀਨਾ ਵਹਾ ਕੇ ਇਤਿਹਾਸਕ ਗੁਰਦੁਆਰਿਆਂ ਦੀ ਕਾਰ-ਸੇਵਾ ਕਰਨ ਵਾਲੇ ਮਹਾਂਪੁਰਖਾਂ ਦੀਆਂ ਸੇਵਾਵਾਂ ਦਾ ਮੁੱਲ ਅਸੀਂ ਕਦੋਂ ਮੋੜਾਂਗੇ?*

*ਇੱਕ ਗੈਰ-ਪੰਜਾਬੀ ਮੁੱਖ ਮੰਤਰੀ ਸ੍ਰੀ ਨਾਇਬ ਸਿੰਘ ਸੈਣੀ ਜੀ ਵੱਲੋਂ ਬੀਬੀ ਸ਼ਰਨ ਕੌਰ ਜੀ ਦੇ ਨਾਂ 'ਤੇ ਉਸਾਰੇ ਜਾ ਰਹੇ ਯਾਦਗਾਰੀ ਗੇਟ ਤੋਂ ਬਾਅਦ, ਸਾਨੂੰ ਦਸਮੇਸ਼ ਮਾਰਗ 'ਤੇ ਇਤਿਹਾਸਕ ਗੁਰਦੁਆਰਿਆਂ ਦਾ ਨਿਰਮਾਣ ਕਰਵਾਉਣ ਵਾਲੇ ਕਾਰ-ਸੇਵਕਾਂ ਦੇ ਨਾਂ 'ਤੇ ਵੀ ਕਈ ਹੋਰ ਯਾਦਗਾਰੀ ਗੇਟਾਂ ਦਾ ਨਿਰਮਾਣ ਕਰਵਾਉਣਾ ਹੋਵੇਗਾ:*

*1. ਭੱਕੂ ਮਾਜਰਾ:*
*(ਓ) ਭਗਤ ਜਮਾਲਾ ਸਿੰਘ ਜੀ ਨਨੂਆ*
*(ਅ) ਬਾਬਾ ਕਿਰਪਾਲ ਸਿੰਘ ਜੀ (ਬਨਵੈਤ)*

*2. ਕੋਟਲਾ ਨਿਹੰਗ:*
*(ਓ) ਭਾਈ ਗੁਰਸਾ ਸਿੰਘ ਜੀ ਗਹੁਣੀਆ*
*(ਅ) ਬਾਬਾ ਜੀਵਨ ਸਿੰਘ ਜੀ (ਬੋਲਾ)*

*3. ਪਰਿਵਾਰ ਵਿਛੋੜਾ:*
*ਸੰਤ ਅਜੀਤ ਸਿੰਘ ਜੀ (ਕਾਬੜਵਾਲ)*

*4. ਸ੍ਰੀ ਅਨੰਦਪੁਰ ਸਾਹਿਬ:*
*(ਓ) ਬਾਬਾ ਸੇਵਾ ਸਿੰਘ ਜੀ (ਬੋਲਾ)*
*(ਅ) ਬਾਬਾ ਭਾਗ ਸਿੰਘ ਜੀ (ਬੋਲਾ)*

09/05/2026

09/05/2026

ਰੋਪੜ ਤੇ ਨਲਾਸ (ਰਾਜਪੁਰਾ) ਦੇ ਸੈਣੀ ਸੰਮੇਲਨਾਂ ਮਗਰੋਂ ਸੀ.ਐਮ ਸੈਣੀ ਪੁੱਜੇ ਚਮਕੌਰ ਸਾਹਿਬ।

1945 ਤੋਂ ਬਾਅਦ ਪੰਜਾਬ ਵਿੱਚ ਭਾਵੇਂ ਸੈਣੀ ਬਰਾਦਰੀ ਦੇ ਨੇਤਾਵਾਂ ਨੂੰ ਬਹੁਤ ਸਾਰੇ ਸਰਕਾਰੀ ਅਤੇ ਧਾਰਮਿਕ ਖੇਤਰਾਂ ਵਿੱਚ ਸੈਣੀ ਬਰਾਦਰੀ ਦੀ ਪ੍ਰਤੀਨਿਧਤਾ ਕਰਨ ਦਾ ਮੌਕਾ ਮਿਲਿਆ, ਪਰੰਤੂ ਉਹ ਹੀਣਭਾਵਨਾ ਤਹਿਤ ਸਿੱਖ ਧਰਮ ਵਿੱਚ ਜਾਤ-ਪਾਤ ਨਹੀਂ ਹੁੰਦੀ ਦਾ ਬਹਾਨਾ ਬਣਾ ਕੇ ਆਪਣੇ ਭੁੱਲੇ ਵਿਸਰੇ ਗੁਰਸਿੱਖਾਂ ਦੀਆਂ ਸੇਵਾਵਾਂ ਨੂੰ ਉਜਾਗਰ ਕਰਨ ਤੋਂ ਹੱਥ ਪਿੱਛੇ ਖਿੱਚਦੇ ਰਹੇ ਹਨ।

ਭਾਰਤੀ ਜਨਤਾ ਪਾਰਟੀ ਦੇ ਮਹਾਰਾਸ਼ਟਰ ਵਾਲੇ ਸੀ.ਐਮ. ਦਵੇਂਦਰ ਫੜਨਵੀਸ, ਹਰਿਆਣਾ ਦੇ ਸੀ.ਐਮ. ਨਾਇਬ ਸਿੰਘ ਸੈਣੀ, ਕਮੇਟੀਆਂ ਦੇ ਪ੍ਰਧਾਨ ਮਲਕੀਤ ਸਿੰਘ ਬੱਲ, ਹਰਮੀਤ ਸਿੰਘ ਕਾਲਕਾ ਅਤੇ ਜਥੇਦਾਰ ਜਗਦੀਸ਼ ਸਿੰਘ ਝੀਂਡਾ ਵੱਲੋਂ ਜਿਵੇਂ ਭਗਤ ਜਮਾਲਾ ਸਿੰਘ ਨਨੂਆ ਜੀ ਦੀਆਂ ਸੇਵਾਵਾਂ ਨੂੰ ਉਜਾਗਰ ਕਰਨ ਦਾ ਹੌਸਲਾ ਵਿਖਾਇਆ ਗਿਆ ਹੈ, ਇਹ ਇੱਕ ਬਹੁਤ ਹੀ ਸ਼ਲਾਘਾਯੋਗ ਇਤਿਹਾਸਕ ਮੀਲ ਪੱਥਰ ਬਣਦਾ ਜਾ ਰਿਹਾ ਹੈ।

*4 ਸਤੰਬਰ 2026 ਨੂੰ ਸੀ.ਐਮ. ਹਰਿਆਣਾ ਸ੍ਰੀ ਨਾਇਬ ਸਿੰਘ ਸੈਣੀ ਦਾ ਚਮਕੌਰ ਸਾਹਿਬ ਨੇੜੇ ਸਥਿਤ ਬੀਬੀ ਸ਼ਰਨ ਕੌਰ ਦੇ ਗੁਰਦੁਆਰੇ ਵਿੱਚ ਨਤਮਸਤਕ ਹੋਣਾ ਤੇ ਅਤੇ ਉਨ੍ਹਾਂ ਵੱਲੋਂ ਬੀਬੀ ਸ਼ਰਨ ਕੌਰ ਜੀ ਦੇ ਨਾਂ ਤੇ ਇੱਕ ਇਤਿਹਾਸਕ ਗੇਟ ਸਥਾਪਿਤ ਕਰਨ ਲਈ 21 ਲੱਖ ਰੁਪਏ ਦੀ ਮੁੱਢਲੀ ਰਕਮ ਦੇਣ ਵਾਲੇ ਐਲਾਨ ਦਾ ਆਲਮੀ ਨਿਹੰਗ ਫ਼ੌਜਾਂ, ਭਗਤ ਜਮਾਲਾ ਸਿੰਘ ਜੀ ਨਨੂਆ ਵੱਲੋਂ ਬਹੁਤ-ਬਹੁਤ ਸਵਾਗਤ ਕੀਤਾ ਜਾਂਦਾ ਹੈ।

ਜੈਕਾਰਾ ਗਜਾਵੇ ਨਿਹਾਲ ਹੋ ਜਾਵੇ,
ਭਗਤ ਜਮਾਲਾ ਸਿੰਘ ਨਨੂਆ ਜੀ ਦੇ ਮਨ ਨੂੰ ਭਾਵੇ!
ਸਤਿ ਸ੍ਰੀ ਅਕਾਲ ।।
ਸਤਿ ਸ੍ਰੀ ਅਕਾਲ ।।
ਸਤਿ ਸ੍ਰੀ ਅਕਾਲ ।।

08/07/2026

ਭਗਤ ਨਨੂਆ ਜੀ ਦੀ ਰਾਗਬੱਧ ਭਗਤ-ਬਾਣੀ ਦਾ ਕੀਰਤਨ

੨ ਅਗਸਤ ੨੦੨੬ ਨੂੰ ਅਮਰੀਕਾ ਦੇ ਕੈਲੀਫੋਰਨੀਆ ਰਾਜ ਦੇ ਲੈਥਰੋਪ ਸ਼ਹਿਰ ਨਿਵਾਸੀ ਇੱਕ ਗੁਰਸਿੱਖ ਪਰਿਵਾਰ ਦੇ ਗ੍ਰਹਿ ਵਿਖੇ ਭਗਤ ਜਮਾਲਾ ਸਿੰਘ ਨਨੂਆ ਜੀ ਦੀ ਰਾਗਬੱਧ ਭਗਤ-ਬਾਣੀ ਦਾ ਗੁਰਮਤਿ ਅਨੁਸਾਰ ਕੀਰਤਨ ਕਰਨ ਦਾ ਸੁਭਾਗ ਪ੍ਰਾਪਤ ਹੋਇਆ।

ਇਸ ਪਾਵਨ ਅਵਸਰ ’ਤੇ ਹਾਜ਼ਰ ਸੰਗਤਾਂ ਨੇ ਬੜੀ ਸ਼ਰਧਾ ਅਤੇ ਪ੍ਰੇਮ ਨਾਲ ਗੁਰਬਾਣੀ ਕੀਰਤਨ ਦਾ ਆਨੰਦ ਮਾਣਿਆ। ਸਮਾਪਤੀ ਉਪਰੰਤ ਸੰਗਤਾਂ ਵੱਲੋਂ ਕੀਰਤਨੀ ਜਥੇ ਦਾ ਗੁਰੂ ਦੀ ਬਖ਼ਸ਼ਿਸ਼ ਸਿਰੋਪਾਓ ਅਤੇ ਮਾਇਆ ਭੇਟ ਕਰਕੇ ਸਤਿਕਾਰ ਸਹਿਤ ਸਨਮਾਨ ਕੀਤਾ ਗਿਆ।

ਵਾਹਿਗੁਰੂ ਜੀ ਸਭ ਸੰਗਤਾਂ ’ਤੇ ਆਪਣੀ ਮਿਹਰ ਅਤੇ ਕਿਰਪਾ ਬਣਾਈ ਰੱਖਣ।
ਵਾਹਿਗੁਰੂ ਜੀ ਕਾ ਖਾਲਸਾ, ਵਾਹਿਗੁਰੂ ਜੀ ਕੀ ਫਤਹਿ।

07/22/2026

*ਸੰਦੇਸ਼* (CM Naib Singh Saini)
ਮੈਨੂੰ ਇਹ ਜਾਣ ਕੇ ਬਹੁਤ ਖੁਸ਼ੀ ਹੋਈ ਹੈ ਕਿ ਸ. ਸੁਰਜੀਤ ਸਿੰਘ ਨਨੂਆ ਵੱਲੋਂ ਲਿਖੀ ਗਈ ਇਹ ਪੁਸਤਕ *ਭਗਤ ਜਮਾਲਾ ਸਿੰਘ ਨਨੂਆ* ਇੱਕ ਬਹੁਤ ਹੀ ਵਿਲੱਖਣ ਪੁਸਤਕ ਹੈ ਜਿਸ ਵਿੱਚ ਸ. ਸੁਰਜੀਤ ਸਿੰਘ ਨਨੂਆ ਨੇ ਇੱਕ ਅਜਿਹੇ ਵਿਲੱਖਣ ਸੈਣੀ ਗੁਰਸਿੱਖ ਭਾਈ ਜਮਾਲਾ ਸਿੰਘ ਨਨੂਆ ਦੀ ਉਸ ਵਿਲੱਖਣ ਬਹਾਦਰੀ ਬਾਰੇ ਜਾਣਕਾਰੀ ਦਿੱਤੀ ਜਿਸ ਬਾਰੇ ਖੋਜਕਾਰਾਂ ਅਤੇ ਲਿਖਾਰੀਆਂ ਨੇ ਜਾਣੇ-ਅਣਜਾਣੇ ਅੱਖੋਂ ਪਰੋਖਿਆ ਕੀਤਾ।

ਭਗਤ ਜਮਾਲਾ ਸਿੰਘ ਨਨੂਆ ਸੈਣੀ ਸਮਾਜ ਦੇ ਇੱਕ ਵਿਲੱਖਣ ਗੁਰਸਿੱਖ ਸੀ ਜਿਨ੍ਹਾਂ ਨੇ ਪੰਜ ਗੁਰੂ ਸਾਹਿਬਾਨਾਂ ਦੀ ਸੇਵਾ ਕੀਤੀ ਅਤੇ ਗੁਰੂ ਤੇਗ ਬਹਾਦਰ ਸਿੰਘ ਜੀ ਦਾ ਪਾਵਨ ਸ਼ੀਸ਼ ਦਿੱਲੀ ਤੋਂ ਅਨੰਦਪੁਰ ਸਾਹਿਬ ਪਹੁੰਚਾਉਣ ਦੀ ਇਤਿਹਾਸਕ ਸੇਵਾ ਕੀਤੀ ਅਤੇ ਚਮਕੌਰ ਦੀ ਲੜਾਈ ਵਿੱਚ ਸ਼ਹਾਦਤ ਦਿੱਤੀ। ਸ. ਸੁਰਜੀਤ ਸਿੰਘ ਨਨੂਆ ਵੱਲੋਂ ਲਿਖੀ ਇਹ ਪੁਸਤਕ ਸਿੱਖ ਇਤਿਹਾਸ ਵਿੱਚ ਸੈਣੀ ਸਮਾਜ ਦੇ ਇਸ ਨਾਇਕ ਦੁਆਰਾ ਨਿਭਾਈਆਂ ਗਈਆਂ ਸੇਵਾਵਾਂ ਦਾ ਦਸਤਾਵੇਜ਼ ਹੈ ਜੋ ਆਉਣ ਵਾਲੀਆਂ ਪੀੜ੍ਹੀਆਂ ਲਈ ਚਾਨਣਮੁਨਾਰੇ ਦਾ ਕੰਮ ਕਰੇਗੀ।

ਮੈਂ ਸ. ਸੁਰਜੀਤ ਸਿੰਘ ਨਨੂਆ ਜੀ ਨੂੰ ਇਸ ਪੁਸਤਕ ਲਈ ਬਹੁਤ ਬਹੁਤ ਵਧਾਈ ਦਿੰਦਾ ਹਾਂ ਅਤੇ ਪਰਮਾਤਮਾ ਅੱਗੇ ਅਰਦਾਸ ਕਰਦਾ ਹਾਂ ਕਿ ਪਰਮਾਤਮਾ ਉਨ੍ਹਾਂ ਦੇ ਸਿਰ ਤੇ ਮਿਹਰ ਭਰਿਆ ਹੱਥ ਰੱਖੇ ਤੇ ਉਨ੍ਹਾਂ ਨੂੰ ਵਧੇਰੇ ਲਿਖਣ ਦਾ ਬਲ ਬਖਸ਼ੇ।

*(ਨਾਇਬ ਸਿੰਘ)*

07/05/2026

ਪੁਸਤਕ “ਸੈਣੀ ਗੁਰਸਿੱਖ ਅਮਰ ਵਿਰਾਸਤ” ਦਾ ਅਮਰੀਕਾ ਦੀ ਧਰਤੀ ’ਤੇ ਲੋਕ ਅਰਪਣ

ਦਾਸ ਵੱਲੋਂ ਰਚਿਤ ਪੁਸਤਕ “ਸੈਣੀ ਗੁਰਸਿੱਖ ਅਮਰ ਵਿਰਾਸਤ”, ਜੋ ਭਗਤ ਜਮਾਲਾ ਸਿੰਘ ਨਨੂਆ ਜੀ ਦੀਆਂ ਪੰਥਕ ਸੇਵਾਵਾਂ ਅਤੇ ਵਿਰਾਸਤੀ ਯੋਗਦਾਨ ’ਤੇ ਕੇਂਦਰਿਤ ਹੈ, ਦਾ ਲੋਕ ਅਰਪਣ ੨੮ ਜੂਨ ੨੦੨੬ ਨੂੰ ਅਮਰੀਕਾ ਦੇ ਕੈਲੀਫੋਰਨੀਆ ਰਾਜ ਦੇ ਲਿਵਰਮੋਰ ਸ਼ਹਿਰ ਸਥਿਤ ਸਿੱਖ ਗੁਰਦੁਆਰਾ ਸਾਹਿਬ ਵਿਖੇ ਸ਼ਰਧਾ, ਗੁਰਮਤਿ-ਰਸ ਅਤੇ ਪੰਥਕ ਉਤਸ਼ਾਹ ਨਾਲ ਸੰਪੰਨ ਹੋਇਆ।

ਲੋਕ ਅਰਪਣ ਤੋਂ ਪਹਿਲਾਂ ਹੋਏ ਗੁਰਮਤਿ ਕੀਰਤਨ ਸਮਾਗਮ ਦੌਰਾਨ ਸੰਤ ਬਾਬਾ ਅਨੂਪ ਸਿੰਘ ਜੀ ਨੇ ਸੰਗਤ ਨੂੰ ਸੰਬੋਧਨ ਕਰਦਿਆਂ ਭਗਤ ਜਮਾਲਾ ਸਿੰਘ ਨਨੂਆ ਜੀ ਅਤੇ ਭਾਈ ਘਨੱਈਆ ਜੀ ਦੀ ਸੇਵਾ-ਪਰੰਪਰਾ ਦੇ ਆਪਸੀ ਸਬੰਧਾਂ ਨੂੰ ਇਤਿਹਾਸਕ ਪ੍ਰਸੰਗਾਂ ਸਮੇਤ ਸੰਖੇਪ ਪਰੰਤੂ ਪ੍ਰਭਾਵਸ਼ਾਲੀ ਢੰਗ ਨਾਲ ਰੌਸ਼ਨ ਕੀਤਾ। ਉਨ੍ਹਾਂ ਦੇ ਵਿਚਾਰਾਂ ਵਿੱਚ ਗੁਰਮਤਿ ਦੀ ਡੂੰਘਾਈ, ਇਤਿਹਾਸ ਦੀ ਪ੍ਰਮਾਣਿਕਤਾ ਅਤੇ ਸੇਵਾ-ਧਰਮ ਦੀ ਮਹਾਨਤਾ ਦਾ ਸੁੰਦਰ ਸਮਨਵੈ ਪ੍ਰਤੱਖ ਰੂਪ ਵਿੱਚ ਦਿਖਾਈ ਦਿੱਤਾ।

ਕੀਰਤਨ ਸਮਾਗਮ ਦੌਰਾਨ ਗੁਰਮਤਿ ਸੰਗੀਤ ਦੀਆਂ ਉੱਚਾਈਆਂ ਨੂੰ ਛੂਹਣ ਉਪਰੰਤ, ਸੰਤ ਬਾਬਾ ਅਨੂਪ ਸਿੰਘ ਜੀ ਵੱਲੋਂ ਬਿਨਾਂ ਹਥਲੀ ਕਿਤਾਬ ਦੀ ਗੰਭੀਰਤਾ ਨਾਲ ਸਮੀਖਿਆ ਕਰਨ ਦੇ ਸਿੱਖ ਇਤਿਹਾਸ ਦੀਆਂ ਮਹੀਨ ਪਰਤਾਂ ਨੂੰ ਆਪਣੀ ਵਿਸ਼ਾਲ ਯਾਦ-ਸ਼ਕਤੀ ਅਤੇ ਅਧਿਐਨ ਦੇ ਆਧਾਰ ’ਤੇ ਜਿਹੜੀ ਸਪੱਸ਼ਟਤਾ ਅਤੇ ਪ੍ਰਭਾਵ ਨਾਲ ਪੇਸ਼ ਕੀਤਾ ਗਿਆ, ਉਹ ਇਸ ਗੱਲ ਦਾ ਪ੍ਰਮਾਣ ਹੈ ਕਿ ਸੇਵਾਪੰਥੀ ਸੰਪ੍ਰਦਾਇ ਵਿੱਚ ਭਗਤ ਜਮਾਲਾ ਸਿੰਘ ਨਨੂਆ ਜੀ ਦੀਆਂ ਪੰਥਕ ਸੇਵਾਵਾਂ ਅਤੇ ਇਤਿਹਾਸਕ ਯੋਗਦਾਨ ਨੂੰ ਵਿਸ਼ੇਸ਼ ਸਤਿਕਾਰ ਅਤੇ ਆਦਰ ਨਾਲ ਯਾਦ ਕੀਤਾ ਜਾਂਦਾ ਹੈ।

ਇਹ ਪੁਸਤਕ ਕੇਵਲ ਭਗਤ ਜਮਾਲਾ ਸਿੰਘ ਨਨੂਆ ਜੀ ਦੇ ਜੀਵਨ-ਚਰਿਤਰ ਤੱਕ ਹੀ ਸੀਮਿਤ ਨਹੀਂ, ਸਗੋਂ ਸਿੱਖ ਪੰਥ ਦੀ ਸੇਵਾ, ਸਮਰਪਣ ਅਤੇ ਮੀਰੀ-ਪੀਰੀ ਦੇ ਸਿਧਾਂਤ ਨੂੰ ਜੀਵਨ ਵਿੱਚ ਅਮਲ ਕਰਨ ਵਾਲੇ ਅਨੇਕਾਂ ਹੋਰ ਗੁਰਸਿੱਖਾਂ ਦੇ ਮਹੱਤਵਪੂਰਨ ਯੋਗਦਾਨ ਨੂੰ ਵੀ ਪ੍ਰਮਾਣਿਕ ਰੂਪ ਵਿੱਚ ਰੂਬਰੂ ਕਰਵਾਉਂਦੀ ਹੈ। ਇਸ ਪੱਖੋਂ ਇਹ ਪੁਸਤਕ ਸਿੱਖ ਇਤਿਹਾਸ ਦੇ ਗੰਭੀਰ ਅਧਿਐਨ ਕਰਨ ਵਾਲਿਆਂ ਲਈ ਇੱਕ ਮਹੱਤਵਪੂਰਨ ਸੰਦਰਭ-ਗ੍ਰੰਥ ਵਜੋਂ ਆਪਣੀ ਪਛਾਣ ਬਣਾਉਂਦੀ ਹੈ।

ਲੋਕ ਅਰਪਣ ਸਮਾਰੋਹ ਉਪਰੰਤ ਸੰਗਤਾਂ ਦੀ ਜਾਣਕਾਰੀ ਅਤੇ ਅਧਿਐਨ ਲਈ “ਸੰਖੇਪ ਸਿੱਖ ਇਤਿਹਾਸ: ਪ੍ਰਸ਼ਨੋਤਰੀ ਰੂਪ” ਸਮੇਤ ਹੋਰ ਗੁਰਮਤਿ ਅਤੇ ਇਤਿਹਾਸਕ ਪੁਸਤਕਾਂ ਦਾ ਪ੍ਰਦਰਸ਼ਨੀ-ਕਾਊਂਟਰ ਵੀ ਲਗਾਇਆ ਗਿਆ, ਜਿਸ ਪ੍ਰਤੀ ਸੰਗਤਾਂ ਨੇ ਵਿਸ਼ੇਸ਼ ਰੁਚੀ ਪ੍ਰਗਟ ਕੀਤੀ।

ਆਓ, ਗੁਰੂ ਸਾਹਿਬ ਦੀ ਬਖ਼ਸ਼ੀ ਮੀਰੀ-ਪੀਰੀ ਦੀ ਮਹਾਨ ਪਰੰਪਰਾ ਨੂੰ ਆਪਣੇ ਜੀਵਨ ਦਾ ਅੰਗ ਬਣਾਉਂਦਿਆਂ, ਸਿੱਖ ਇਤਿਹਾਸ ਦੀ ਸੰਭਾਲ, ਗੁਰਸਿੱਖਾਂ ਦੀ ਅਮਰ ਵਿਰਾਸਤ ਦੇ ਪ੍ਰਚਾਰ ਅਤੇ ਪੰਥਕ ਸੇਵਾ ਦੇ ਵਿਸਥਾਰ ਲਈ ਰਲ-ਮਿਲ ਕੇ ਯਤਨ ਕਰੀਏ। ਮਹਾਂਪੁਰਖਾਂ ਦੀਆਂ ਸੇਵਾਵਾਂ ਨੂੰ ਨਵੀਂ ਪੀੜ੍ਹੀ ਤੱਕ ਪਹੁੰਚਾਉਣਾ ਹੀ ਉਨ੍ਹਾਂ ਪ੍ਰਤੀ ਸਾਡੀ ਸੱਚੀ ਸ਼ਰਧਾਂਜਲੀ ਅਤੇ ਗੁਰੂ-ਪੰਥ ਦੀ ਸੇਵਾ ਹੈ।

06/15/2026

*गाँव नलास (राजपुरा) में सैनी सम्मेलन*
11 जून, 2026 को हरियाणा के मुख्यमंत्री सरदार नायब सिंह सैनी द्वारा नलास पैलेस (राजपुरा) में सैनी सम्मेलन की अध्यक्षता की गई।
श्री नायब सिंह सैनी द्वारा “भगत जमाला सिंह जी ननुआ स्मृति चित्रावली” का लोकार्पण किया गया। अधिक जानकारी के लिए देखें यह लिंक- https://fb.watch/HLhwrvdOAX/?mibextid=wwXIfr

06/15/2026

ਭਗਤ ਜਮਾਲਾ ਸਿੰਘ ਜੀ ਨਨੂਆ ਸਿਮ੍ਰਤੀ ਚਿੱਤਰਾਵਲੀ ਲੋਕ ਅਰਪਣ ਉਪਰੰਤ ਸੈਣੀ ਪਤਵੰਤਿਆਂ ਵਿੱਚ ਚਿੱਤਰਾਵਲੀਆਂ, ਸੈਣੀ ਪੁਸਤਕਾਂ, ਤਸਵੀਰਾਂ ਅਤੇ ਕਲੰਡਰਾਂ ਦਾ ਵਿਤਰਣ।
੧੧ ਜੂਨ, ੨੦੨੬ ਨੂੰ ਹਰਿਆਣਾ ਦੇ ਮੁੱਖ ਮੰਤਰੀ ਸ. ਨਾਇਬ ਸਿੰਘ ਸੈਣੀ ਵੱਲੋਂ ਨਲਾਸ ਪੈਲੇਸ (ਰਾਜਪੁਰਾ) ਵਿੱਚ ਭਗਤ ਜਮਾਲਾ ਸਿੰਘ ਜੀ ਨਨੂਆ ਸਮ੍ਰਿਤੀ ਚਿਤਰਾਵਲੀ ਦਾ ਲੋਕ ਅਰਪਣ ਕਰ ਦਿੱਤਾ ਗਿਆ ਹੈ। ਚਿੱਤਰਾਵਲੀ ਦੇ ਲੋਕ ਅਰਪਣ ਕਰ ਦੇਣ ਤੋਂ ਬਾਅਦ ਨਾਇਬ ਸਿੰਘ ਸੈਣੀ ਦਾ ਆਪਣੇ ਨਾਲ਼ ਬੈਠੇ ਪਤਵੰਤੇ ਅਤੇ ਹੋਰ ਮਿਲਣ ਆ ਰਹੇ ਲੋਕਾਂ ਤੋਂ ਨਿਰਲੇਪ ਰਹਿ ਕੇ ਬਾਬਾ ਨਨੂਆ ਜੀ ਦੀਆਂ ਤਸਵੀਰਾਂ ਵਿੱਚ ਖੁੱਭ ਜਾਣਾ ਦੱਸਦਾ ਹੈ ਕਿ ਚਿੱਤਰਾਵਲੀ ਵਿੱਚ ਕੋਈ ਵਿਸ਼ੇਸ਼ ਖਿੱਚ ਹੈ।
ਆਲਮੀ ਨਿਹੰਗ ਫੌਜਾਂ, ਮਿਸਲ ਭਗਤ ਜਮਾਲਾ ਸਿੰਘ ਜੀ ਨਨੂਆ ਵੱਲੋਂ ਇਸ ਪ੍ਰਚਾਰ ਸਮੱਗਰੀ ਦੀ ਸੇਵਾ ਕਰਨ ਵਾਲ਼ੇ:
ਸਕੂਨ ਤੇ ਸੂਰਿਆ ਰੈਸਟੋਰੈਂਟ, ਪਰਗਟ ਸਿੰਘ ਖਾਲਸਾ, ਰਾਜ ਬਡਵਾਲ, ਸੋਹਣ ਸਿੰਘ ਧਨੌਤਾ, ਸ. ਜੋਗਿੰਦਰ ਸਿੰਘ ਤੇ ਗਿਰਨ ਪਰਿਵਾਰ ਘਨੌਲਾ।
ਅਤੇ ਲੋਕ ਅਰਪਣ ਕਰਵਾਉਣ ਵਾਲ਼ੇ:
ਠੇਕੇਦਾਰ ਸਤਵਿੰਦਰ ਸਿੰਘ ਨਨੂਆ ਤੇ ਮੋਹਨਜੀਤ ਸਿੰਘ ਬਹਿਲੋਲਪੁਰ ਦਾ ਬਹੁਤ ਬਹੁਤ ਧੰਨਵਾਦ ਹੈ ਜੀ।
ਸਮਾਗਮ ਵਿੱਚ ਵੰਡੇ ਗਏ ਕਲੰਡਰਾਂ ਅਤੇ ਤਸਵੀਰਾਂ ਨੂੰ ਤਿਆਰ ਕਰਵਾਉਣ ਲਈ ਕੀਤੇ ਗਏ ਖਰਚ ਅਤੇ ਉਗਰਾਹੀ ਦਾ ਵੇਰਵਾ ਨਿਯਨ ਅਨੁਸਾਰ ਹੈ ਜੀ:
1. ਸੂਰਿਆ ਰੈਸਟੋਰੈਂਟ San Jose ਕੈਲੀਫੋਰਨੀਆ USA- ੨੫੧ ਡਾਲਰ (੧੫੦ ਤਸਵੀਰਾਂ- ੨੩,੦੦੦ ਰੁਪਏ)
2. ਸ. ਜੋਗਿੰਦਰ ਸਿੰਘ San Jose ਕੈਲੀਫੋਰਨੀਆ USA-੧੫੦ ਡਾਲਰ ਅਤੇ ਸ. ਸੋਹਣ ਸਿੰਘ ਧੰਨੋਤਾ San Jose ਕੈਲੀਫੋਰਨੀਆ USA- ੫੦ ਡਾਲਰ (੧੦੦੦ ਕਲੰਡਰ- ੧੫੦੦੦ ਰੁ.)

06/03/2026

ਭਗਤ ਜਮਾਲਾ ਸਿੰਘ ਨਨੂਆ ਯਾਦਗਾਰੀ ਨਗਰ ਕੀਰਤਨ ਜਾਗਰੂਕਤਾ ਫੇਰੀ।
ਆਲਮੀ ਨਿਹੰਗ ਫ਼ੌਜਾਂ ਭਗਤ ਜਮਾਲਾ ਸਿੰਘ ਨਨੂਆ ਵੱਲੋਂ ਸ਼੍ਰੀ ਗੁਰੂ ਤੇਗ਼ ਬਹਾਦਰ ਸਾਹਿਬ ਜੀ ਦੇ ਸ਼ਹੀਦੀ ਦਿਹਾੜੇ ਮੌਕੇ ਤੇ ਭਗਤ ਜਮਾਲਾ ਸਿੰਘ ਨਨੂਆ ਜੀ ਵੱਲੋਂ ਗੁਰੂ ਜੀ ਦੇ ਸੀਸ ਦੀ ਸੰਭਾਲ ਕਰਨ ਲਈ ਨਿਭਾਈਆਂ ਗਈਆਂ ਸੇਵਾਵਾਂ ਨੂੰ ਸਮਰਪਿਤ ੧੪ ਦਸੰਬਰ ੨੦੨੬ ਨੂੰ ਪਿੰਡ ਗੁਰਦਿੱਤਪੁਰਾ (ਮੋਹਾਲੀ) ਤੋਂ ਸ਼੍ਰੀ ਅਨੰਦਪੁਰ ਸਾਹਿਬ ਤੱਕ ਦੂਜਾ ਸਾਲਾਨਾ ਨਗਰ ਕੀਰਤਨ ਸਜਾਇਆ ਜਾ ਰਿਹਾ ਹੈ।
ਇਸ ਵਰਸ਼ ਵੀ ਪਿਛਲੇ ਸਾਲ ਵਾਂਗ ਸ਼੍ਰੀ ਅਨੰਦਪੁਰ ਸਾਹਿਬ ਦੇ ਨਗਰ ਕੀਰਤਨ ਤੋਂ ਪਹਿਲਾਂ ੬ ਦਸੰਬਰ ੨੦੨੬ ਨੂੰ ਮੋਹਾਲੀ ਜ਼ਿਲ੍ਹਾ ਦੀ ਤਹਿਸੀਲ ਬਨੂੜ ਅਤੇ ਡੇਰਾਬਸੀ ਦੇ ਕੁੱਝ ਨਿਮਨ ਸੈਣੀ ਪਿੰਡਾਂ ਵਿੱਚ ਜਾਗਰੂਕਤਾ ਫੇਰੀ ਸਜਾਉਣ ਦਾ ਉਪਰਾਲਾ ਕੀਤਾ ਜਾ ਰਿਹਾ ਹੈ :
ਜਾਗਰੂਕਤਾ ਫੇਰੀ ਪਿੰਡ ਗੁਰਦਿੱਤਪੁਰਾ (ਮੋਹਾਲੀ) ਤੋਂ ਬਨੂੜ, ਛੱਤ ਬੀੜ, ਨਾਭਾ ਸਾਹਿਬ, ਭਬਾਤ, ਭੁੱਡਾ ਸਾਹਿਬ, ਨਗਲਾ, ਸਨੌਲੀ, ਮੁਬਾਰਕਪੁਰ, ਭਾਂਖਰਪੁਰ, ਈਸਾਪੁਰ, ਡੇਰਾਬਸੀ, ਦੇਵੀਨਗਰ ਤੱਕ ਜਾ ਕੇ ਸੰਪੰਨ ਹੋ ਜਾਵੇਗੀ।
ਨਗਰ ਕੀਰਤਨ ਲਈ ਭਾਂਖਰ ਪੁਰ ਦੇ ਗੁਰਦੁਆਰਾ ਸਾਹਿਬ ਵਿਖੇ ਦੁਪਹਿਰ ਦੇ ਲੰਗਰ ਦਾ ਪ੍ਰਬੰਧ ਕੀਤਾ ਜਾਵੇਗਾ ।
ਆਓ ਸਾਰੇ ਰਲ ਮਿਲ ਕੇ ਇਸ ਜਾਗਰੂਤਾ ਫੇਰੀ ਵਿੱਚ ਹਿੱਸਾ ਲੈ ਕੇ ਗੁਰੂ ਸਾਹਿਬ ਪਾਸੋਂ ਅਸ਼ੀਰਵਾਦ ਪ੍ਰਾਪਤ ਕਰੀਏ ਜੀ।
ਬੇਨਤੀ ਕਰਤਾ -
ਪ੍ਰੋ. ਸੁਰਜੀਤ ਸਿੰਘ ਨਨੂਆ
ਸਾਬਕਾ ਸਹਾਇਕ ਡਾਇਰੈਕਟਰ
ਭਾਸ਼ਾ ਵਿਭਾਗ ਪੰਜਾਬ,
ਜਥੇਦਾਰ,
ਆਲਮੀ ਨਿਹੰਗ ਫ਼ੌਜਾਂ ਮਿਸਲ ਭਗਤ ਜਮਾਲਾ ਸਿੰਘ ਨਨੂਆ, ਛਾਉਣੀ ਮਿਲਪੀਟਸ (USA) ਤੇ ਗੁਰਦਿੱਤਪੁਰਾ (Punjab)
ਸਹਿਯੋਗੀ:
ਜਥੇਦਾਰ
ਬਾਬਾ ਜਗਤਾਰ ਸਿੰਘ ਜੀ
1. ਜਥੇਦਾਰ ਗਿ. ਹਰਪ੍ਰੀਤ ਸਿੰਘ ਜੀ
2. ਨਿਹੰਗ ਸੁਖਵਿੰਦਰ ਸਿੰਘ ਖਾਲਸਾ
3. ਸੰਤ ਬਾਬਾ ਗੁਰਵਿੰਦਰ ਸਿੰਘ- ਭੁੱਡਾ ਸਾਹਿਬ
4. ਬਾਬਾ ਚਰਨਜੀਤ ਸਿੰਘ ਜੀ- ਬਨੂੜ
5. ਬਾਬਾ ਜੰਗਬਹਾਦਰ ਸਿੰਘ - ਜ਼ੀਰਕਪੁਰ
6. ਸ. ਅਵਤਾਰ ਸਿੰਘ ਨਗਲਾ
7. ਸ. ਧਰਮ ਸਿੰਘ ਭਾਂਖਰਪੁਰ ਆਦਿ ਵਾਂਗ ਇਸ ਨਗਰ ਕੀਰਤਨ ਦੇ ਮਾਰਗ ਤੇ ਪੈਂਦੇ ਪਿੰਡਾਂ ਦੇ ਮੋਹਤਬਰ ਗੁਰਸਿੱਖਾਂ ਨੂੰ ਵੀ ਸ਼ਾਮਲ ਹੋਣ ਲਈ ਬੇਨਤੀ ਕੀਤੀ ਜਾਂਦੀ ਹੈ ਜੀ।
8. ਸ.
9. ਸ.
10. ਸ.
11. ਸ.
12. ਸ.