03/07/2026
Ausgewählte Gedanken der Konfirmandinnen und Konfirmanden zur Konfirmation 2026
Wie ein Schmetterling ist unsere Kindheit vorbeigezogen, doch die Erinnerungen an unsere Kindheit bleiben tief in unserem Herzen. Wir sind erwachsen geworden. Ich bin dankbar für all die kleinen Abenteuer, das Lachen und die Freude, die uns begleitet haben, und dass wir noch immer ein Bisschen Kind bleiben dürfen.
Joline Hess
D Chindheit isch d Ziit wo us chlinä Momäntä grossi Erinnerigä entstöh. Dusse z si isch dr grösst Teil vo mirä Chindheit gsi. Egau ob im Waud oder ou eifach im Garte. Zämebastle vo irgendwelchnä Sache dusse hani gliebt. D Tier vo üs oder ou vo Nachbare si ou ä grosse Teil vo mir gsi besser gseit immerno. Am liebste hani zu ihne gluegt, sä gfüetteret und ou mit ihnä gspiut. Ussert üse Gügu dä isch nie mi Kolleg gsi. Ou ä grosse Teil isch scho denä z Schutte gsi. Dr Schuttibau is Goal z knaue isch zu mirä täglechä Beschäftigung worde. Egau ob Sunneschin oder Räge.
Gian Zangger
Mini Chindheit isch e sehr schöni und prägendi Zyt gsi. Ig ha viu mit mire Familie gmacht und
immer viu neus dörfe kennelere. Ig bi imme gärn wäg gange, dür das hani ou mini Lideschaft fürs Reise entdeckt. So freui mi jedes Jahr wenn mir uf Sizilien gö oder no lieber färni Länder bsueche. Äbefaus tanzi sit ig 4-jährig bi, für mi ghört das eifach derzue und d Tanzfründinne
zur Familie. Sit ig uf der Wäut bi wohni z Messe im ne ehemalige Burehus. Am liebste hani mit de Nachbare dusse im Garte gspielt und mini Eigeti Matsch-Suppe kochet. Nach der Schuel machi s KV bim EDA und freue mi uf de neu Lebensabschnitt!
Stella Brigandi
Bilder: Kevin Eberhard und Joya Binggeli
