29/05/2026
Ein paar Gedanken der Konfirmandinnen und Konfirmanden zur Konfirmation 2026: Chindheit/Üsi Chindheit
Wenn ig a mini Chindheit denke, chöme mir viu schöni u lustigi Momente i Sinn. Ziit mit der Familie oder eifach die Tage im Rossstall wo mir stundenlang hei chönne spiele, ohni gross z’überlege. I dere Ziit hani nid nur Erinnerige gesammelt, sondern ou Erfahrige mitgno.
Ig bi öuter gworde, ha meh Verantwortig überno und ha glernt was mir wichtig isch. Wenn ig zrüggblicke, bi ig dankbar, dass ig so ä schöni Chindheit ha dörfe ha.
Leonie Salzmann
„Üsi Chindheit“ so heisst unser diesjähriges Thema.
Für mich war meine Kindheit das Schönste in meinem Leben bis dahin. Man konnte jederzeit spielen und hatte keine Verpflichtungen. Manchmal hatte man vielleicht Hausaufgaben, aber das war kein Problem, weil man jederzeit nach draussen gehen und spielen konnte.
Ein Highlight in meiner Kindheit waren die vielen tollen Ausflüge: Wir fuhren irgendwohin, gingen Skifahren, wanderten, besuchten den Europapark und gingen allgemein oft in die Ferien.
Liebe Familie, danke für die tolle Kindheit, die ihr mir gegeben habt, und auch weiterhin für die schöne Zeit. Vielen Dank.
Nevio Beckel
D Chindheit isch wie es Mosaik us ganz viunä Erinnerigä. Mini Chindheit isch ä wildi Ziit gsi. Denä isch z grösste Problem no gsi, ob mä äch es Glace oder vilech sogar zwöi darf ha u nid ob mä d Husi gmacht het oder wie lang mini Bildschirmzit isch isch.
D Schueh si immer dräckig gsi, d Hose hei Löcher gha, d Hoor völlig zerzaust u trotzdäm isch aues so perfekt gsi. Ä normale Namittag dusse isch zum grösste Abentür worde u Reglä das hei mir nid kennt, respektive hei mir gekonnt ignoriert.
Hüt weissi, dass es kei Zahnfee, Osterhas und Samichlus git ! Dr Ziitpunkt, wo ig das realisiert ha isch brutal gsi und ig weiss nid ob i meh trurig gsi bi, dass es sä nid git oder dass meh mir das all die Jahr um d Nase gführt het.
Jetze steit Konfirmation a. Es Zeiche das i langsam “erwachse” wird oders z mingscht probiert. i freue mi uf au das wo chunnt u steue mi dä HerusforderigÄ. u egau wie aut das mä isch: Es stück Chindheit blibt für immer i eim drinä. Denn wär erinneret üs schüsch dra das es Stück chuechä mänisch aui Problem cha löse.
Aliina Widmer
