Islamische Gemeinschaft Bern Ikre

14/09/2026

Sonte patëm nderin dhe kënaqësinë të mirëpresim në Xhaminë IKRE Bern kryesinë, imamin dhe xhematin e Xhamisë Shqiptare të Tafersit.

Ju falënderojmë nga zemra për vizitën, respektin dhe urimet tuaja me rastin e blerjes dhe renovimit të xhamisë sonë. Vizita të tilla e forcojnë edhe më shumë vëllazërinë, bashkëpunimin dhe dashurinë ndërmjet xhamive dhe xhemateve tona.

Allahu ju shpërbleftë për respektin dhe nderin që na bëtë, e vëllazëria jonë qoftë gjithmonë e sinqertë, e fortë dhe vetëm për hir të Allahut!

Me respekt,
Kryesia dhe xhemati i Xhamisë IKRE
Bern 14.09.2026

04/09/2026

03/09/2026

https://www.facebook.com/share/p/1cXN4eHFZk/

I ftojmë të gjithë të interesuarit të marrin pjesë në Garën Kuranore, të organizuar nga Xhamia Shqiptare në Tafers, me rastin e 30-vjetorit të themelimit të saj.

Le ta mbështesim dhe ta nxisim brezin e ri në mësimin dhe memorizimin e Kuranit Famëlartë.

Allahu i shpërbleftë organizatorët dhe u dhëntë suksese të gjithë pjesëmarrësve!

02/09/2026

26/06/2026

Ishte nder dhe kënaqësi e veçantë që sot, në këtë ditë të bekuar të xhumasë, në xhaminë tonë patëm mysafir hoxhën e nderuar Bekim Alimi, i cili mbajti ligjëratën dhe hutben e xhumasë, si dhe na priu në namazin e xhumasë.

Me ligjëratën e tij, ai dëshmoi edhe një herë se është ndër hoxhallarët më aktivë dhe më të angazhuar, i njohur dhe i respektuar në mbarë shtetin helvetik për përkushtimin, urtësinë dhe afërsinë e tij me besimtarët.

Në emër të kryesisë dhe xhematit të Xhamisë sonë IKRE, e falënderojmë sinqerisht hoxhën e dashur për praninë e tij në mesin tonë. I urojmë suksese të vazhdueshme në aktivitetet e tij të shumta dhe të dobishme, duke e lutur Allahun e Madhëruar që t’i dhurojë bereqet, shëndet dhe begati në çdo hap që ndërmerr për të mirën e komunitetit tonë.

Me respekt,
Xhamia juaj IKRE
E Xhuma, Bernë, 26 Qershor 2026