NË EMËR TE ALLAHUT TË GJITHËMËSHIRSHMIT, MËSHIRËPLOTIT! Falënderimet i takojnë vetëm Allahut xh.sh, Zotit të botërave, paqja dhe mëshira e Tij qofshin mbi të dërguarin e Tij Muhamedin a.s., familjen dhe sahabet (pasuesit) e tij.
1. ÇKA ËSHTË BASHKËSIA ISLAME SHQIPTARE NË VJENË (BISH)
Bashkësia Islame Shqiptare në Vjenë, në vijim BISH, është organizatë zyrtare joqeveritare, e regjistruar si Bashkësi Islame fetare pranë organeve adekuate të shtetit Austriak. BISH nuk i takon asnjë partie politike dhe nuk identifikohet me asnjë nga ideologjitë ekzistuese. BISH synon krijimin e kushteve të nevojshme për realizimin e detyrave fetare të muslimanëve shqiptarë që jetojnë në Vjenë. BISH po ashtu angazhohet për kultivimin dhe ruajtjen e vlerave fetare dhe kombëtare të muslimanëve shqiptarë dhe integrimin dhe participimin e tyre në jetën shoqërore të vendit ku jetojnë. Përvoja mbi 30 vjeçare e BISH, asaj ia siguron vendin e merituar brenda grupit të shoqatave më eminente shqiptare në Austri e më gjerë. BISH e cila është e regjistruar me emrin „MOSCHE-GEMEINDE ALBANISCHER MUSLIM WIEN“, ka një rritje konstante si në numrin e antarëve ashtu edhe të aktiviteteve të saja. BISH mban marrëdhenie të mira si me bashkësitë fetare islame në atdhe ashtu edhe me Bashkësinë Islamë të Austrisë (Islamische Glaubensgemeinschaft in Österreich)IGGÖ
BISH ka arritur që në vitin 2002 të blej një objekt me sipërfaqe rreth 580 m2. Në brendi të këtij objekti gjenden faltorja (mesxhidi) e meshkujve, faltorja (mesxhidi) e femrave, vendi për abdest (Abdesthaneja), biblioteka, zyra e kryesisë dhe një banesë. Objekti në fjalë ku gjendet edhe selia e BISH gjendet në adresën:
Menzelgasse 15, 1160 Wien. E gjithë kjo është bërë e mundshme me ndihmën e Allahut xh.sh. dhe kontributin e jashtëzakonshëm të anëtarëve të BISH, si në aspekt financiar ashtu edhe me punë fizike.
2. UDHËHEQËSIA DHE KUADRI
BISH posedon një model udhëheqjeje që paraqet një sintezë e udhëheqjes demokratike dhe asaj islame. Pra, zgjedhja dhe udhëhëqsia në BISH bëhet në suaza demokratike dhe në pajtim me përcaktimet fetare, elemente këto te cilat janë paraperë edhe me Statutin e BISH. Kryesisë i prin kryetari, ndërsa pos tij në udhëheqësi marrin piesë së paku edhe 5 anëtarë tjerë, nga mesi i të cilëve zgjidhen zv. kryetari, arkëtari, sekretari dhe zëvendësit e tyre. Mandati i kryesive të zgjedhura nga ana e antarëve të BISH zgjatë tre vite, pas kalimit i të cilëve bëhen zgjedhje të lira. Kryesia çdo vit në mbledhjen vjetore raporton për aktivitete e vitit të kaluar dhe për gjendjen financiare. Përveç kësaj BISH si të punësuar permanent e ka Imamin e saj, i cili është teolog i kualifikuar me shkollë të lartë. Imami i prinë xhematit për çdo kohë të namazit dhe riteve të tjera fetare. Përveç detyrave të rëndomta, imami është në dispozicion edhe për konsultime të ndryshme.
3. QËLLIMET E BISH
Qëllimet e BISH janë të shumta, andej do ti veçojmë disa më me rëndësi:
• Krijimi i kushteve për zbatimin e obligimeve fetare
• Ndihmë konkrete për ruajtjen e identitetit fetar dhe kombëtar.
• Mbrojtja e të drejtave e të gjithë muslimanëve shqiptarë në mënyrë institucionale.
• Integrimi dhe participimi në jetën shoqërore.
• Edukimi dhe arsimimi i brezave të rrijë.
• Ndihmë e organizuar.
• Ngritja e vetëdijes tek femra muslimane dhe kyçja esajë ne strukturat dhe aktivitetet e BISH.
4. AKTIVITETET E BISH
Aktivitetet e BISH mund të ndahen në dy kategori. Kategorinë e parë e përbëjnë aktivitetet që veç janë duke u organizuar pranë BISH, ndërsa kategorinë e dytë e përbëjnë aktivitetet, realizimi i të cilëve planifikohet gjatë periudhës së ardhshme. Në aktivitetet që veç janë duke u organizuar pranë BISH mund të numërohen këto aktivitete:
• Që nga viti 2012 Bartja e kufomave të antarëve.
• Falja e të gjithë namazeve me imam.
• Ligjërata fetare nga imami të premten dhe të dielën.
• Mësim-besim për fëmijët.
• Mësim-besim për të rritur.
• Mësim i leximit të kuranit për të rriturit.
• Tribuna me tema të ndryshme nga lëmit e fesë, shkencës dhe kultures.
• Kurse të ndryshme të gjuhës.
• Botimi i takvimit vjetorë për kohërat e namazit.
• Botimi i imsakijeve për muajin Ramazan.
• Mirëmbajtja e faqes në internet (www.islami.at).
• Sh*tja e librave me përmbajtje fetare.
• Ndihma të ndryshme humanitare.
• Tubimi i sadakatul-fitrit, zekatit dhe të kurbaneve.
• Organizimi i haxh-xhit dhe umres.
• Pregaditje e kufomave.
• Organizimi i faljes së namazeve të bajramit jashtë objektit të xhamisë.
• Tubime të ndryshme informative në bashkëpunim me magistratin. Përveç aktiviteteve të përmendura që zhvillohen në BISH, bashkësia në të ardhmen planifikon edhe aktivitetete të tjera siç jane:
• Mësimi i gjuhës shqipe për fëmijët edhe për të rriturit.
• Mësimi i gjuhës gjermane për fëmijët edhe për të rriturit.
• Formimin e degës së BISH për femra.
• Hapja e një biblioteke publike.
• Organizimin e shëtitjeve të ndryshme kulturore etj. E gjithë ajo që u tha mund të realizohet vetëm me ndihmën e Allahut fuqiplotë, me punë të zellshme dhe me kontribut material.
5. Pasi që BISH është Bashkësi e pavarur joqeveritare, ajo financohet vetëm nga antarësia dhe donacionet e besimtarëve. Antarësia për një vit është 120 € ku inkludohet edhe sigurimi per bartjen e kufomës. Ndërsa shuma e ndihmave, përcaktohet nga vetë donatori. Për tu anëtarësuar duhet mbushur formularin adekuat të cilin mund ta gjeni në zyrat e BISH ose në faqen tonë të internetit. Ndërsa të gjithë donacionet e tjerë, mund të bëhen ose në zyrën e BISH ose nëpërmjet xhirollogarisë Nr. IBAN: AT72 1200 0100 1086 3701
BIC: BKAUATWW
BLZ: 12000
Duke e ditur rëndësinë e BISH si për mbrojtjen e vlerave fetare dhe kombëtare ashtu edhe për integrimin në shoqërine vendase, presim ndihmën tuaj, pa marrë parasysh llojin dhe sasinë e ndihmës. i ndihmoftë të gjithë atyre që kanë nevojë për ndihmë, posaçerisht atyre që e ndihmojë BISH.
