The Saint Peter's Apostolic Church - Ngarava

27/08/2026

27/08/2026

2026 Holy Communion Celebrations Gweru TROAS BRANCH 21-23 October

05/08/2026

TINOCHIDYA KUTI TIPONESWE
21-23 AUGUST 2026
DELSFORD GWERU TROAS BRANCH
"Anodya nyama yangu nokunwa ropa rangu ane upenyu husingaperi, uye ndichamumutsa nezuva rokupedzisira." (Johane 6:54)
BISHOP MUDZVE.O(NOAH WE NGARAVA) VANOTI
Chirairo Chitsvene hachisi tsika yechechi kana mutambo wekufadza vanhu. Itafura yaShe yakatengwa neropa raJesu Kristu. Patinoungana patafura iyi tinopinda muchisungo chitsva chaMwari, tichiyeuka mutengo wakabhadharwa paKarivhari kuti isu tiponeswe, tiporeswe, tisunungurwe uye tive vana vaMwari.
Ndokusaka dingindira redu richiti: *"Tinochidya kuti tiponeswe."*
1. Tinodya chirairo tichiziva mutengo weruponeso
Chingwa chinomirira muviri waKristu wakapwanyika nekuda kwedu. Mukombe unomirira ropa rake rakateurwa kuti zvivi zvedu zvikanganwirwe.
Mateo 26:26–28
Pasina ropa raJesu hakuna kuregererwa kwezvivi (VaHebheru 9:22). Saka munhu wese anodya chirairo nokutenda anoyeuka kuti ruponeso haruna kutengwa nesirivha kana goridhe, asi neropa rinokosha raKristu (1 Petro 1:18–19).
2. Chirairo chinounza kuporeswa nekusunungurwa
Jesu akatakura kurwadziwa kwedu pamuchinjikwa.
Isaya 53:5 "Nemaronda ake takaporeswa."
Kana uchidya chirairo nokutenda, unorangarira basa rakapedzwa naKristu. Mwari achiri kuporesa, kusunungura uye kudzoreredza vanouya kwaari nokutenda.
3. Kuvapo pamutambo weChirairo hakufaniri kutorerwa pasi
VaHebheru 10:25 vanoti tirege kurega kuungana pamwe chete.
Patinoungana patafura yaShe:
Tinovandudzwa pakutenda.
Tinodzidziswa Shoko.
Tinobatana semhuri yaKristu.
Tinogamuchira nyasha nesimba idzva.
Munhu anoshaya mutambo uyu nguva dzose anozvinyima zvimwe zvezvikomborero zvinopiwa naMwari kuvanoungana muzita rake.
4. Ngatirege kuuya nemwoyo usina kuchena
1 VaKorinte 11:28
Tisati tadya:
Ngatipfidzei zvivi.
Ngatikanganwire vamwe.
Ngatibvisei ruvengo negodo.
Ngatizvininipisei pamberi paMwari.
Mwari haafariri muromo unodya chirairo asi mwoyo uzere neruvengo.
5. Huya nechipo chinobva pamoyo
Mwari anoda munhu anopa nomufaro (2 VaKorinte 9:7).
Kana tichiuya patafura yaShe:
Huya nechipo chokutenda.
Huya nechipo chokuremekedza Mwari.
Huya nechipo chinobva pamoyo, kwete nekumanikidzwa.
Abheri akagamuchirwa nokuti akapa zvakanakisisa kuna Mwari (Genesisi 4:4). Chirikonzero chimwe chete nhasi—Mwari anotanga atarisa mwoyo womunhu, ozotarisa chipo chake.
6. Chirairo chinosunga chechi muhumwe
1 VaKorinte 10:16–17
Tinova muviri mumwe munaKristu. Hapana mukuru kana mudiki patafura yaShe. Tose takatengwa neropa rimwe chete.
7. Chirairo chinotigadzirira kudzoka kwaKristu
1 VaKorinte 11:26
Nguva dzese patinodya chirairo tinenge tichizivisa rufu rwaShe kusvikira adzoka. Chinotirangaridza kurarama muutsvene nekugara takagadzirira kusangana naye.

Usapotsa mutambo weChirairo. Huya wakapfidza, wakatenda, wakaregerera uye wakagadzirira kupa kuna Mwari. Usangodya chingwa chete; gamuchira nyasha, ruponeso, kuporeswa, rugare uye simba rinobva kuna Kristu.
Mashoko echiporofita
Nhasi patafura yaShe, chisungo chose chechivi ngachityorwe. Vanorwara ngavapore. Vakasungwa nemweya yakaipa ngavasunungurwe. Mikova yakanga yakavharwa ngaivhurwe. Mhuri dzakapatsanuka ngadzoreredzwe. Vakaneta mumweya ngavagamuchire simba idzva. Sezvo muchidya nekutenda, Mwari ngaakudzorerei mufaro weruponeso, akuwedzerei nyasha, uye akusimbise kusvika pazuva rokudzoka kwaKristu.
"Tinochidya kuti tiponeswe; tinochidya kuti tisimbiswe; tinochidya kuti tive noupenyu husingaperi muna Kristu Jesu."
Amen.
DELSFORD GWERU 21-23 AUGUST 2026

30/07/2026

04/06/2026

*By Faith*
I declare peace in my heart and healing in my soul Every medical report shall turn into a testimony
My family shall walk in divine health and protection I am covered by the healing blood of Jesus
God is restoring everything thing sickness Fear, stress, and anxiety will not control me Father, grant me good health, strength, and protection. Lord, let this day bring good news and divine breakthroughs.
God, help me be kind, patient, and loving to others. Amen.

04/06/2026

*Muchidimbu*
*Kutenda hakusi kungoti "ndinotenda" chete, asi kuvimba naMwari, kuteerera shoko rake, uye kufamba maererano naro kunyange zvinhu zvisati zvaitika.*
Zvino kutenda ndiko kuva nechokwadi nezvinhu zvatinotarisira, nechiratidzo chezvinhu zvatisingaoni.
VaHebheru 11:1
Uye pasina kutenda hazvibviri kufadza Mwari, nokuti ani naani anouya kwaari anofanira kutenda kuti ariko uye kuti anopa vanomutsvaka nomwoyo wose mubayiro wavo.
VaHebheru 11:6
Pasina kana tariro, Abhurahama netariro akatenda uye akava baba vendudzi zhinji, sezvazvakanga zvarehwa kwaari zvichinzi, “Zvizvarwa zvako zvichadarowo.”
achinyatsogutsikana kuti Mwari ane simba rokuita zvaakanga avimbisa.
VaRoma 4:18, 21
Tinorarama nokutenda, kwete nokuona.
2 VaKorinde 5:7
👏👏👏👏

04/06/2026

*25-28 June Absolute fasting* Awaiting God,s timing
(*Kairos Fasting*)
Naizvozvo, zvatino muprista mukuru kwazvo, akapinda napakati pamatenga, Jesu Mwanakomana waMwari, ngatibatisisei kutenda kwatinopupura. Nokuti hatina muprista mukuru asingagoni kutinzwira tsitsi pautera hwedu, asi tinaye akaedzwa pazvinhu zvose, sesu, asi asina chivi. Ngatiswederei tisingatyi pachigaro choushe chenyasha, kuitira kuti tigogamuchira ngoni uye tigowana nyasha, tibatsirwe panguva yokushayiwa.
VaHebheru 4:14-16

04/06/2026

Asi, hama, patakanga taparadzaniswa nemi kwechinguva chiduku (pakuonekwa, kwete mupfungwa), mukushuva kwedu kukuru takaedza chose kukuonai. Nokuti takanga tichida kuuya kwamuri, chokwadi, ini Pauro, ndakada kuita izvozvo, nguva nenguva, asi Satani akatidzivisa. Nokuti tariro yedu ndeipiko, mufaro wedu kana korona yatichazvirumbidza nayo pamberi paIshe wedu Jesu paanouya? Ko, hamusimi here? Zvirokwazvo ndimi kubwinya kwedu nomufaro wedu.
1 VaTesaronika 2:17-20

04/06/2026

*WANETSEKA ZVAKWANA*🙏🙏🙏

7 Zvino Mwari akati, Zvirokwazvo, ndakaona kunetswa kwavanhu vangu vari muIjipiti ndikanzwa kudanidzira kwavo nokuda kwavatariri vavo vamabasa; nokuti ndinoziva kuchema kwavo;
8 ndaburuka kuti ndivarwire mumaoko avaljipiti nokuvabudisa munyika iyoyo, ndindovaisa kunyika yakanaka huru, kunyika inoyerera mukaka nouchi; uko kunogara vaKenani, navaHeti, navaAmori, navaPerezi, navaHivhi, navaJebhusi.
9 Zvino tarira, kuchema kwavana vaIsiraeri kwasvika kwandiri, ndaona kutambudzwa kwavanotambudzwa nako navaIjipiti.
10 Naizvozvo zvino uya ndikutume kuna Farao, kuti undobudisa vanhu vangu, vana vaIsiraeri muIjipiti.

'EKISODHO 3:7-8-9-10'
Good morning brethren. Mwari vanonzwa kuchema kwevana vavo.

22/05/2026

I got over 50 reactions on my posts last week! Thanks everyone for your support! 🎉