Wonderboom-Suid Gemeente

06/09/2026

Siende Blind en Horende Doof

Melissa Mc Donald gesels vanuit Johannes 9 : 1 - 41 oor die blinde man wat deur Jesus genees is, asook die verskillende reaksie van die omstaanders. Sommiges sien en glo, ander verwerp Jesus ondanks die getuienisse. Vandag het ons steeds die probleem dat party nie bereid is om die waarheid te ondersoek en te glo nie - dit is tot hulle eie nadeel.

30/08/2026

Waarom 'n Doringkroon?

Die soldate wat Jesus voor sy kruisiging gemartel het, het gedink hulle maak 'n bespotting van Hom deur Hom met 'n doringkroon te kroon. Daar steek baie meer in hierdie gebeure as wat ons dink. Ds Johan van As gesels oor die Bybelse betekenis van die gebeure.

Waarom 'n Doringkroon?Die soldate wat Jesus voor sy kruisiging ge...

23/08/2026

Lewensredders of Toeskouers

Jesus gesels in die bergrede oor die impak wat ons lewe op die lewe van ander kan maak. Hy sê: Julle is die Sout vir die aarde wêreld en die Lig vir die wêreld. Ds Johan van As gesels oor die lewensveranderende impak van Jesus se woorde.

Lewensredders of ToeskouersJesus gesels in die bergrede oor die i...

16/08/2026

Meer as genoeg genade ...

Ds Attie Nel gesels oor die baie sterk geloof van die Kanaanitiese vrou wat vir Jesus kom vra het om haar dogter te genees. Sy wou nie "nee" as 'n antwoord aanvaar nie. Die Skriflesing is Matteus 15: 21 - 28

Meer as genoeg genade ...Ds Attie Nel gesels oor die baie sterk g...

09/08/2026

Vrygemaak!

Ons is vrygemaak om diensbaar te wees.

Ps 116 vertel die verhaal van iemand wat 'n geweldige krisis oorleef het en vol dankbaarheid is teenoor die Here.
Hy worstel met die vraag: Hoe sal ek die Here vergoed vir al sy weldade aan my? Ds Johan van As gesels oor die lewensveranderende implikasies van God se genade vir ons.

Ons is vrygemaak om diensbaar te wees.Ps 116 vertel die verhaal v...

02/08/2026

Die ontkruid tussen die koring

Ds. Attie Nel gesels oor Matteus 13:24–30, 36–43. Jesus verduidelik God se genade op 'n nuwe manier in hierdie gelykenis.

Waarom het die boer nie die ontkruid laat uittrek toe hy besef daar is onkruid tussen die koring? Omdat die koring saam uitgetrek sou word, en om die koring kans te gee om te groei.

Die ontkruid tussen die koringDs. Attie Nel gesels oor Matteus 13...

26/07/2026

Jou lewe hou vir jou en jou nageslag seën of straf in.

God het met Abraham 'n verbond gesluit en vir hom gesê: "in jou en jou nageslag sal al die volke van die aarde geseën wees" (Gen 28: 14). Dit het beteken dat die Messias, die Verlosser van die wêreld, uit sy nageslag sou kom.

Die verbondslyn het deur die jare 'n paar vreemde draaie gemaak. Nie almal in die verbondslyn was perfekte gelowiges of het die heeltyd 'n mooi lewe geleef nie. Nogtans het God hulle gebruik om sy wil te laat geskied.

God wil vandag steeds mense gebruik om sy wil uit te voer, selfs al is nie almal van ons volmaakte gelowiges nie. God wys hierdeur sy liefde en genade vir ons as onvolmaakte mense.

Kyk saam met Ds Johan van As na die pad wat God met ons stap, en die implikasies vir ons nageslag.

19/07/2026

Vererg & Vertrou

Dawid het glad nie daarvan gehou dat Goliat God verkleineer en beledig nie. Alhoewel Goliat 'n reus is en Dawid klein is teen hom en menslik gesproke nie 'n kans het nie, vertrou hy op God vir oorwinning.
Ons weet wat die uitslag van die geveg was.

Ds Ewald Bosch gesels vanuit 1 Samuel 17

Vererg & VertrouDawid het glad nie daarvan gehou dat Goliat God v...

12/07/2026

Verander die wêreld deur gebed.

Talle mense onderskat die waarde en krag van gebed. Die Bybel is vol voorbeelde van hoe dat God in mense se lewe en omstandighede kan ingryp en dit verander. By God is niks onmoontlik nie.

Ons moet leer om God te vertrou. Ds Johan van As gesels vanuit Psalm 91 en ander Skrifgedeeltes oor vertroue en die impak op ons lewe.

05/07/2026

Het kraaie kommerplooie en huil lelies?

Melissa Mc Donald gesels oor hoedat ons bekommernisse in vertroue kan omskakel. Die Skriflesing kom uit Lukas 12: 22-32

Het kraaie kommerplooie en huil lelies?Melissa Mc Donald gesels o...