Gereformeerde Kerk Witrivier

06/09/2026

Goeiemore broers en susters. Hiermee die liturgie vir die erediens om 09:00. Volg die onderstaande skakel na ons Youtube blad vir die lewendige uitsending van die erediens.
https://www.youtube.com/
Lees: Heb. 1:1; 2: 1-4.
Fokus: NGB Artikels 4 en 5.
Tema: Die gesag van die Heilige Skrif alleen grondves ons in die geloof sodat ons nie wegdryf nie.
- Daarom moet ons ag slaan op die Woord.
Vers 1 begin met daarom: Hoofstuk 2 se argument is gegrond op dit wat die skrywer in Heb. 1 bespreek het, nl. die uitnemendheid van Christus. Omdat Christus die hoogste gesag is, moet ons ag gee op die wat ons van Hom gehoor het. Dit is die eerste opdrag van die teks. Ag slaan, of aandag gee, in die Grieks gaan oor ‘n aanhoudende en bewuste fokus op dit wat ons gehoor het, sodat ons nie wegdryf nie. Ons belydenis maak dit duidelik dat ons geloof alleen op die Woord van God gerig word, deur die Woord gegrondves en bevestig word. Wanneer ons vashou aan die Woord, sal ons nie van God af wegdryf nie, maar die heeltyd seker wees van Christus werk vir ons.
- Want die Woord word deur God gegee en bevestig.
Die rede hoekom die skrywer so sterk daarop aandring dat ons moet ag slaan op dit wat ons gehoor het, is omdat dit van God af kom. Vanaf vers 3 sien ons die hele proses van hoe die Bybel by die gelowige kerk uitgekom het: Die Woord is deur die Here, dit is Christus, verkondig en daarna deur die apostels as agente van God se openbaring aan die gelowiges oorgedra. Die werk van die apostels is verder deur God bevestig in die buitengewone gawes van die Heilige Gees wat God in die apostels gewerk het. Daarom is die Woord van God gesagvol en is die Woord, nie wonders en tekens en allerhande kragtige dade, die bron en behoud van ons geloof.
Sing.
Vooraf: Sb. 24 (1-1): 1.
Ps. 9: 1,7,10
Ps. 32: 1,3
Ps. 34: 4,6 (Tweede melodie)
Ps. 97: 1,7
Ps. 89: 1,5,6

Del dine videoer med venner, familie og verden

30/08/2026

Goeie more broers en susters. Hiermee die liturgie vir die erediens om 09:00, asook die skakel na ons youtube blad vir die lewendige uitsending van die erediens.

https://www.youtube.com/

Lees: Rom. 12: 1-8
Fokus: Rom. 12:2
Tema: Die ontferminge van God roep ons op om ons geloof as priesters sinvol uit te lewe.
- Die uniekheid van die gelowige priester.
Paulus is besig om die sinvolle godsdiens van die kerk van Christus hier te beskryf. Sinvol in die Grieks beteken letterlik die rasionele of die logiese godsdiens van die kerk. Dit is duidelik dat Paulus ‘n logiese reaksie beskryf: wat moet die gelowige se logiese reaksie wees op die barmhartigheid van God. Die gelowige wat as priester deur God uitverkies word, staan in ‘n unieke roeping in hierdie wêreld. Hierdie uniekheid word duidelik in ons dienswerk: God staan sentraal, nie die eie ek nie. Ek staan in diens van God.
- Die denke van die gelowige priester.
Die tweede logiese saak van ons Godsdiens gaan oor die verandering van ons denke. Interessant die manier waarop hierdie sin in die Grieks geskryf is: ons moet verander word: dit is ‘n passiewe aksie. Hierdie aksie word dus nie deur ons uitgevoer nie, maar deur die Heilige Gees word ons vernuwe deur die wedergeboorte (Tit. 3:5). Die vernuwing gaan dus eerstens oor hoe ons redeneer. Deur die vernuwing kan ons mooi onderskei wat die wil van God is: tussen reg en verkeerd.
- Die gawe van die gelowige priester.
Die gevolg van die vernuwing van ons denke, beteken dan dat ons verstandig sal wees. Die verstandig in die Grieks gaan oor selfbeheersing: dit het dus alles te make met die manier waarop ons optree. Hier kom die praktyk van ons priesterskap in: God roep ons as kerk, as een liggaam byeen. Binne hierdie liggaam skenk Hy gawes, nou moet ons verstandig wees deur hierdie gawes te beoefen. Paulus maak dit in vers 3 duidelik dat geen gawe bo ‘n verhef mag word nie, maar spoor ons kerk eerder aan om die gawes wat aan ons geskenk is te beoefen tot eer van Christus en opbou van mekaar.
Sing:
Vooraf: Ps. 47: 4
Lofpsalm: Ps. 150: 1,2,3
Na wet en belydenis: Ps. 40: 3,5
Voor prediking: Sb. 9 (18-1): 4,5 (Melodie: Ps. 118).
Voorbereiding tot die nagmaal: Ps. 65: 3.
Sang tydens die nagmaal: Ps. 116
Skriflesing tydens die nagmaal: Matt. 26:36-39; Matt. 26:60-68; Matt. 27:22-26; Matt. 27:45-52.
Slot: Sb. 8 (5-3): 1,2. (Melodie: Ps. 89).

Del dine videoer med venner, familie og verden

24/08/2026

Bestellings kan van vandag af geplaas word by:
Marinda Venter 082 491 4675
Ria Greveling 073 307 9380

Bestellings kan ook Vrydag afgelewer word in Witrivier omgewing.

23/08/2026

Goeie more broers en susters. Hiermee die liturgie vir die erediens om 09:00. Volg die skakal na ons Youtube kanaal vir die lewendige uitsending van die erediens:

https://www.youtube.com/

Lees: Matt. 16: 21-23; 17: 22-23; 20: 17-19.
Fokus: Matt. 16: 21; 17:22; 20: 17.
Tema: Met intensiteit berei Christus sy dissipels voor vir die lyding wat Hy moet ondergaan.
- Die pad wat Christus moet loop.
Drie keer maak Christus bekend dat Hy en die dissipels na Jerusalem op pad is. Duidelik sien ons dat Christus ‘n dringende afspraak in Jerusalem het, en die dissipels moet voorberei word op hierdie afspraak. Die dringendheid van die afspraak sien ons veral duidelik in die eerste lydensaankondiging: Christus sê Hy moet na Jerusalem toe gaan. Die komende lyding van Christus is nie net ‘n keuse nie, maar dit is ‘n wetlike verpligting (Heb. 10) en ‘n profetiese vervulling (Jes. 53). In Jerusalem moet Hy ly en sterf: die volle en regverdige straf vir ons sondes.
- Die opstanding wat Christus moet vermag.
Drie keer sê Christus dat Hy die derde dag opgewek sal word uit die dood. Weereens in die eerste lydensaankondiging sê Christus Hy moet opgewek word. Die moet wys weereens vir die dissipels dat die opstanding uit die dood nie net ‘n toevallige gebeurtenis is nie, maar ‘n noodsaaklike gebeurtenis. Christus het gekom om die dood te oorwin, en die opstanding uit die dood is noodsaaklik sodat Christus sy werk op aarde ten volle kon afhandel.
- Die reaksie van die dissipels.
Die reaksie van die dissipels was egter nie in geloof nie. Die eerste dissipel wat reageer is Petrus wat hierdie gebeurtenis wou stop, alhoewel Christus dit duidelik gemaak het dat al hierdie moet gebeur. Daarom bestraf Christus hom: niks mag in die pad staan van Christus wat sy werk op moet vervul nie. Die tweede wat Christus sy lyding aankondig lees ons net dat dit die dissipels hartseer gemaak het. Hulle soek steeds ‘n messias wat aan hulle verwagting voldoen, en kan nie insien dat die lyding van Christus sy gelowige kinders gaan verlos nie.
Sing.
Vooraf: Ps. 116: 1
Ps. 92: 1,3,6
Ps. 38: 1,2,8 (Tweede melodie)
Ps. 99: 3,5
Sb. 7 (5-2): 3,4,10 (Melodie: Ps. 18).
Ps. 118: 12,13,14.

Del dine videoer med venner, familie og verden

16/08/2026

Goeiemore broers en susters. Hiermee dit liturgie vir die erediens om 09:00. Volg die skakel na ons youtube kanaal vir die lewendige uitsending van die erediens.

https://www.youtube.com/

Lees: 2 Petrus 1: 12-21
Fokus: NGB Artikel 3
Tema: Die apostel se dringende herinnering aan die inhoud en inspirasie van die Woord.
- Die inhoud van Woord.
Die apostel bespreek vanaf vers 16 die inhoud van die Woord. Die apostel verkondig die teenwoordigheid van ons Here Jesus Christus. Petrus verdedig die gesag van die Woord juis met die woorde: Ons het ons immers nie op vindingryke fabels verlaat nie. Met hierdie woorde bevestig Petrus dat die inhoud van die Woord nie sommer net opgemaak is nie. Hoekom is die inhoud van die geskrewe woord van God so belangrik dat ons mekaar die heeltyd daaraan moet herinner? Die apostel gee in vers 16 en 17 twee redes vir sy dringende herinnering. Eerstens was die apostels lewende getuies van die Woord en tweedens het God self dit aan hulle bevestig.
- Die inspirasie van die Woord
Die feit bly egter staan- die Bybel is deur mense geskryf. En dit is die punt waarop die meeste kritici van die Woord fokus. Wat maak die skrywers van die Bybel se getuienis meer betroubaar as die skrywer van die Koran se getuienis? Die Heilige Gees wat geloof in ons harte bewerk bevestig ook ons die rede waarom die geskrewe Woord besonders is. In verse 20 en 21 lê die tweede fokus van ons belydenis rakende die Woord van God: Dit moet julle veral besef: Geen profesie in die Skrif berus op eie uitleg nie. Want geen profesie is ooit deur die wil van 'n mens voortgebring nie. Die Woord is deur die Gees geïnspireer: die beteken dat die Gees die werklike Outeur van die Woord is, en die skrywers van Woord die instrumente deur wie die Gees gewerk het.
Sing.
Vooraf: Ps. 91:8
Ps. 148: 1,5 (Tweede melodie).
Ps. 71: 9,12,14
Ps. 119: 19,22 (Tweede melodie)
Ps. 25: 2,7
Sb. 53 (14-3): 1,3,4

Del dine videoer med venner, familie og verden

02/08/2026

Goeie more broers en susters. Hier is die liturgie vir die erediens om 09:00. Volg die onderstaande skakel na ons Youtube-kanaal vir die lewendige uitsending van die erediens.

https://www.youtube.com/

Lees: Joh. 15: 1-27
Fokus: Joh. 15: 16,18
Tema: Christus se uitverkiesing vertroos die kerk in haar unieke identiteit en doel in die wêreld.
- Unieke doel.
Wanneer ons praat van die uniekheid van die kerk in hierdie wêreld, het dit eerstens te make met die unieke manier waarop die kerk van Christus geroep, versamel en gestuur word in hierdie wêreld in. In vers 16 sien ons die besondere manier waarop Christus sy kerk roep: Julle het my nie uitverkies nie, maar ek het julle uitverkies. Die doel van Christus se uitverkiesing is sodat ons kan vrug dra in hierdie wêreld. Ons word dus geroep tot ‘n taak wat ons uitsonder van die res van die wêreld: ons hele lewe draai nie om onsself en ons eie begeertes nie, maar rondom die eer van Christus en die verkondiging van sy Naam.
- Unieke teenstand.
Sodra ons dan die mens as die sentrale fokuspunt kanselleer, dan kom die wêreld in opstand. Vir die sondige mens is daar niks belangriker as die “eie-ek” nie, en moet die aandag wees op die begeertes van die mens. Daarom sê Christus duidelik: die wêreld haat Hom, en daarom gaan die wêreld sy kerk ook haat. Dit blyk of hierdie unieke teenstand wat die wêreld die kerk bied, deel is van die kerk se roeping in die wêreld. As die wêreld gemaklik is met die kerk, en die kerk nie vreemd is vir die wêreld nie, dan mis die kerk totaal haar roeping in hierdie lewe. Die wêreld haat die kerk as gevolg van die Woord wat die kerk verkondig: die wêreld kan dit nie verdra wanneer hulle sondes oopgevlek word en hulle geroep word om die eie ek af te sterf nie.
- Unieke vertroosting.
Daarom is die unieke teenstand van die wêreld, ook ‘n unieke troos vir ons. Ons moet in gedagte hou dat Christus besig is om sy apostels, asook as ons kerk in die 21ste eeu, te troos met hierdie laaste prediking op aarde. Christus beloof laastens om die Trooster te stuur. Die Gees sal die vertroosting verkondig aan die kerk dat die haat van die wêreld nie getuienis en werk van Christus sal vernietig nie, maar juis in die werk van die Gees word die getuienis en werk van Christus aan die kerk bevestig met die belydenis: die poorte van die doderyk sal dit nie oorweldig nie. Die finale unieke vertroosting sal aanbreek wanneer Christus die ryk van die teenwoordige wêreld oorwin en ons saam met Hom as oorwinnaars sal regeer.
Sing.
Vooraf: Sb. 34 (2-2): 1
Ps. 149: 1,2,4 (Tweede melodie)
Ps. 48: 2,3
Ps. 59: 1,5,10 (Tweede melodie)
Sb. 52 (11-2): 1,2,4.
Ps. 124: 1,3,4

Del dine videoer med venner, familie og verden

26/07/2026

Goeie more broers en susters. Hiermee die liturgie vir die erediens om 09:00. Volg die skakel na ons Youtube blad vir die lewendige uitsending van die erediens.

https://www.youtube.com/

Lees: Matt. 16: 13-18 (2020 vertaling).
Fokus: Matt. 16: 16-17/ NGB Artikel 2b.
Tema: Deur die Woord maak God Homself volkome aan ons bekend sodat ons tot belydenis kan kom.
- Die inhoud van ons belydenis.

Die belydenis van Petrus neem ‘n prominente plek in die Skrif in. Hierdie belydenis is die basis van ons geloof: waarin in ons glo en hoe het hierdie geloof in ons tot stand gekom. In Petrus se belydenis sien ons twee aspekte oor die werk en persoon van Christus: Hy is die Christus- die Gesalfde en verder U is die Seun van die Lewende God. In Christus ontvou die verdere openbaring van God aan sy kerk. Hierdie belydenis vorm die inhoud van ons geloof, aangesien die inhoud van ons geloof alles te make het met Wie God is, en wat God doen.
- Die bron van ons belydenis.

Die kragtige belydenis waarvan ons lees is nie ‘n saak wat deur ‘n mens uitgedink is nie. Dit is ‘n belydenis wat deur God aan ons bekend gemaak word. Hierdie belydenis nie van toepassing op spesifiek Petrus nie, maar op al die gelowiges wat deur hierdie belydenis tot eenheid gebind word. Daarom sal Christus op die belydenis oor Hom sy kerk bou. Die krag is nie in die persoon wat bely nie, maar in God wat die belydenis openbaar aan ons. Ons belydenis in die tweede deel van artikel 2 fokus dan spesifiek op God wat Homself nog duideliker in die Woord openbaar. Christus is die Woord wat vlees geword het.
- Die belofte van ons belydenis.

Omdat die krag van die belydenis deur God aan ons geopenbaar word, is daar ook belofte daar gekoppel. Die kerk se belydenis oor die werk en persoon van Christus se ewigheidswaarde word voltrek in Christus se belofte dat niks dit kan weg neem nie. Die gelowiges (gemeente) wat hierdie belydenis onvoorwaardelik vashou sal nie oorweldig word nie. In die woorde van artikel 2: so veel as wat vir ons in hierdie lewe nodig is tot sy eer en tot die saligheid van hulle wat aan Hom behoort.
Sing.
Vooraf: Ps. 128: 1.
Ps. 18: 1,11,12.
Ps. 19: 4,5.
Ps. 78: 1,2. (Tweede melodie).
Sb. 18 (17-2): 1,3,4 (Melodie: Ps. 134).
Ps. 33: 2,5,11

Del dine videoer med venner, familie og verden

19/07/2026

Goeie more broers en susters. Hiermee die liturgie vir die erediens om 09:00. Volg ook die skakel na ons Youtube-blad vir die lewendige uitsending van die erediens.

https://www.youtube.com/

Lees: Psalm 95. (‘33/’53 vertaling)
Fokus: NGB artikel 2a.
Tema: Ons belydenislied oor God se skeppingsopenbaring.

- God se openbaring as Skepper van die kosmos.

Ons prediking oor Wie God is word nou meer verfyn. Die eerste openbaring van God oor Homself kry ons in Gen. 1:1. Hy openbaar Homself as die skepper van alle dinge- die totale kosmos. Vanuit Psalm 95 en ons belydenis word die gedagte van Gen. 1:1 gefokus, veral op drie aspekte: God regeer oor alles (vers 3); Daarom onderhou God alles (vers 4); Want hy het alles geskep (vers 5).

- God se openbaring as Skepper van sy volk.

God se openbaring as Skepper het nie slegs te make met die kosmos nie. Die skepping van alle dinge is ‘n uiters persoonlike saak. God het nie net die mens geskep nie, maar Hy het ook mense herskep as sy volk. Hier kom die regering van God tot ‘n besondere hoogtepunt: Omdat Hy ons geskep het is Hy ons Koning. Beide hierdie punte dryf ons tot twee sake: Lofprysing (vers 1 en 2) en Gehoorsaamheid (8-11).

Sing:
Vooraf: Ps. 93: 1,3 (Melodie: Ps. 145).
Ps. 19: 1,2.
Ps. 9: 5-8.
Ps. 95: 1,2,4.
Ps. 23: 1,3.
Ps. 67: 1,2,3 (Melodie: Ps. 33).

12/07/2026

Goeie more broers en susters. Hiermee die liturgie vir die erediens om 09:00, asook die skakel na ons Youtube-kanaal vir die lewendige uitsending van die erediens.

https://www.youtube.com/

Lees: 1 Kor. 3: 9-17 (2020 vertaling)
Fokus: 1 Kor. 3: 16 (2020 vertaling)

Tema: Ons Christelike roeping openbaar ons identiteit as ‘n stewige en heilige tempel van God.

- ‘n Stewige tempel gebou op Christus as fondasie.

In wese is Paulus besig om gelowige kerk van Christus te troos in die hoë roeping waartoe die Here ons geroep het. Ons sien in hierdie gedeelte waar ons vandaan kom, asook wie ons is. In vers 9 sê Paulus: ons is God se bouwerk. Verder berei die apostel dan uit: Ons is die tempel van God wat gebou is op die fondament van Christus. Omdat die kerk op Christus gebou word, sal die kerk van Christus in der ewigheid nooit vergaan nie. Die doel van die kerk is dus om die fondament, Christus, te verkondig.

- ‘n Heilige tempel deur God geroep tot dienswerk.

Die werk van die kerk as tempel van God dui aan hoe besonders ons as gelowiges werklik is. En nie deur onsself nie, maar deur Hom op Wie ons gebou is, en waartoe ons geroep word. Die eerste saak van ons heiligheid lees ons in vers 16: dat die Gees van God in ons woon. God skenk aan ons sy Gees sodat die kerk haar roeping op aarde kan uitleef. Ons word deur die Gees afgesonder tot dienswerk, en God bewaar ons as in hierdie taak. Daarom lees ons verder: as iemand die tempel van God skade aandoen, sal God hom skade aandoen. Alhoewel ons Christelike roeping nie maklik is nie, word ons vertroos hoe heerlik dit is. God sal nooit die werke van sy hande laat vaar nie.

Sing:
Vooraf: Ps. 27: 6
Ps. 100: 1,2,3,4.
Ps. 119: 62,63
Ps. 84: 2,5
Ps. 43: 3,4,5
Ps. 116: 7,9,10

Del dine videoer med venner, familie og verden

07/07/2026

Gereformeerde Kerk Witrivier se YouTube kanaal.

Del dine videoer med venner, familie og verden