https://www.facebook.com/111724508851252/

Hervormde Kerk, Johannesburg-Wes

Home
South Africa
Westdene
Hervormde Kerk, Johannesburg-Wes

Die gemeente Johannesburg-Wes is op 25 Februarie 1942 gestig. Die huidige kerkgebou is op 12 November 1949 ingewy en in gebruik geneem.

Vir die eerste 7 jaar van haar bestaan het lidmate kerk gehou in wat ons vandag ken as die kerksaal.

05/04/2023

Ons gemeente hou 'n fondsinsameling by Spekkies Slaghuis. Kom ondersteun ons asseblief.

11/03/2022

Eerskomende Sondag (13 Maart) gaan ons in die prediking kyk hoe die Here Jesus teenoor minder geliefde mense opgetree het. Ag, ons almal het een of ander familielid waarvoor ons skaam is en vermy ... of iemand wat die lewe vir ons moeilik maak ... of iemand wat ons in die rug gesteek het. As die Hebreërskrywer sê dat die Here Jesus Hom nie vir óns skaam nie - wat kan ons leer uit hoe Hy mense hanteer het, sodat ons vernederings, ons verleenthede, ons seerkry nie God se Naam deur die modder sleep nie?

26/02/2022

Eerskomende Sondag (27 Februarie) gaan ons in die prediking kyk na die baie bekende voetewas verhaal.
Wat het regtig daardie aand gebeur? Waarom het die Here Jesus dit gedoen?
Stel jou voor dat jy Petrus is en jy sit en kyk hoe Jesus jou vriende se voete was, terwyl Hy al hoe nader aan jóú kom. Soos Petrus sal jy dalk ook verward wees omdat jou Leermeester besig was om soos ’n slaaf op te tree. Maar dit is juis die hele gedagte! Die Here Jesus wil ons leer wat die betekenis van sy kruisdood is, én dat ons sy voorbeeld moes volg as ons sy dissipels wil wees.
Jesus het nie die dissipels se voete gewas omdat Hy wou hê dat hulle net “gaaf” met mekaar moes wees nie. O nee, sy belangrikste oogmerk daarmee was dat sy voorbeeld van diens op aarde voortgesit moes word wanneer Hy eers weg was. Ons moet dus volkome diensbaar aan God wees, diensbaar aan mekaar, en ook diensbaar aan veral daardie mense wat ons te na kom, daardie mense wat teen ons oortree. Deur die voetewassing wil die Here Jesus eintlik die betekenis van “net soos Jesus” aan ons verduidelik: “Soos Ek julle liefhet, moet julle mekaar ook liefhê.” (Joh. 13:34) Die Here Jesus se liefde het grensloos en enduit gestrek. En dit vra van ons ’n liefhê sonder voorbehoude wat op menslike voorkeure gegrond is.

18/02/2022

Eerskomende Sondag, 20 Februarie, gaan ons besin oor Paulus se woorde dat die gemeente die draer en beskermer is van die (W)waarheid. Vir ons is die waarheid 'n Persoon: Jesus Christus. Hyself het dit gesê (vgl. Joh. 14:6). As ons dus die draers van die (W)waarheid is, moet ons lewenswyse daarvan getuig.
En as ons die beskermers daarvan is, moet ons waak teen 'n leefwyse wat die Here se Naam deur die modder sleep. Deesdae lyk dit veel eerder of die kerk soos die wêreld verval het in 'n verbruikersmentaliteit: solank die kerk ons "bedien" is ons gelukkig. Maar is dít waarvoor die Here Jesus die kerk gestig het? Is ons nie veronderstel om, soos die die Here Jesus, te bely dat ons nie hier is om gedien te word nie, maar om te dien?

11/02/2022

Eerskomende Sondag (13 Februarie) gaan ons voort met ons prediking om méér en méér soos Jesus te wees. In die prediking gaan ons besin oor ons bereidwilligheid om in God se hande bruikbaar te wees, tot voordeel van ons gemeenskap, maar bowenal tot eer van God.
Ons Skrifgedeelte gaan oor die Here Jesus se wondergenesing van die melaatse man. Ons lees hierdie verhaal en is dan in verwondering oor die wonderwerk wat die Here Jesus gedoen het. Met reg ook, ja, maar wat was die grootse wonderwerk? Kom ons sê jy was daardie man, waarom sou jy die Here Jesus gestop het?
Wat vir my en jou dalk vanselfsprekend en alledaags is, het daardie man hy begeer: ’n eenvoudige handdruk ... ’n omhelsing ... ’n klop op sy skouer om sy aandag te trek. Sulke teer oomblikke het uit sy lewe verdwyn. O, ek kan my net indink hoe daardie man sulke terloopse aanrakings moes begeer het. Maar vir jare lank het dit nie gebeur nie. Immers, hoe kon dit? Melaatses is uit die samelewing geban ... hulle is nie op straat toegelaat nie. Selfs die rabbi’s het ’n veilige afstand gehandhaaf ... daar was geen siekebesoek nie ... geen voorbidding nie ... geen liefdevolle troos van ’n genadige God nie.
Dit was egter nie die ergste nie! O nee, erger as ál die gemis na fisieke- en liefdevolle aanrakings van familie en vriende, was daar die afwesigheid van gemeenskap met God! Ja, melaatses was destyds nie in die tempel toegelaat nie ... hulle kon God nie aanbid nie. Probeer jouself nou indink dat jy verbied word om kerk toe te kom. Ja, ons aanvaar elke Sondag dit as vanselfsprekend dat ons hier mag wees – en jy kan jou dit ook nie anders indink nie, maar wat as jy verbied sou word om te kom aanbid omdat jy een of ander siekte het? Hoe sou jy gevoel het as daar selfs vir jou gesê word dat God van jou vergeet het en dat dit wat jou oorgekom het, sy straf is?

04/02/2022

Eerskomende Sondag (6 Februarie) gaan ons in die prediking voort met ons reeks: “Méér en méér soos Jesus.” Hoe het die Here Jesus gereageer te midde van die storms van die lewe? Wel, Hy het God vertrou en aan Hom oorgee, selfs al wou Hy (Jesus) 'n ander uitkoms gehad het. Om dít reg te kry, om soos die Here Jesus God te vertrou met sy plan vir ons lewe, moet ons anders kyk na ons omstandighede, of ander gestel: ons moet bid dat God ons oë sal oopmaak om te sien dat Hy teenwoordig is, dat Hy ons beskerm en dat Hy ook voorsien. Geloofsvertroue laat ons die onsienlike sien, die ongelooflike glo en die onmoontlike beleef - aldus C.S. Lewis.

Address

15A Tenby Street South
Westdene
2092

Opening Hours

07:30 - 11:00

Website

facebook.com

Alerts

Be the first to know and let us send you an email when Hervormde Kerk, Johannesburg-Wes posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to Hervormde Kerk, Johannesburg-Wes:

Shortcuts

Address
Opening Hours
Alerts
Contact The Place Of Worship
Claim ownership or report listing

Want your place of worship to be the top-listed Place Of Worship in Westdene?