NG Weltevreden

08/09/2026

Koffie Kuiers #250 - Handelinge 28 (8 September 2026)

https://youtu.be/CXpLTFuM544

Welkom by nog 'n "Koffie-kuier" episode. Hier kuier ons as kollegas aanlyn saam met jou en 'n goeie koppie koffie terwyl ons saam gesels oor 'n Bybelboek / tema. Kom kuier saam & deel gerus die gesprek met vriende / familie. Stuur gerus ook tekste of temas waaroor jy graag wil hê ons moet verder dink / gesels na enige van die predikante ([email protected]; [email protected]; [email protected] )

08/09/2026

𝗢𝗚𝗚𝗘𝗡𝗗𝗕𝗢𝗢𝗗𝗦𝗞𝗔𝗣 I NG Weltevreden
Dinsdag 8 September 2026

“Môre gaan ek…”

Lees: Jakobus 4: 13Kom nou, julle wat sê: “Vandag of môre sal ons na dié en dié stad toe gaan en 'n jaar lank daar bly; ons sal sake doen en geld maak.” 14Julle wat nie eers weet hoe julle lewe môre sal wees nie! Julle is maar 'n damp wat 'n oomblik verskyn en sommer weer verdwyn. 15Julle moet eerder sê: “As die Here wil, sal ons lewe en sal ons dit of dat doen.” 16Maar nou is julle te seker van julleself en praat julle groot. Al sulke grootpratery is verkeerd. 17As iemand weet wat die regte ding is om te doen en hy doen dit nie, is dit sonde.

Ons almal doen dit. “Môre gaan ek dit doen.” “Volgende jaar gaan ons daardie projek aanpak.” “Oor vyf jaar wil ek daar wees.” Ons maak kalenders, begrotings, reisplanne en doelwitte. Daar is niks verkeerd daarmee nie. Trouens, verantwoordelike beplanning is deel van ’n wyse lewe. Jakobus skryf egter aan mense wat só seker van hulle eie planne geword het dat God skaars daarin voorkom. Hulle sê: “Vandag of môre sal ons na dié of daardie stad toe gaan, ’n jaar daar bly, handel dryf en geld maak.” Hulle praat asof die toekoms reeds in hulle hande is.

Jakobus herinner hulle daaraan dat hulle nie eens weet wat môre gaan gebeur nie. Ons lewe is volgens hom soos ’n damp wat vir ’n kort rukkie verskyn en dan verdwyn. Dit klink amper hard, maar dit is eintlik ’n uitnodiging tot nederigheid. Ons is mense wat met die toekoms moet leef sonder om voor te gee dat ons dit beheer. Ons kan planne maak, maar ons kan nie die uitkoms waarborg nie. Daar is siekte, ekonomiese veranderinge, mense se besluite, onverwagte geleenthede en teleurstellings wat geen kalender kan voorsien nie.

Die belangrikste woorde in hierdie gedeelte is daarom waarskynlik: “As die Here wil, sal ons lewe en sal ons dit of dat doen.” Ek onthou goed dat dit altyd deel van my Oupa se planne was, sonder om te dweep of voor te gee. Dit was net dood eenvoudig ’n belydenis. “Ek sal – DV of dan as die Here wil.” Dit beteken nie dat ’n Christen elke sin moet afsluit met “as die Here wil” as ’n soort godsdienstige formule nie. Jakobus praat oor ’n gesindheid. My planne begin met die erkenning dat my lewe aan God behoort. Ek probeer nie God by my planne inpas nie; ek plaas my planne voor Hom.

Dit verander ook hoe ons vandag leef. As ek voortdurend besig is met wat volgende week, volgende maand of volgende jaar moet gebeur, kan ek maklik die mense en geleenthede van vandag miskyk. Soms is die belangrikste ding op vandag se kalender glad nie die groot taak wat ek beplan het nie. Dit is dalk ’n gesprek met iemand wat swaar kry, ’n oproep wat ek moet maak, ’n kind wat my aandag nodig het, ’n mens wat ek moet vergewe, of eenvoudig die geleentheid om vandag getrou te wees.

Vers 17 bring dan ’n interessante draai: “Wie dan weet wat goed is om te doen en dit nie doen nie, vir hom is dit sonde.” Jakobus sê dus dat geloof ook te doen het met die goeie wat ons uitstel. Soms is ons so gefokus op die groot dinge wat ons eendag wil doen dat ons vergeet van die klein gehoorsaamheid wat vandag voor ons lê.

Groot vraag: Wie is eintlik in beheer van my kalender?

Gebed: Here, help my om verantwoordelik te beplan sonder om te vergeet dat my lewe in U hand is. Amen.
Ds. Hettie Wessels

07/09/2026

🎶 ’𝗻 𝗠𝗶𝗱𝗱𝗮𝗴 𝘃𝗮𝗻 𝗺𝘂𝘀𝗶𝗲𝗸 𝗼𝗺 𝗻𝗮 𝘂𝗶𝘁 𝘁𝗲 𝘀𝗶𝗲𝗻!🎶

Onthou 𝗦𝗮𝘁𝗲𝗿𝗱𝗮𝗴 𝟭𝟮 𝗦𝗲𝗽𝘁𝗲𝗺𝗯𝗲𝗿 𝗼𝗺 𝟭𝟰:𝟬𝟬 en kom geniet die 𝗪𝗲𝗹𝘁𝗲𝗖𝗹𝗮𝘀𝘀𝗶𝗰 𝗦𝗲𝗿𝗲𝗻𝗮𝗱𝗲.

𝗪𝗮𝘁 𝗸𝗮𝗻 𝗷𝘆 𝘃𝗲𝗿𝘄𝗮𝗴? 'n Middag van pragtige koor- en instrumentale musiek, met bekende werke – perfek vir sowel nuwelinge tot klassieke musiek as jarelange liefhebbers.

𝗞𝗮𝗮𝗿𝘁𝗷𝗶𝗲𝘀: R60 per persoon https://qkt.io/Classic26
𝗣𝗹𝗲𝗸: NG Weltevreden, Corneliusstraat 1140, Weltevredenpark

🎶 𝑵𝒐𝒐𝒊 𝒈𝒆𝒓𝒖𝒔 𝒊𝒆𝒎𝒂𝒏𝒅 𝒔𝒂𝒂𝒎 𝒆𝒏 𝒌𝒐𝒎 𝒈𝒆𝒏𝒊𝒆𝒕 ’𝒏 𝒃𝒆𝒔𝒐𝒏𝒅𝒆𝒓𝒔𝒆 𝒎𝒊𝒅𝒅𝒂𝒈 𝒗𝒂𝒏 𝒎𝒖𝒔𝒊𝒆𝒌! 🎶

07/09/2026

- 𝗚𝗘𝗕𝗘𝗗 𝗩𝗜𝗥 𝗗𝗜𝗘 𝗪𝗘𝗘𝗞 -

𝗟𝗶𝗲𝘄𝗲 𝗛𝗲𝗿𝗲

𝗜𝗻 𝗟𝘂𝗸𝗮𝘀 𝟭:𝟯𝟳 𝘀𝘁𝗮𝗮𝗻 𝗱𝗮𝗮𝗿 𝗱𝗮𝘁 𝗻𝗶𝗸𝘀 𝗼𝗻𝗺𝗼𝗼𝗻𝘁𝗹𝗶𝗸 𝗶𝘀 𝘃𝗶𝗿 𝗨 𝗻𝗶𝗲.
𝗘𝗻 𝘃𝗮𝗻𝗱𝗮𝗴 𝘄𝗶𝗹 𝗲𝗸 𝘄𝗲𝗲𝗿 𝗮𝗮𝗻 𝗱𝗮𝗮𝗿𝗱𝗶𝗲 𝗯𝗲𝗹𝗼𝗳𝘁𝗲 𝘃𝗮𝘀𝗵𝗼𝘂.
𝗘𝗸 𝗸𝗼𝗺 𝗻𝗮 𝗨 𝘁𝗼𝗲 𝗺𝗲𝘁 𝗱𝗮𝗮𝗿𝗱𝗶𝗲 𝗱𝗶𝗻𝗴𝗲 𝘄𝗮𝘁 𝘀𝘄𝗮𝗮𝗿 𝗼𝗽 𝗺𝘆 𝗵𝗮𝗿𝘁 𝗹𝗲̂. 𝗠𝗲𝘁 𝗱𝗶𝗻𝗴𝗲 𝘄𝗮𝗮𝗿𝘃𝗼𝗼𝗿 𝗲𝗸 𝗻𝗶𝗲 𝗮𝗹𝘁𝘆𝗱 𝗮𝗻𝘁𝘄𝗼𝗼𝗿𝗱𝗲 𝗵𝗲𝘁 𝗻𝗶𝗲. 𝗠𝗲𝘁 𝘀𝗶𝘁𝘂𝗮𝘀𝗶𝗲𝘀 𝘄𝗮𝘁 𝗲𝗸 𝗻𝗶𝗲 𝘀𝗲𝗹𝗳 𝗸𝗮𝗻 𝘃𝗲𝗿𝗮𝗻𝗱𝗲𝗿 𝗻𝗶𝗲 𝗲𝗻 𝗼𝘂 𝗯𝗮𝗴𝗮𝘀𝗶𝗲 𝘄𝗮𝘁 𝗲𝗸 𝗻𝗶𝗲 𝗹𝗮𝗻𝗴𝗲𝗿 𝗮𝗹𝗹𝗲𝗲𝗻 𝘄𝗶𝗹 𝗽𝗿𝗼𝗯𝗲𝗲𝗿 𝗱𝗿𝗮 𝗻𝗶𝗲.

𝗛𝗲𝗿𝗲, 𝗨 𝗸𝘆𝗸 𝘃𝗲𝗿𝗱𝗲𝗿 𝗲𝗻 𝗱𝗶𝗲𝗽𝗲𝗿 𝗮𝘀 ‘𝗻 𝗺𝗲𝗻𝘀. 𝗨 𝘀𝗶𝗲𝗻 𝗼𝗼𝗸 𝗱𝗮𝗮𝗿𝗱𝗶𝗲 𝗱𝗶𝗻𝗴𝗲 𝘄𝗮𝘁 𝗲𝗸 𝗻𝗶𝗲 𝗸𝗮𝗻 𝘀𝗶𝗲𝗻 𝗻𝗶𝗲. 𝗨 𝘄𝗲𝗲𝘁 𝘃𝗮𝗻 𝗱𝗶𝗲 𝘀𝘁𝗿𝘆𝗱 𝘄𝗮𝘁 𝗲𝗸 𝘀𝘁𝗿𝘆 𝗮𝗴𝘁𝗲𝗿 𝗱𝗶𝗲 𝘀𝗸𝗲𝗿𝗺𝘀, 𝘃𝗮𝗻 𝗱𝗶𝗲 𝘃𝗿𝗲𝘀𝗲 𝘄𝗮𝗮𝗿𝗼𝗼𝗿 𝗲𝗸 𝗻𝗶𝗲 𝗮𝗹𝘁𝘆𝗱 𝗽𝗿𝗮𝗮𝘁 𝗻𝗶𝗲 𝗲𝗻 𝘃𝗮𝗻 𝗱𝗶𝗲 𝘃𝗿𝗮𝗲 𝘄𝗮𝘁 𝗻𝗼𝗴 𝗻𝗶𝗲 𝗯𝗲𝗮𝗻𝘁𝘄𝗼𝗼𝗿𝗱 𝗶𝘀 𝗻𝗶𝗲.
𝗠𝗮𝗮𝗿 𝗛𝗲𝗿𝗲, 𝗲𝗸 𝗴𝗹𝗼 𝗱𝗮𝘁 𝗨 𝗴𝗿𝗼𝘁𝗲𝗿 𝗶𝘀 𝗮𝘀 𝗮𝗹 𝗵𝗶𝗲𝗿𝗱𝗶𝗲 𝗱𝗶𝗻𝗴𝗲.
𝗪𝗮𝗮𝗿 𝗲𝗸 𝗻𝗲𝘁 ’𝗻 𝘁𝗼𝗲 𝗱𝗲𝘂𝗿 𝘀𝗶𝗲𝗻, 𝘀𝗶𝗲𝗻 𝗨 ’𝗻 𝗽𝗮𝗱 𝘃𝗼𝗿𝗲𝗻𝘁𝗼𝗲. 𝗪𝗮𝗮𝗿 𝗲𝗸 𝗱𝗶𝗻𝗸 𝗶𝗲𝘁𝘀 𝗶𝘀 𝘃𝗲𝗿𝗯𝘆, 𝗸𝗮𝗻 𝗨 𝘀𝘁𝗲𝗲𝗱𝘀 ’𝗻 𝗻𝘂𝘄𝗲 𝗯𝗲𝗴𝗶𝗻 𝗴𝗲𝗲. 𝗪𝗮𝗮𝗿 𝗱𝗮𝗮𝗿 𝗱𝗼𝗻𝗸𝗲𝗿𝘁𝗲 𝗶𝘀, 𝗸𝗮𝗻 𝗨 𝘄𝗲𝗲𝗿 𝗹𝗶𝗴 𝗯𝗿𝗶𝗻𝗴. 𝗪𝗮𝗮𝗿 𝗱𝗮𝗮𝗿 𝗻𝗲𝘁 𝘀𝘁𝗶𝗹𝘁𝗲 𝗶𝘀, 𝗸𝗮𝗻 𝗨 𝘄𝗲𝗲𝗿 𝗵𝗼𝗼𝗽 𝗹𝗮𝗮𝘁 𝗽𝗿𝗮𝗮𝘁 𝗶𝗻 𝗺𝘆.

𝗗𝗮𝗮𝗿𝗼𝗺 𝗸𝗶𝗲𝘀 𝗲𝗸 𝘃𝗮𝗻𝗱𝗮𝗴 𝗼𝗺 𝗺𝘆 “𝗼𝗻𝗺𝗼𝗼𝗻𝘁𝗹𝗶𝗸𝗲” 𝘃𝗶𝗿 𝗨 𝘁𝗲 𝗴𝗲𝗲.
𝗘𝗸 𝘄𝗲𝗲𝘁 𝗻𝗶𝗲 𝗵𝗼𝗲 𝗨 𝗴𝗮𝗮𝗻 𝘄𝗲𝗿𝗸 𝗻𝗶𝗲 𝗛𝗲𝗿𝗲, 𝗲𝗻 𝗲𝗸 𝘄𝗶𝗹 𝗼𝗼𝗸 𝗻𝗶𝗲 𝘃𝗶𝗿 𝗨 𝘃𝗼𝗼𝗿𝘀𝗸𝗿𝘆𝗳 𝘄𝗮𝘁 𝗱𝗶𝗲 𝗮𝗻𝘁𝘄𝗼𝗼𝗿𝗱 𝗺𝗼𝗲𝘁 𝘄𝗲𝗲𝘀 𝗻𝗶𝗲. 𝗔𝗹 𝘄𝗮𝘁 𝗲𝗸 𝘃𝗿𝗮 𝗶𝘀: 𝘄𝗲𝗲𝘀 𝗻𝗲𝘁 𝗵𝗶𝗲𝗿 𝗯𝘆 𝗺𝘆.

𝗪𝗲𝗿𝗸 𝗸𝗿𝗮𝗴𝘁𝗶𝗴 𝘄𝗮𝗮𝗿 𝗺𝘆 𝗮𝗿𝗺𝘀 𝘁𝗲 𝗸𝗼𝗿𝘁 𝗶𝘀. 𝗩𝗲𝗿𝗮𝗻𝗱𝗲𝗿 𝘄𝗮𝘁 𝘃𝗲𝗿𝗮𝗻𝗱𝗲𝗿 𝗺𝗼𝗲𝘁 𝘄𝗼𝗿𝗱, 𝗲𝗻 𝗴𝗲𝗲 𝗺𝘆 𝗱𝗶𝗲 𝗸𝗿𝗮𝗴 𝗼𝗺 𝘁𝗲 𝗮𝗮𝗻𝘃𝗮𝗮𝗿 𝘄𝗮𝘁 𝗲𝗸 𝗻𝗶𝗲 𝘀𝗲𝗹𝗳 𝗸𝗮𝗻 𝗯𝗲𝗵𝗲𝗲𝗿 𝗻𝗶𝗲.
𝗛𝗲𝗿𝗲 𝗝𝗲𝘀𝘂𝘀, 𝗨 𝗶𝘀 𝗞𝗼𝗻𝗶𝗻𝗴. 𝗚𝗲𝗲𝗻 𝘃𝗿𝗲𝗲𝘀, 𝗴𝗲𝗲𝗻 𝗱𝗼𝗻𝗸𝗲𝗿𝘁𝗲 𝗲𝗻 𝗴𝗲𝗲𝗻 𝗼𝗺𝘀𝘁𝗮𝗻𝗱𝗶𝗴𝗵𝗲𝗱𝗲 𝗵𝗲𝘁 𝗱𝗶𝗲 𝗹𝗮𝗮𝘀𝘁𝗲 𝘄𝗼𝗼𝗿𝗱 𝗻𝗶𝗲.

𝗡𝗲𝘁 𝗨 𝗵𝗲𝘁.
𝗘𝗻 𝗱𝗮𝗮𝗿𝗼𝗺 𝗸𝗶𝗲𝘀 𝗲𝗸 𝘃𝗮𝗻𝗱𝗮𝗴 𝗼𝗺 𝗨 𝘄𝗲𝗲𝗿 𝘁𝗲 𝘃𝗲𝗿𝘁𝗿𝗼𝘂

𝗔𝗺𝗲𝗻.

(Neil du Plessis)

07/09/2026

𝗢𝗚𝗚𝗘𝗡𝗗𝗕𝗢𝗢𝗗𝗦𝗞𝗔𝗣 I NG Weltevreden
Maandag 7 September 2026

𝗠𝗼𝗲𝗻𝗶𝗲 𝗚𝗼𝗱 𝘀𝗲 𝗽𝗹𝗲𝗸 𝗶𝗻𝗻𝗲𝗲𝗺 𝗻𝗶𝗲

Lees: Jakobus 4:11–12

Jakobus raak vandag baie prakties oor iets wat ons almal ken, om oor ander mense te praat en hulle te beoordeel. Kortom – skinder.

Hy sê: “Moenie van mekaar kwaad praat nie.” Dit is meer as om bloot ’n mening te hê. Dit gaan oor woorde wat iemand se naam, karakter of reputasie afbreek. En dit is nogal maklik. Ons hoef nie eers kwaad te wees vir iemand om hom te oordeel nie. Soms gebeur dit sommer in ’n gewone gesprek: “Ek kan jou vertel hoe hy regtig is…” Of: “Ek ken haar soort mense…” Ons maak ’n vinnige gevolgtrekking oor iemand se keuses sonder om die hele verhaal te ken.

Die probleem is dat ons gewoonlik net ’n klein stukkie van die storie ken. Ons sien iemand se reaksie, maar ons weet nie altyd wat daardie persoon daartoe gebring het nie. Ons sien die fout, maar ons ken nie die worsteling daaragter nie. Ons hoor wat iemand gesê het, maar ons weet nie altyd wat hulle bedoel het nie. Jakobus sê dan iets nogal sterk: “Daar is maar een Wetgewer en Regter.”

Met ander woorde, daar is ’n plek wat ons kan inneem wat nie aan ons behoort nie. Ons kan onsself maklik aanstel as regter van ander mense se lewens. Dit beteken nie dat ons nooit mag onderskei tussen reg en verkeerd nie. Die Bybel roep ons immers om wysheid te hê, onreg raak te sien en mekaar soms liefdevol aan te spreek. Jakobus se probleem is die houding waarin ons onsself bo iemand anders plaas en oor hulle lewe uitspraak lewer asof ons die volle prentjie ken.

En hier raak dit persoonlik. Hoekom is dit so maklik om iemand anders se lewe te beoordeel? Miskien omdat dit ons eie lewe vir ’n oomblik beter laat lyk. As ek iemand anders se foute uitwys, hoef ek minder aandag aan my eie te gee. As ek iemand anders se swakhede bespreek, voel ek dalk ’n bietjie sterker oor myself.

Jakobus herinner ons vandag. God het nie vir jou die stoel van die Regter gegee nie. Jy mag liefhê. Jy mag bid. Jy mag grense stel. Jy mag waarheid praat. Jy mag soms aanspreek, maar uiteindelik behoort die oordeel aan God.

Gebed: Here, U ken die hele verhaal van elke mens. Bewaar my daarvan om mense te vinnig te beoordeel of oor hulle te praat asof ek alles weet. Gee my wysheid om waarheid van oordeel te onderskei, en liefde om mense met genade te behandel. Help my om my eie hart eerlik voor U te ondersoek. Amen.

Ds. Hettie Wessels

06/09/2026

𝗗𝗢𝗢𝗣: 𝗦𝗼𝗻𝗱𝗮𝗴 𝟲 𝗦𝗲𝗽𝘁𝗲𝗺𝗯𝗲𝗿 𝟮𝟬𝟮𝟲

Ons verwelkom graag vir 𝗘𝗺𝗿𝗶𝗰𝗵 𝗞𝗿𝗶𝗲𝗹, 𝗫𝗮𝘃𝗶𝗲𝗿 𝗘𝗿𝗶𝗸 𝗟𝗲𝘁𝘀𝗼𝗮𝗹𝗼 𝗲𝗻 𝗟𝘂𝗱𝗼 𝘃𝗮𝗻 𝗱𝗲𝗿 𝗪𝗮𝗹𝘁 in ons geloofsgemeenskap. Dit was ’n besondere voorreg om saam met hulle ouers en families die doop van hierdie kinders te vier.

Mag hulle grootword in die wete dat hulle deel is van God se familie en altyd welkom is in ons gemeente. Baie geluk aan elke gesin! Ons bid God se seën oor hulle lewe.

06/09/2026

As die elektriese klok stukkend is maak ons 'n plan. Ons jongste Erediens diaken (koster in opleiding) sit bietjie handjie by.

06/09/2026

"Kan jy sien?" - 6 September 2026 (Hettie Wessels || NG Weltevreden)

https://youtube.com/live/n5QmTZi_Xnw

Baie welkom by vandag se erediens saam met Ds Hettie Wessels.
Mag die tyd saam rondom God se Woord ons help om met nuwe verwondering na te dink oor Sy plan met ons lewens, Sy liefde vir ons elkeen en ons seën met nuwe visie & hoop.

VOLG ONS:
- Facebook: https://www.facebook.com/ngweltevreden
- Instagram:
- Webwerf: https://ngweltevreden.co.za/
- Whatsapp Groep: http://bit.ly/2gyPYJu
- Weltenuus: weeklikse E-nuusbrief bit.ly/2gyPZgw

OFFERGAWES:
NG Weltevreden
ABSA
Takkode: 334705
Rekeningnommer: 0730 580 460
Verwysing: Offergawes
SWIFT-kode: ABSA ZA JJ
Vir kaart-transaksies:
https://pay.yoco.com/ng-weltevredenpark
SnapScan Click-To-Pay
https://pos.snapscan.io/qr/STB3B0A7
Indien jy graag by NG Weltevreden wil aansluit as lidmaat, stuur asb 'n epos na [email protected]

Baie welkom by vandag se erediens saam met Ds Hettie Wessels.Mag d...

06/09/2026

"Jesus nooi alle mense" - 6 September 2026 (Henri Pretorius || NG Weltevreden)

https://youtu.be/d7nqi72TuOQ

Baie welkom aan al ons KiX-kerk maats! Geniet vandag se erediens spesiaal vir al ons laerskool maats.

VOLG ONS:
Facebook: / ngweltevreden
Instagram:
Webwerf: https://ngweltevreden.co.za/
Whatsapp Groep: http://bit.ly/2gyPYJu
Weltenuus: weeklikse E-nuusbrief bit.ly/2gyPZgw

OFFERGAWES:
NG Weltevreden ABSA Takkode: 334705
Rekeningnommer: 0730 580 460
Verwysing: Offergawes
SWIFT-kode: ABSA ZA JJ
Vir kaart-transaksies: https://pay.yoco.com/ng-weltevredenpark
SnapScan Click-To-Pay https://pos.snapscan.io/qr/STB3B0A7

Indien jy graag 'n lidmaat van NG Weltevreden wil word, kontak ons gerus by [email protected].

06/09/2026

𝗢𝗚𝗚𝗘𝗡𝗗𝗕𝗢𝗢𝗗𝗦𝗞𝗔𝗣 I NG Weltevreden
Sondag 6 September 2026

𝗞𝗼𝗺 𝗻𝗮𝗱𝗲𝗿 𝗮𝗮𝗻 𝗚𝗼𝗱

Lees: Jakobus 4:6–10

Hierdie gedeelte van Jakobus is amper soos ’n uitnodiging om huis toe te kom. Nadat hy so reguit met ons oor selfsugtigheid, begeertes en konflik gepraat het, sê hy: “Nader tot God, en Hy sal tot julle nader.” Dit is so mooi gestel. Wanneer ons besef dat ons harte deur verkeerde begeertes of selfsug beheer word, hoef ons nie van God af weg te hardloop nie. Ons kan juis nader kom.

Jakobus begin met ’n belangrike waarheid: “God weerstaan hoogmoediges, maar aan nederiges gee Hy genade.” Nederigheid beteken hier nie om sleg of minder van jouself te dink nie. Dit beteken om eerlik voor God te staan en op te hou voorgee dat jy alles self kan beheer.

Daarom volg die oproep: “Onderwerp julle dan aan God.” Dit klink dalk swaar, maar dit is eintlik bevrydend. Om jou aan God te onderwerp beteken om te erken, "Here, U is God en ek is nie." Ek hoef nie my lewe self te bestuur nie. God wil nie spreekwoordelik saam ry nie, Hy moet in die bestuursitplek sit. Dan gebruik Jakobus ’n hele reeks werkwoorde: onderwerp julle, weerstaan, nader, reinig, suiwer, treur, huil, verneder julle. Dit laat bekering baie prakties klink. Bekering is nie net om jammer te sê wanneer ons iets verkeerd gedoen het nie. Dit is om van rigting te verander.

Soms lyk dit baie eenvoudig. Jy besef jy het iemand seergemaak en gaan vra om verskoning. Jy besef jy leef met ’n wrok en besluit om met God daaroor te praat sodat jy dit kan laat gaan. Jy besef jou behoefte aan beheer maak jou ongelukkig en begin leer om ligter te leef. Jy besef jou prioriteite het skeefgetrek en maak weer plek vir gebed, die Woord en mense. Dit is hoe bekering hande en voete kry.

En dan kom die belofte wat alles dra: “Verneder julle voor die Here, en Hy sal julle verhoog.” Die fokus val uiteindelik op God se genade. Ons kom na Hom toe met ons gemors, ons selfsug, ons verkeerde keuses en ons onvervulde begeertes en ontdek dat sy genade groter is as ons pogings om onsself reg te maak.

Miskien dink jy vandag jy moet eers jouself uitsorteer voordat jy nader aan God kan kom.

Jakobus sê kom soos jy is. Kom met die vraag. Kom met die skuld. Kom met die woede. Kom met die ding waarmee jy al lank sukkel. Kom met die begeerte wat jy nie kan loslaat nie. Nader tot God.
Gebed: Here, ek kom vandag na U toe soos ek is. Ek bring my trots, my bekommernisse, my verkeerde begeertes en die dinge wat ek probeer beheer. Leer my om myself volkome aan U oor te gee. Amen.

Ds. Hettie Wessels