NG Viljoenskroon

17/11/2025

10/11/2025

GIGS-afsluiting: Gister was ons Gigs-afsluiting en prysuitdeling saam met Oom Karoolus en Lente. Na afloop van die diens kon die kinders heerlike roomys in die kerksaal geniet terwyl hulle foto's by die fotohoekie geneem het.

10/11/2025

Tekkiekamp - Esperanza. God het lewens aangeraak en groot dinge onder ons kinders gedoen saam met Erich Posthumus en sy span. Alle eer aan God vir veranderde lewens.

25/08/2025

☕☕☕KOFFIEKROEG☕☕☕
Ons nooi graag alle Graad 7-12 leerders (wat steeds in die skool is) om Vrydagaande om 18:00 by ons koffiekroeg in te skakel. Ouers, stuur asseblief julle kinders om hierdie geleenthede by te woon. Ons wil die koffiekroeg graag gebruik om krag en beweging aan die bediening onder die hoërskool se jeug te gee.

26/05/2025

🥳OPPISTOEP FEES
⏰Saterdag 7 Junie - 08:00
📍 Viljoenskroon Golfklub

⛳️ Prettige golfdag met 'n verskil
🏃‍♀️ Colour Run - R30 per inskrywing
☕ Koffiewinkel
🎹 Musiek en vermaak

🍽 Stalletjies met braaivleis, pap en kaiings, afval, sop en roosterkoek, kerrie en rys, poedings, koeke, terte en koeldrank

📞 Meer inligting by die kerkkantoor - 056 343 2004

02/05/2025

Lynette Beer - Seeds of Inspiration is 'n verhoudingskenner, skrywer en motiveringspreker wat lewensveranderende praktiese raad en aanlynhulpmiddels bied, sodat jy die beste weergawe van jouself kan word.

Jy en jou gesin is uitgenooi na 'n naweek van sielskos opgedis deur die baie bekende motiveringspreker en dominee.

Doen die moeite om na haar te kom luister, saam te kuier en geestelik saam te groei op Vrydagaand, 9 Mei om 19:00 en Saterdagoggend, 10 Mei om 9:00 by die NG Kerk Viljoenskroon. Die twee geleenthede (Vrydagaand en Saterdagoggend) kos R200 per persoon vir die twee dae en sluit n ligte ete in.

Almal het hierdie Geestelike inspuiting nodig.

Kaartjies kan by die kerkkantoor bespreek word.
Kontaknommer: 056 343 2004
Kantoorure: 8:00-12:45

28/02/2025

Brief aan die ouers wat hul klein kinders kerk toe bring...

N brief aan die ouers wat hul klein kinders kerk toe bring

Jy sit by die kerk, en jou baba of kleuter is onrustig. Miskien raak hulle bietjie raserig. Jy probeer hulle stil kry – niks werk nie. Jy gee hulle n ou lekkertjie of speelgoed – nog steeds niks. Uiteindelik doen jy die ding wat jy regtig nie wou nie: jy tel hulle op en stap met ’n rooi gesig uit die kerk uit, terwyl jy voel almal kyk vir jou. Jy voel dalk verleë, skaam of selfs gefrustreerd.
Jy d**k miskien: “Wat’s die punt om kerk toe te kom? Ek kry niks uit die diens nie, want ek moet heeltyd my kind dophou.”

Ek wil hê jy moet weet: Jy beteken meer as wat jy d**k. Daardie ou tannie wat dikwels alleen is, sien jou met jou woelige kleinding en glimlag. Sy onthou hoe dit was toe haar kinders klein was. Daardie geluide bring vir haar kosbare herinneringe terug.
En die ou oom wat altyd nors lyk? Hy sien jou ook. Hy praat dalk oor hoe die wêreld verander het en kinders nie meer respek het nie, maar elke Sondag sien hy jou en jou gesin daar. Dit gee hom hoop. Hy sien jong ouers wat steeds kerk toe kom, al is dit soms uitdagend.

Hou aan om jou kinders kerk toe te bring!
As ons nie kinders se geluide ini kerk hoor nie, beteken dit die kerk raak stil en leeg. Al voel jy soms moeg en moedeloos, hou aan. Jy is besig om ‘n impak te maak, en jy lê die fondasie vir jou kinders se geloof.

En vir die ouers wat al deur hierdie fase is – los asseblief ‘n bemoedigende woord vir die jong ouers hier onder!