Upington Lighuis Jeug en Jong volwassenes

21/07/2026

Goeie more almal.

Ons wil hartlik uitnooi om gerus ons Kerk se nuwe Youtube Music skakel te besoek waar ons stelselmatig nuwe liedjies aan die Gemeente wil bekend stel. Dit is 'n pragtige platform om ons harte te help belyn met dit wat die Here doen in ons volgende seisoen.

Gaan luister gerus &

Listen to VEK LIGHUIS on YouTube Music - a dedicated music app with official songs, music videos, remixes, covers, and more.

18/07/2026

https://youtube.com/live/jEEDWyXfQ4o?feature=share

Enjoy the videos and music you love, upload original content, and share it all with friends, family, and the world on YouTube.

01/06/2026

Goeie more en baie welkom by hierdie week se ✨ !

Kom ons leef hierdie week met 'n diepe bewustheid van die teenwoordigheid van die Heilige Gees in ons lewens. 🕊️✨

📖 Lukas 3:22 "En die Heilige Gees het in liggaamlike gedaante soos 'n duif op Hom neergedaal; en 'n stem het uit die hemel gekom wat sê: U is my geliefde Seun; in U het Ek 'n welbehae."

🕊️ Mag ons hierdie week so bewus wees van die Heilige Gees se teenwoordigheid dat dit ons woorde, gedagtes, besluite en optrede sal beïnvloed. Mag ons lewens getuig van Sy liefde, leiding en krag, sodat die mense rondom ons iets van Jesus in ons kan sien. ✨❤️

🙏🏻 Ek bid dat elkeen van julle 'n wonderlike, vrugbare en geseënde week sal hê. Mag die Here julle beskerm, versterk en met Sy vrede vul.

Seëninge vir elkeen! 🙏🏻🕊️

19/05/2026

Gisteraand het ons Ps. Biancha se getuienis gehoor en nog meer deurbraak in mense se harte gesien; ’n herinnering dat God enige iemand kan gebruik 🙌

Sluit vanaand by ons aan vir ’n kragtige aand van aanbidding, hoop en genesing waar Ps. Stephen & Ps. Biancha spesiaal vir siekes en mense wat ’n wonderwerk van God nodig het sal bid, en kom ervaar self hoe God harte aanraak en lewens verander!

⏱️18:30
📍9 Jan de Klerk Straat, Oosterville, Upington

Kan jy nie daar wees nie? Skakel gerus in op ons livestream en wees deel van wat God doen, waar jy ook al is.
👉 Nooi iemand saam wat ’n aanraking van God nodig het.

18/05/2026

PINKSTER 2026 • Vanaand 18:30

Na ’n kragtige aand gister, sien ons uit na vanaand se livestream met Ps. Biancha Hockey se getuienis 🙌
God beweeg deur elke boodskap, elke getuienis en elke lewe wat aan Hom oorgegee word.

⏱️18:30
📍9 Jan de Klerk Straat, Oosterville, Upington

Kan jy nie daar wees nie? Skakel gerus in op ons livestream en wees deel van wat God doen, waar jy ook al is.
👉 Nooi iemand saam; ons sien uit daarna om jou te sien.

18/05/2026

Goeie more en baie welkom by hierdie week se ✨ .

Mag hierdie nuwe week vir elkeen vol vrede, genade en nuwe krag wees🙏🏻

Ek wil julle hierdie week uitdaag.
Kom ons gaan sit weer net rustig by die Here se voete. Kom ons neem Sy teenwoordigheid in, luister na Sy stem en laat Hom weer ons harte en lewens aanraak.

Wanneer ons tyd saam met die Here spandeer, verander Hy ons van binne af. Hy bring rus vir die moeg hart, hoop vir die ontmoedigde en nuwe krag vir elke dag.

“By die voete van Jesus is waar ons weer krag, vrede en rigting vind.”🙌🏻

Ek bid dat julle week geseënd sal wees.
Seëninge vir elkeen🙏🏻

21/04/2026

Ons het die voorreg gehad om saam met Hoërskool Duineveld die Stasies van die Kruis te bedien ✝️

Ons hart en missie bly dieselfde: om die jeug na Jesus te lei en hulle te help om Hom persoonlik te ontmoet.

Dankbaar vir elke geleentheid om sade van geloof te saai in die volgende generasie.

20/04/2026

Goeie more en baie welkom by die week se .

Net soos die koue begin inskop, beleef ons ook soms koue seisoene in ons geloof, tye waar ons ver voel, moeg raak of onseker is.

Hou aan druk. Hou aan bid. Hou aan glo. 💪
Die vuur van Jesus binne jou het nie uitgegaan nie dit wag net om weer aangeblaas te word. 🔥

📖 Romeine 12:11 wees nie traag in die ywer nie; wees vurig van gees; dien die Here