NG Kerk Uitenhage-Oos

04/09/2026

Iets van alles vir jonk en oud by môre se Wit olifante tafel...

02/09/2026

'n Hele klompie verskeidenheid musiek kasette ("tapes") beskikbaar by Sat se basaar, as iemand belang stel. Gratis/verniet/mahala.

02/09/2026

𝗝𝘆 𝘄𝗲𝗲𝘁 𝗻𝗶𝗲 𝗵𝗼𝗲𝘃𝗲𝗲𝗹 𝘁𝘆𝗱 𝗷𝘆 𝗻𝗼𝗴 𝗵𝗲𝘁 𝗻𝗶𝗲

Ons praat maklik van “later” asof dit aan ons belowe is.

Later sal ek gaan kuier. Later sal ek jammer sê. Later sal ek meer tyd maak vir die mense wat vir my belangrik is.

Maar niemand van ons weet hoeveel “laters” daar nog oor is nie.

Dit klink dalk somber, maar eintlik is dit ’n uitnodiging om meer bewustelik te leef.

Moenie die goeie woorde terughou nie. Moenie ’n ou rusie belangriker maak as ’n verhouding nie. En moenie wag vir ’n spesiale geleentheid om vir iemand te wys dat hulle vir jou saak maak nie.

God gee ons nie môre vooruit nie. Hy gee ons vandag.

Gebruik dit.

Bel die mens. Maak vrede. Sê dankie. Sê ek is lief vir jou.

𝗪𝗮𝗻𝘁 𝗲𝗲𝗻𝗱𝗮𝗴 𝘀𝗮𝗹 𝗷𝘆 𝗲𝗻𝗶𝗴𝗶𝗲𝘁𝘀 𝗴𝗲𝗲 𝘃𝗶𝗿 𝗻𝗼𝗴 𝗲𝗲𝗻 𝗴𝗲𝘄𝗼𝗻𝗲 𝗱𝗮𝗴 𝘀𝗮𝗮𝗺 𝗺𝗲𝘁 𝗶𝗲𝗺𝗮𝗻𝗱 𝘄𝗮𝘁 𝘃𝗮𝗻𝗱𝗮𝗴 𝗻𝗼𝗴 𝗵𝗶𝗲𝗿 𝗶𝘀.

31/08/2026

Wanneer jy bietjie stilstaan en d**k, besef jy dat die meeste van ons probleme nie sommer net uit die bloute kom nie. Dit begin amper altyd by ’n besluit. ‘n Besluit wat ons geneem het, ‘n besluit wat ons probeer ontduik, of ’n grens wat ons net nie wil stel nie. Al is dit dalk ’n bitter pil om te sluk, moet ons erken dat dit die reine waarheid is.
Almal het geweet wat dat dit die Antarktiese ontdekkingsreisiger, Robert Scott se doel was om die eerste persoon te wees om die Suidpool te bereik. Maar ons weet almal ambisie alleen waarborg nie sukses nie. Scott het goeie raad geïgnoreer, beter maniere van vervoer van die hand gewys, sy sleë oorlaai en sy manne harder laat werk as wat slim was.
Hulle het wel uiteindelik by die Suidpool aangekom, net om uit te vind dat ‘n geselskap uit Noorweë hulle reeds voorgespring het. En op pad terug het elkeen van hierdie manne in die ongenadige sneeu en koue gesterf. Verkeerde besluite; geen grense; hardkoppigheid en geen verantwoordelike beplanning nie, het gelei tot die uiteindelike prys wat hulle betaal het: hulle lewens.
Dit klink dalk baie dramaties, maar dit is ’n leersame les oor sommige van die verkeerde besluite wat ek en jy ook al langs die pad geneem het.
Jakobus 1:5 sê: As een van julle wysheid kortkom, moet hy dit van God bid, en Hy sal dit aan hom gee, want God gee aan almal sonder voorbehoud en sonder verwyt.
Die feit van die saak is: jou besluite máák saak, jou grense máák saak, en die keuses wat jy probeer ontduik – maak die heel meeste saak. Maar die goeie nuus is dat jy nie aan jouself oorgelaat is nie. God staan nie op ’n afstand en skud net sy kop nie. In plaas daarvan leun Hy juis nader en gee vir jou die nodige wysheid, krag en moed om anders te kies.

So vandag vra ek jou: wat is die een besluit wat jy al die hele tyd uitstel, of die een grens wat jy te bang is om te stel? Neem dit vandag na God toe. Want met sý wysheid hoef jou toekoms glad nie soos jou verlede te lyk nie.

As een van julle wysheid kortkom, moet hy dit net van God bid.

Want dit is Sy Woord. Vars … vir jou … vandag.

24/08/2026

24/08/2026

Eendag gaan ons besef
dat die lewe nooit oor die groot goed gegaan het nie.

Dit was die koffie in die oggend.
Die lag in die kombuis.
’n Kind se arms om jou nek.
’n Hond wat wag by die deur.
’n Liedjie wat jou vir ’n oomblik terugvat
na ’n tyd toe alles nog eenvoudig gevoel het.

Ons jaag so baie na môre
dat ons vergeet om vandag raak te sien.

Want die waarheid is…
ons kry nie een van hierdie dae terug nie.

So sê vandag vir iemand jy is lief vir hom.
Hou jou kind ’n bietjie langer vas.
Bel jou ma of pa.
Gaan sit langs jou vrou.
Lag harder.
Kyk op wanneer die son sak.

Want later, wanneer die huis stil geword het
en die mense wat jy liefhet nie meer daar is nie,
sal jy besef…

Die grootste rykdom wat jy ooit gehad het,
was nie wat jy besit het nie.

Dit was die mense
wat saam met jou deur die lewe gestap het.

En miskien is dit al wat die lewe eintlik van ons vra:

Moenie so besig wees om te oorleef,
dat jy vergeet om te leef nie.

23/08/2026

Sluit aan by vanoggend se Boodskap.

21/08/2026

Soms is dit nie ons omstandighede wat moet verander nie, maar die manier waarop ons ons tyd gebruik.

Ons dae raak vol. Ons jaag van een ding na die volgende, en sonder dat ons dit agterkom, raak ons aanbidding stiller, ons gebedslewe dunner en die swaard van die Gees, God se Woord, begin stof vergader. Dan wonder ons waarom ons so maklik moed verloor wanneer die reuse voor ons staan.

Dawid het nie eers voor Goliat geleer om God te vertrou nie. Lank voor die slagveld was daar die stil ure in die veld, net Dawid, sy skape en God. Daar het hy geleer om te aanbid. Daar het hy geleer om te luister. Daar het hy geleer Wie sy ware Bron van krag is.

Miskien het ons ook weer daardie stil plek nodig.

Nie nóg geraas nie. Nie nóg raad nie. Nie nóg iets om ons aandag besig te hou nie. Net tyd alleen met God.

Word stil voor Hom. Maak jou hart rustig. Maak jou Bybel oop. Luister. Bid. Aanbid. Laat God weer die plekke in jou siel aanraak wat deur die gejaag van die lewe verwaarloos geraak het. Want in die stilte doen God dikwels Sy diepste werk.

En wie weet? Dalk staan jy anders van jou knieë af op as wat jy neergekniel het, met nuwe moed, nuwe aanbidding en ’n geloof wat weer onthou dat geen reus groter is as die God wat saam met jou die slagveld instap nie.

“Wees stil en weet Ek is God.” Psalm 46:11