30/09/2022
Ons stal uit en doen drie aanbiedings more, 1 Oktober 2022 by Pieterburg SDA Gemeemte.
Die program vir die dag sal soos volg wees:
09:30 – Israel en die Heiligdom
Die heel eerste keer wat daar ‘n Heiligdom gebou was, was toe Israel uit Egipte na die Beloofte Land getrek het. Ons volg die Israeliete en vind meer uit oor hoe die Heiligdom aan Israel gegee was. Ons leer oor hoe Israel se verlossing ‘n skadu was van die groter verlossings plan wat later in Jesus vervul sou word.
11:00 – Jesus en die Heiligdom
Wie is Jesus? Waar was Hy toe die aarde geskape was? En hoekom moes Hy na die aarde toe kom as ‘n baba? Ons gaan in hierdie studie kyk na Jesus se aardse bediening en hoe Jesus die Heiligdom se offerstelsel kom vervul het.
14:00 – Die Christen en die Heiligdom
Hoewel die aardse Heiligdom sy doel gedien het, is daar ‘n beter een. Ons word deur die apostel Petrus vermaan om in Jesus se voetspore te volg. Ons gaan in hierdie studie saam kyk na die Hemelse Heiligdom en hoe ons dit geestelik kan betree.
