Baptist Xhosa Hymns

Baptist Xhosa Hymns Christ is the king

22/11/2020

Hymn 208
1. Khangelani nal'usizi
Oluphay'emnqamlezweni!
Izandla nenyawo zakhe
Zibethelelw`emnqamlezweni!

Ko:Nal'usizi olulodwa
Nanz'iintlungu ezizodwa!
Wafa ngani lomsindisi!
Wasifela thina boni!

2. Nas' isithsab' ebunzini!
Isithsaba sinameva
Nang' umhlana omivumbo!
Nal'inxeba ecaleni

3. Nal'igazi elilodwa
Liwe phantsiemhlabeni
Elogazi lamagazi!
Lisisizi esisodwa

4. Elo gazi lisisizi,
Sosindiswa ngalo sonke!
Sakukholwa keelodini.
Elenzelwe thina Sonke

5. Nants: eka Thixo imvana,
Eyasithwalel' izono!
Yiyo eka Thix' imvana,
Esus' izono elizweni!

6. Boni nonke nithini Na
Ngezontlungu ezingaka
Ezaviwa ngumsindisi?
Anizikhathalele Na.

7. Sondelani,nizincame
Kumsindisi wab' aboni
Wonamnkels,nixolelwe
Az' anenz' usapho lwakhe.

Amen
J.M Mgole

15/11/2020

Hymn 207

1. Mamelani Elo c**o
Esibhakabhakeni!
Iingelosi ziyavuya
Umsindisi uzelwe!

Ko.Vukani

15/11/2020

Hymn 206

1. Hozana enyangweni;
Ndivuma ngezwi lam!!
Kunyana kaDavide,
Ozayo ngenxa yam-
Hozana undisiza,
Ebunzimeni bam;
Uyeza,akabizwa
Ongu Msindisi wam.

2. Ndovatha ezinjani
Wakutyelela k*m,
Yilungisele Wena,
Yonk' intliziyo yam
Ndiyinikele kuwe
Ongumhlanguli wam
Mayiqubude kuwe
Ngenene,Nkosi yam.

3. Ndandikhululwe nguwe;
Entolongweni yam
Seliqhawuliwe nguwe
Ikhamandela lam
Elandincamisayo
Ndalah`ubomi bam;
*Se' undivuyisile
Ekhululwe kwam. Amen
Schultheiss

18/10/2020

Hymn 205

1. Yivani nal`ilizwo,
Liphuma emafinu;
Kufike iingelosi
Zivela ezulwin'

2. Yivani,ziyavuma.
Zivuma ngok*mkani;
Zimbonga ngemigcobo,
Zixel`iindaba zakhe.

3. Ngu Yesu Lo k*mnkani
Zishumayela ngaye
Esandul`ukuzalwa
Phaya eBetelehem

4. Vuyani kengoki,boni
Nimbong` uYesu lowo
Khonzani yena yedwa,
Ngokuba enethanda. Amen
J W Appleyard

27/09/2020

Hymn 204

1. Sinesipho esikhulu
Esisiphiweyo thina;
Sisiphiwe ngu Yehova
Eso sipho esinaso.

2. Sinqabile eso Sipho
Kwabo basizuzileyo
Basithanda sona Kanye,
Phezu kweento abanazo.

3. Singamandla esisipho
Kwabo basifumeneyo
Sibubomi eso sipho
Kubo abasamnkeleyo.

4. Eso Sipho singu Yesu;
Esisiphiweyo thina;
Usisipho esikhulu,
Kubo abamfumeneyo.

5. Simbulela uYehova
Ngeso sipho esikhulu;
Simbulel' uThixo yedwa;
Ngokusiph unyana wakhe.
Amen
Tiyo Soga

27/09/2020

Hymn 203

1. Yizani,siyivume
Ingoma engeTshawe,
Namhlanje sizalelwe
uMsindisi welizwe

2. Zinkosi ke yizani,
Lomkhosi utsho kuni;
Zikhulu phaphamani,
Nibiziwe kwanani.

3. Mahlwempu ke yivani
leNkosi izengani
Milwelwe ke vukani
Le nkosi ifa ngani.

4. Namhlanje nomelele,
Kuba ke nizalelwe,
Ulitye lembombo
OnguTshawe lo xolo.

5. Uvule amatywina,
Ukhulul' amaqhina
Usityumzel' intloko
Yalenyok' engumtyholi.

6. Akanab' ubutshaba,
Akanab' ubuhlanga;
Bonke ke babiziwe
Bonke ke bamenyiwe.

7. Sibeke ke isandla
Uz' usiphefumlele,
Uz' uzisikelele,
Size singewaliseke.

8. Egameni loYise
Nakwigama lonyana,
NeloMoy,oyingcwele,
Ongumtriniti emnye. Amen
Imbongi

27/09/2020

Hymn 202

1. Umhla wokuphumla,Nkosi
Sibuye sawubona;
Indlu yakho yobungcwelwe,
Sibuye sayingena.

2. Ngena nokungena kwethu,
Sibuv' ubukho bakho;
Zithi iintliziyo zethu,
Zamnkele izwi lakho.

3. Bakho ongabanikanga
Le ntsikelelo yakho;
Bakho abayimilwelwe
Abangekhoyo apha.

4. Bona izicaka zakho,
Uzikhuthaze zonke,
Zize ziwathethe namhla
Amazwi akho onke.

5. Gxoth' ingcinga engendawo,
Inga sixakanisi;
Nenk*mbulo engendawo
Inga siphazamisi!

6. Siqondis' iintswelo zethu,
Ukuze sizibike;
Sibonis' ukona kwethu,
Nobutyhakala bethu. Amen
J A Charmers

27/09/2020

Hymn 201

1. Ufikile umhla lowo,
Yavuka ngawo inkosi
Isabele intliziyo
Vuka,uvuye,kholo lwam.

2. Isondel' inkosi kuni,
Bantu,yonisikelela;
Masigcobe,siyikhonze
Masiyive,sithandaze.

3. Vela mini eyingcwele
Sikhumbule eZiyone,
Sive khona ubumnandi;
Ze sibonge,sidumise.

4. Sakha saya,sobe siye,
Sidl' imana yeVangeli.
Side sivuyelw' ukuya
Apho kungekho kubuya. Amen

26/09/2020

Hymn 200

1. Ngumhla wokuphumla,Nkosi,
Le yimini yakho
Bayavuy' abantu bakho,
Ngale mini yakho.

2. Wakoyis' ukufa,Nkosi,
Ngak' ukufa kwakho
Waphuma ke engcwabeni
Ngale mini yakho.

3. Uvukile Wena,Ntloko
Yabo bakholwayo;
Sakuvuka nathi ngoko,
Thina bakholwayo.

4. Maliviwe izwi lakho
Ngabaninzi namhla;
Basindiswe ezonweni,
Babengcwele namhla.

5. Sibulela wena,Yesu,
Ngolothando lwakho;
Sinentsikelelo thina,
Ngoko kwenza kwakho. Amen
J Bennie

26/09/2020

Hymn 199

1. Ufikile umhla wakho,
Yesu Nkosi yokuphumla
Siyavuya siwubona,
Siziphumza ngawo sonke,

2. Sihlangene ngawo apha
Kunye nabantwana bethu,
Velis' amandla akho apha,
Uxolel' izono zethu.

3. Malihanjisw' izwi lakho,
Ngenkuthalo nenyameko;
Kudunyisw' igama lakho.
Kwandiswe inkululeko!

4. Kwimimango ngemimango
Malutike ukhanyiso;
Kumilambo ngemilambo
Malutike usindiso!

5. Bade abezizwe zonke,
Badumis' inkosi Yesu
Zide zith' iilwimi zonke,
Ziyivum' inkos' uYesu!

6. Sakha saya,sobe siye,
Sidl' imana yeVangeli,
Side sivuyelw' ukuya
Apho Kungekho kubuya. Amen

26/09/2020

Hymn 198

1. Ngulomhla wenziw' inkosi,
Ukuze siphumle ngawo!
Ngawo waba nobukhosi
Naphezu kwabantu bayi!

2. Ngulo mhla yavuka ngawo,
Kuze sigwetyelwe thina;
Yakoyis' ukufa ngawe,
Kuze sikoyise nathi,

3. Ngulomhla bavuy'abayo,
Bakubon' inkosi yabo
Yaman' ukubatyhilela,
iintandabuzo zabo!

4. Ngulo mhl' uMariya yena,
Wabaphangel'abafundi
Efika tanc' emakhaya,
Eshumayez' abafundi.

5. Ngulo mhla umoya kamva
Wehla phezu kwabafundi,
Nangale mihla yangoku
Usabawel, abafundi.

6. Yesu,ngawo lo mhla wakho
Sikelela lonk' ibandla!
Nangamandl' oMoya wakho
Lingcwalis' ibandla lakho. Amen
C W Pearce

26/09/2020

Hymn 197

1. Yisabatha yoMsindisi,
Yokuphumz' Abantu bakhe,
Sebehlangwniswe namhla
Kunye nabathunywa bakhe!

2. Vela,Nkosi,baphilise;
Abangaphil' emoyeni!
Nceda,wen' ubasindise
Abahlel' emngciphekweni!

3. Qinisa abatyhafileyo
Betyhafisw' intlalo yabo!
Bekhuthaz' abonqenayo,
Bonqenisw' imikhwa yabo!

4. Hluthis' abalambileyo,
Belambel' ubulungisa!
Seza abanxaniweyo,
Benxanelw' ubulungisa!

5. Bangcwalis' abantu bakho,
Nceda nezimili zabo!
Bangenise eZulwini,
Lwakuphel' uhambo lwabo!
Amen
C W Pearce

Address

Stutterheim

Website

Alerts

Be the first to know and let us send you an email when Baptist Xhosa Hymns posts news and promotions. Your email address will not be used for any other purpose, and you can unsubscribe at any time.

Shortcuts

Share

Category