04/05/2026
Ons is aan die gang, deur die genade van die Here. Ons kon begin.
Vanoggend het ons bedien in AGS Groeipunt, hier in Ermelo. Ons is baie goed ontvang, die Here is groot.
Ek het van Donderdagoggend af begin verkoue kry (dit is verledetyd). Saterdagaand nog papnat sakdoeke, hoes, nies ens. Ek het sommer hondsiek gevoel. Ons het gebid dat ek gesond moet word. Sondagoggend toe lyk dit of dit erger is. My neus brand en ek hoes en nies nog net so erg. Ons vertrou die Here dat ek gesond is. Selfs nog voor ek in die erediens moes begin was dit dieselfde. Toe hulle my egter voorstel en ek begin, was die siek weg. Ek het nog so een keer keel skoongemaak en toe gese ek was van Donderdag af siek, maar ons het gebid en ek het my genesing gevat. VANDAAR AF HET EK REG DEUR DIE DIENS NIE EEN KEER GEHOES, GENIES, SAKDOEK MOES GEBRUIK OF HEES GEWEES NIE. Na die tyd in die kamer was die loopneus ens terug. Nou nie meer so erg nie. Terwyl ek in die diens van die Here was in die diens, was ek gesond. Die bose se pogings om ons te probeer oortuig ons moet nie voortgaan nie, HET MISLUK! PRYS DIE HERE!
Ons begin DV vanoggend (Maandag) by die Checkers Mall.
Hou ons asb in julle gebede. Sonder Aarons en Hurre kan mens uit sy eie niks doen nie.
