30/10/2015
ONS 2 de FASE BOUPROJEK: Tans is ons besig met ons 2 de fase bouprojek, wat ons om en by R 500 000.00 gaan kos. Dit is ons visie dat die hele gebou, in bloudam Steen en aluminium vensters sal vertoon. Die Saal gedeelte waarmee ons tans besig is, sal uit twee verdiepings bestaan. Onder verdieping sal die Konsistorie, Berading en Kerk kantoor huisves. Die Saal bo, sal bestaan uit ons kombuis met Lapa eenheid, wat uitloop op hout "balcony" wat uitkyk oor die dorp. Die Saal, sal op n daaglikse basis aangewend word vir: KINDERBEDIENING - Naskoolse, Geestelike programme en binneshuise speletjies. Jeugbediening: Jeug ontwikkeling, Lewensvaardigheids, Loopbaan ontwikkeling, ekonomiese ontwikkeling, Leierskap, geestelike en Sport en Rekreasie programme. Vroue bediening: Geestelike, Lewensvaardigheids, handvaardigheids, en uitreik programme. Senior Burgers: Opvoedkundige, Lewensvaardigheids, uitreik en Rekreasie programme. Manne bediening: Lewensvaardigheids, Leierskap, Ouer verantwoordelik heids, Geestelike en Sport en rekreasie en uitreik programme. Kundige persone in die Gemeente en uit die Gemeenskap, veral afgetrede persone sal aangewend word, om ons Gemeenskap dmv die programme verder te ontwikkel! Die gebou wat regoor die Kerk gelee is, is n ideaal vir n kinder veiligheidshuis en Beradings sentrum en vertrou ons die Here, dat daai gebou binnekort ons Gemeente se eiendom sal wees! Die HOE weet ons nie, maar ons VERTROUE is in HOM aan wie die goud en die silwer behoort!