14/07/2020
Hierdie gebed is vir elke mens wat behoeftig is en wat aanraking en genesing, voorsiening en deurbraak, nodig het. Maak nie saak wat in hul lewe fout mag wees nie of hoe erg hul omstandighede lyk nie, ek wil bid vir genesing in hul liggaam, daai pyn moet gaan in Jesus naam, daai virus, sterf en daai seer opdroog.
Ons verklaar oorlog en bely dat elke siekte sal buig en plek maak vir genesing en oorwinning in Jesus naam. Ek bid vir elke verhouding, restoureer en bring harmonie en eenheid weer tussen man en vrou, kind en ouer, vriend en kollega. Wat ookal hul uitmekaar laat dryf het, bring ek in die gees en in geloof weer terug in die naam van Jesus.
Ek bind elke finansiële krisis wat die vyand oor hulle gebring het, ek bestraf elke gees van armoede nou in die naam van Jesus, ek spreek U guns oor elkeen se finansies, restoureer asseblief Here, voorsien, mag hul deurbrake ontvang in Jesus, ek bid nou vir ‘n gees van voorsiening en oorvloed in hul finansies, in hul koskaste en yskaste, vul elkeen se mandjie in Jesus naam.
Nie meer droogte nie, geen bekommernis oor skuld en armoede nie, ek spreek lewe en verklaar vryheid, vry van skuld, vry van bedel en leen in Jesus naam. Elke besigheid en bediening, Here ek bring elkeen ook na U toe en in geloof sê ek dat dit sal gebeur en sal plaasvind en sal waar word tot eer en verheeliking van God se naam.
Elke huis rusie, elke onenigheid in elke huis, kommunikasie gapings sal nou herstel word in Jesus naam, Here dat elke huis sal sê dat hulle die Here sal dien ongeag wat, en ek verklaar dit nou in Jesus se naam.
Dankie vir elke genesing, elke voorsiening, elke restourasie, elke deurbraak en elke uitleg en oorwinning, als te danke aan God se genade en liefde.
Laat U wil geskied Vader, in Jesus se naam.
Amen.
