Greydene Gemeente

20/03/2026

20/03/2026

Adres : Tweede Weg 24
Greymont

Address : 24 Second Road
Greymont

20/03/2026

Ps.112:4 ‘Selfs in die duisternis skyn die lig vir die opregtes.’ Selfs in die donkerste situasie kan dinge verander en lig skyn. Met God in my lewe kan daar altyd hoop wees. Die Here bring lig en hoop selfs in die donkerste tye. God se belofte is dat seisoene sal verander en dinge sal anders wees. As onveranderlike God kan Hy begeleiding gee.
GEBED: Here, dankie dat maak nie saak hoe donker dinge mag lyk nie, U is gereed om 'ni nuwe dagbreek te bring wat gevul is met hoop en belofte. Lei asseblief my treë, versterk my in elke uitdaging en mag u guns oor my skyn. Amen.
Dr. Christo Naude.

18/03/2026

Jes.14:24 “Die Here, Heerser oor alle magte, het 'n eed afgelê met dié woorde: “Soos Ek iets bedink, so sal dit gebeur; soos Ek beplan, kom dit tot stand:” God staan nie net ons by. Help nie net uit nie. Hy laat gebeur! Daar waar ek is met my talente en vaardighede, selfs al is dit net een laat God dit gebeur deur my, met my en vir my.
‘n Getuienis: Dit is my vierde jaar as studente-adviseur vir die Christelike Gemeenskapsvereniging by 'n vroue-universiteit in Lahore, Pakistan. Aanvanklik, toe hierdie rol aan my aangebied is, het ek ferm geweier. Ek het destyds 'n baba en 'n kleuter gehad, om nie eens van my akademiese verantwoordelikhede te praat nie.
Maar God het my steeds geroep om met jong Christenmeisies by die universiteit te werk. Die geleentheid om die vereniging te lei, het weer na my toe gekom, en ek was die enigste persoon wat beskikbaar was. Hierdie keer het ek gevoel ek moes dit aanvaar, en ek het kort voor die Kersfees begin - die vereniging se mees verwagte geleentheid van die jaar. Met ongeveer 100 meisies wat daaraan gewerk het, was die Kersfeesproduksie 'n groot sukses, wat Jesus verheerlik en sy geboorte gevier het.
Die manier waarop dinge in plek geval het, was werklik goddelike ingryping, en hierdie ervaring het my geleer dat wat God beplan het, verwesenlik sal word. My roeping tot hierdie rol was baie soos Jona s'n. Hy het sy bes probeer om weg te hardloop van die taak wat God hom gegee het, net om in die maag van 'n groot vis te beland! Soos Jona, maak nie saak hoe ver ons hardloop nie, God sal ons terugroep en ons in die regte rigting lei.
VANDAG SE GEBED
Liewe Heer, gee ons die moed om volgens U wil te werk sodat ons woorde en dade U verheerlik. Amen.
Dr. Christo Naude.

17/03/2026

Joh. 14:1 ‘Laat julle hart nie ontsteld word nie. Glo in God; glo ook in My.’ Ontsteld sluit in verras wees met ‘n nagatiewe gevoel, vrees, ontevrede, lyding. Jesus kom nader en troos met moenie laat die gevoelens jou oorweldig nie. Vertrou My dat Ek jou kan troos en beskerm. Ek kan hoop en vertrou dat die Here se nabyheid die verskil sal wees. GEBED: Here, dankie dat ek U die dinge kan gee wat my pla en bekommer. Ek kies om verder as my probleme te kyk en U te sien as my liefdevolle Hemelse Vader en my Here en Verlosser. Amen.
Dr. Christo Naude.

16/03/2026

Toe [Petrus] die sterk wind opmerk, het hy bang geword en begin sink en uitgeroep: “Here, red my!” Jesus het dadelik sy hand uitgesteek en hom gegryp en vir hom gesê: “Kleingelowige, waarom het jy getwyfel?” - Matteus 14:30-31. Petrus loop klaar op die water. So hy kan. Hy kan oor die hele meer loop as hy wou. Jesus glo hy kan. Daarom nooi Jesus hom uit. Kom loop saam op die water. So daar is niks fout met Jesus se geloof in Petrus dat hy kan nie. Petrus is die probleem. Hy twyfel. Dit wat met hom gebeur is skielik net te groot. Wanneer Jesus toetree tot my lewe en my uitnooi stap saam is die utdaging glo ek ek mag en glo ek ek kan. Jesus glo ek kan daarom nooi Hy: “Stap saam”.
Wanneer ek oorweldig en verward in die lewe dryf, kan ek na Jesus roep. Hy is saam en twyfel nie aan my nie. Sy liefdevolle sorg ondersteun my twyfel. GEBED Liefdevolle Verlosser, dankie dat U my uit my twyfel kan red. Wanneer ek oorweldig voel kan vertrou dat U my voortdurende lewenslyn is. Amen.
Dr. Christo Naude.