Viam Dei

20/01/2026

VIAM DEI 2026

Het jy dalk die afgelope tyd gevoel dat jy soek na iets dieper in jou verhouding met die Here of sommer net in die lewe; of dat jy graag ‘n heler en gesonder mens wil wees wat regtig ‘n diep pad wil stap waar alle aspekte van jou lewe geïntegreer is?

Dan moet jy dit dalk oorweeg om in 2026 in te skryf vir Viam Dei.

Viam Dei is ‘n jaarlange program wat jou aan al die belangrikste aspekte van die kontemplatiewe spiritualiteit bekend stel: dinge soos ‘n bewustelike lewe, kontemplatiewe geloofspraktyke, meganismes van spiritualiteit en ‘n dieper lewe, jou verstaan van God en die Bybel, jou spiritualiteit en persoonlikheid en nog baie meer.

Viam Dei jaar 1 skop af
op Maandag 16 Februarie 18:00-20:00
of Dinsdag 17 Februarie 10:00-12:00,
in persoon by die Ooskerk.
Die koste vir die jaar is
R2200 vir die jaar (betaalbaar in twee paaiemente.)
Vir meer inligting gaan kyk gerus op Viam Dei se webwerf by viamdei.com of kontak Marina by [email protected].

28/11/2025

“NAGBRIEWE: REFLEKSIES VIR DIE EINDE VAN DIE DAG” - SPIRITUALITEIT IN AFRIKAANS

Sedert “Nagbriewe” minder as twee weke gelede vrygestel is, lees mense in Kanada, Kaapstad, Australië, Bloemfontein, Engeland, Namibië, Amerika, Ermelo, Duitsland en Frankryk reeds digitaal saam aan spiritualiteit in Afrikaans. Koop jou kopie nou, ongeag van waar jy bly:

https://www.paletmedia.co.za/product-page/e-book-nagbriewe

25/11/2025

‘n Klompie van hierdie jaar se Viam Dei aanlyn mense by ons laaste geleentheid.
Van onder andere George, Jeffreysbaai, Johannesburg, Kaapstad, Londen, Luxemburg, Nelspruit, Pretoria, Stellenbosch, Swartberge, Swartruggens, Wakkerstroom, Windhoek en nog ‘n klomp plekke tussenin.
Wat ‘n voorreg!

25/11/2025

Gisteraand se Viam Dei afsluting was iets van die hemel. Dankie vir ‘n ongelooflike jaar!

07/11/2024

VIAM DEI JAAR 1 2025:
INSKRYWINGS NOU OOP

As jy op soek is na ‘n dieper manier van leef en glo moet jy dit dalk oorweeg om in te skryf vir Viam Dei.
Viam Dei is ‘n omvattende inleiding tot die kontemplatiewe spiritualiteit wat jou oor 10 maande blootstel aan ‘n wye reeks temas om die kontemplatiewe spiritualiteit en manier van leef jou eie te maak.

Ons begin op Maandag 11 Februarie 2025 in persoon
en Dinsdag 12 Februarie 2025 aanlyn.

Tydsgleuwe:
Daar is weekliks twee geleenthede waarby jy kan inskakel:
• Maandagaand 18:00 – 20:00, slegs by die Ooskerk.
• Aanlyn ontmoeting 1e Dinsdag van elke maand om 19:00,
die ander weke van die maand is self-begeleid.
Tydens skoolvakansies neem ons ‘n ruskans.

Koste:
Viam Dei is ‘n jaarkursus:
Semester 1 – R1100 (betaalbaar met inskrywing)
Semester 2 – R1100 (betaalbaar teen einde Julie 2025)

Gebruik hierdie skakel om in te skryf: https://www.viamdei.com/jaar1
Inskrywings vind elektronies plaas en die semesterfooi van R1100 vir die eerste semester word verlang om jou inskrywing te verseker.

Oor ongeveer 30 weke (skoolvakansies uitgesluit) staan ons stil by ‘n uitgebreide aantal temas in die kontemplatiewe spiritualiteit. Ons fokus op spirituele bewuswording en praktyke, geestelike groei en innerlike transformasie.

01/04/2023

KONTEMPLATIEWE GEBEDSNAWEEK
aangebied deur Marina Strydom

As jy graag wil leer oor Kontemplatiewe Gebed, oorweeg dit dan om hierdie geleentheid by te woon.

*************************************************
Kontemplatiewe gebed (Centering Prayer) is ‘n basis praktyk in die kontemplatiewe spiritualiteit, maar waarom is dit so belangrik?
Tydens hierdie naweek word die hoe en hoekom van kontemplatiewe gebed in diepte uitgepak.
Behalwe om te leer en te oefen hoe om dit te doen, staan ons ook stil by hoe die Here dit in ons lewe wil gebruik
en waarom dit so ‘n integrale deel van stiltetyd en ‘n dieper verhouding met die Here is.
Praktiese wenke, slaggate en struikelblokke word ook aangespreek.
Tydens elke sessie is daar ‘n praktiese sessie asook geleentheid vir vrae om jou te help
om die proses van kontemplatiewe gebed jou eie te maak en daaruit te gaan lewe.

By NG Gemeente Groenkloof, Pretoria.
Koste beloop R500 vir die naweek.

Vrydag 5 Mei
17:00 – 19:00

Saterdag 6 Mei
10:00-13:00

Sondag 7 Mei
11:00 – 13:00
Sluit die naweek af met ‘n kontemplatiewe erediens om 17:45

Enige persoon wat ernstig is oor ‘n dieper pad met die Here en die kontemplatiewe spiritualiteit is welkom om in te skryf.
Inskrywing is noodsaaklik, aangesien daar beperkte plek beskikbaar is.
Wanneer jy inskryf verbind jy jou om elke sessie by te woon.
Weens die aard van die geleentheid sal daar geen opnames gemaak word nie.

Skryf gerus in by hierdie skakel:

https://forms.gle/KkqneVvzyvCCiCHu7

17/01/2023

Viam Dei vorm deel van ons spiritualiteitsbediening by die Ooskerk in die vorm van 'n jaarkursus. Hierdie is 'n lewensveranderende program wat jou verhouding met die Here, jouself en die wêreld om jou sal verdiep. Sluit by ons aan deur voor 6 Feb in te skryf by www.viamdei.com/jaar 1.

10/01/2023

Viam Dei Jaar 1 vir 2023 skop af op 6 Februarie. Inskrywings en meer info beskikbaar by www.viamdei.com/jaar1

22/11/2022

Gisteraand se Viam Dei Eindjaarfees was ‘n fees in die ware sin van die woord! Wat ‘n voorreg om deel van so ‘n gemeenskap te wees.

02/11/2022

INSKRYWINGS VIR VIAM DEI 2023 IS OOP!

Ons begin die week van 6 Februarie 2023.
Koste: R2000 vir die jaar
(R1000 met registrasie, R1000 in Julie)
Vir meer inligting besoek gerus die webwerf: www.viamdei.com.

Skryf hier in vir 2023:
www.viamdei.com/jaar1

23/07/2022

Soveel skatte in hierdie gesprek van George en Matilda. Luister…

Wanneer Ek Bid Luister tog na my woorde, Here, hoor hoe ek sug. Ps 5:2 Die Gees staan ons ook in o...