05/09/2026
Verder het die Kuratorium in oorleg met die Moderatuur besluit om alle gemeentes en lidmate van die Kerk aan te moedig om op Sondag 6 September 2026 (Kweekskooldag) ‘n addisionele offergawe te gee spesifiek vir aanwending
tot die Studente hulpfonds van die Kweekskool. Hierdie fondse word netso aangewend vir die studente se studiegelde.
Die Sentrale Kas het ‘n kode geskep (kode 2102) op die SAGE boekhouding platform wat u aan die kassiere kan deurgee.
U kan gerus die Kerkkantoor kontak om die kode op u gemeente boeke te aktiveer. Enige fondse wat so geïn word is nie-hefbaar nie.
Ons sal graag hierdie offergawe motiveer deur middel van:
a) U aan te moedig om ‘n bedrag in ‘n koevert (spesifiek gemerk “Kweekskool Studente Hulpfonds”) te plaas tydens u offergawe.
b) Kerkrade aan te moedig om ‘n spesiale offergawe op te neem in die vorm van ‘n deurkollekte of tweede offergawe.
c) Die beskikbaarstelling van die Kweekskool se bankbesonderhede (hieronder) vir EFT betalings spesifiek vir die studente hulpfonds:
Die EG Kerk van Suid Afrika Kweekskool,
FNB Takkode 250054,
Lopende rekening nommer 5244 3626 258,
Verwys asseblief “Studente Hulpfonds”
