EG Kerk Pretoria-Tuine

28/05/2026

Vakansie Bybelskool 2026 by EG Kerk Pretoria-Tuine
Kom kuier saam ons vir ’n week vol pret, speletjies en waardevolle Bybelse waarhede!

13 - 17 Julie 2026
Bespreek vroegtydig!
EG Kerk SA

19/05/2026

Kon jy nie ons eredienste bywoon nie? 🎧
Geen probleem nie — jy kan nou enige tyd en waar jy wil na ons boodskappe luister op Spotify!

Of jy in die kar ry, by die huis ontspan of net bemoediging nodig het gedurende jou dag.

Gaan volg gerus ons Spotify-profiel sodat jy nie boodskappe en reekse misloop nie. Deel dit ook met familie en vriende.

https://open.spotify.com/show/1IGCQJlm4GzCj52T0EJXYn?si=oetLTD-4RJOk9LPaaZO4PA

Podcast · ds. Francois du Toit · Kos vir my Siel is ’n platform waar eredienste weekliks gedeel word om geestelike voeding vir die alledaagse lewe te bied. Deur die verkondiging van God se Woord en die evangelie van Jesus Christus word luisteraars bemoedig, versterk en herinner aan God se genade...

17/05/2026

Plasing van waardering!

Proshield - Veiligheid tydens die geleentheid
https://www.facebook.com/proshieldreaction
068 600 0435

Medi-Cab - Mediese bystand
https://www.facebook.com/medicabsa
082 575 5868

Route 514 Market - Dankie vir die perseel tot ons beskikking
https://www.facebook.com/profile.php?id=61577613214211
083 268 8637

Ons waardering gaan uit na elkeen van hierdie maatskappye wat saam ons gewerk het om die Bybelstap 'n sukses te maak, gaan maak gerus 'n draai op hulle facebook en ondersteun hulle.

17/05/2026

DANKIE

Baie dankie aan elke persoon wat ons Bybelstap gister, 16 Mei 2026, moontlik gemaak het. Dankie vir elke bydrae, ondersteuning, gebed en hand wat gehelp het om die dag so besonders te maak. 📖👣

Dit was vir ons ’n voorreg om saam te stap en saam die Here se teenwoordigheid te beleef.

Hou gerus ons Facebook-blad dop vir die aankondiging van die volgende Bybelstap-datum.
Ons sien uit daarna om weer saam met julle te stap!



EG Kerk SA
Route 514 Market Padstal/Farm stall

Featured Content from DJI Mimo

16/05/2026

Erediens 17 Mei 2026 om 08:30.

Die stem van God in die storm

14/05/2026

Vandag, op Hemelvaartdag, herdenk ons die wonderlike waarheid dat ons Here Jesus Christus opgevaar het na die hemel en sit aan die regterhand van die Vader. Sy hemelvaart was nie die einde nie — dit was ’n belofte dat Hy weer sal kom.

Die engel het gesê in Handelinge 1:11b:
“Hierdie Jesus wat van julle opgeneem is in die hemel, sal net so kom soos julle Hom na die hemel sien wegvaar het.”

Jesus kom weer. Nie as ’n Kind in ’n krip nie, maar as Koning in heerlikheid.

Die vraag wat elkeen vandag aan hulself moet vra:
Weet ek verseker dat, sou Jesus vandag kom, ek Hom sal sien op die wolke?

Mag hierdie Hemelvaartdag elke hart opnuut voorberei vir die wederkoms van ons Here.

Geseënde Hemelvaartdag.

10/05/2026

Moedersdag 2026

Vandag sê ons dankie vir elke moeder, ouma en vrouefiguur wat met liefde, opoffering en geloof ’n verskil maak.

Julle hande dra,
julle harte bid en
julle lewens wys iets van God se liefde aan ons.

“Sy staan op met krag en waardigheid…” – Spreuke 31:25

Mag die Here julle ryklik seën, versterk en vandag op ’n besondere manier bemoedig. Dankie vir alles wat julle beteken vir julle gesinne, ons gemeente en die Koninkryk van God.

Gelukkige Moedersdag van almal by EG Kerk Pretoria-Tuine

08/05/2026

U word hartlik uitgenooi na ons erediens hierdie Sondag, 10 Mei 2026 om 08:30.

Kom beleef saam met ons ’n oggend van aanbidding, gemeenskap en Woordbediening.

Spreker: ds. Jurgens Prinsloo

875 Commercialstraat

Nooi gerus familie en vriende saam — almal is welkom! Ons sien daarna uit om u te verwelkom.

08/05/2026

Dit is amper tyd vir die Bybelstap/-draf!

Maak seker om betyds u kaartjie te koop en deel te wees van hierdie besondere dag van geloof, gemeenskap en samehorigheid.

Indien u graag ’n donasie of bydrae wil maak ten opsigte van die projek, is u welkom om ons te kontak.

📞 ds. Francois – 084 816 1361

https://utickets.app/events/biblerun

EG Kerk SA

08/05/2026

Gebedsversoeke
Waarvoor kan ons vandag saam met jou bid?
Los gerus jou gebedsversoek in die kommentaar, of stuur vir ons n boodskap op facebook.
“Werp al julle bekommernisse op Hom, want Hy sorg vir julle.” – 1 Petrus 5:7