Maranatha Bedieninge

07/09/2026

Amos 9:14

‘Ek sal die lot van my volk Israel verander...’ (Afr83)

- Dit is die Here wat herstel en seën aan Sy volk belowe.
- Hy is daartoe verbind om Sy mense te herstel en dit sluit jou in.
- Selfs in die donkerste tye bied God hoop.
- Sy belofte om te herstel herinner ons daaraan dat Hy skoonheid uit as kan bring.

Gebed: Vader, dankie vir die hoop wat ek in U het. U is die Here Wat neem wat gebruik en beskadig is en dit in U hande tot nuutheid van lewe en bruikbaarheid herstel. Draai dinge om en doen 'n werk van herstel in my lewe, bid ek. Amen.

Mag jou week voorspoedig wees.

www.AliveToGod.com

04/09/2026

1 Samuel 17:47

‘want die stryd behoort aan die HERE,’

- God is nie hulpeloos wanneer dit kom by die dinge waarmee jy te kampe het nie.
- Sommige van die stryd wat ons moet stry, moet in God se hande gelaat word.
- Die Here kan Sy eie eer en waarheid verdedig.
- Vertrou op God se krag en moenie deur omstandighede oorweldig word nie.

Gebed: Vader, help my om te sien dat die stryd aan U behoort. Ek kies om in my gevegte, op U krag te vertrou. Ek vertrou op U krag en op U vermoë om my te verlos. Amen.

Geniet jou naweek.

www.AliveToGod.com

03/09/2026

Exodus 23:25

‘En julle moet die Here julle God dien; dan sal Hy jou brood en jou water seën, en Ek sal siektes uit jou midde verwyder.’

- Om die HERE te dien, sluit aanbidding, gehoorsaamheid en vertroue in Sy Woord in.
- Wanneer jy Hom die eerste plek in jou lewe gee, vind daar 'n verskuiwing plaas.
- Hy belowe om al die lewensbenodigdhede vir jou te voorsien.
- Gesondheid en vryheid is maar net 'n paar van die seëninge waarvoor jy God kan vertrou.

Gebed: Vader, ek verklaar dat dit my hart se begeerte is om U lief te hê en om U te dien. My voorsiening hang nie van my menslike krag af nie, maar van U getroue sorg vir my. Ek bid dat U my brood en water sal seën en siekte van my sal verwyder. Amen.

Mag jou Donderdag geseënd wees.

www.AliveToGod.com

02/09/2026

Jesaja 42:3b NLV

‘Hy sal in opregtheid reg laat geskied..’

- Die Here sien elke onreg en weet wanneer jy onreg aangedoen is.
- Niks wat met jou gebeur, ontgaan Sy aandag nie.
- Jy hoef nie elke stryd te veg nie; jy kan dit in Sy hande plaas.
- Vertrou Hom om op Sy volmaakte manier en op Sy volmaakte tyd reg te laat geskied.

Gebed: Here, dankie dat U alles sien en weet waardeur ek gaan. Ek plaas elke onreg in U hande en vertrou U om dinge op U manier en op U tyd reg te stel. Amen.

Geniet jou Woensdag.

www.AliveToGod.com

01/09/2026

Hooglied 2:11-12

‘die winter is verby,… Die bloeisels word gesien in die land, die sangtyd het aangebreek,’

- Geen winterseisoen duur vir ewig nie.
- Na moeilike en dorre seisoene kan God nuwe lewe bring.
- Die verskyning van blomme herinner ons daaraan dat verandering en vernuwing moontlik is.
- Glo dat 'n nuwe seisoen van hoop en vreugde in jou lewe kan begin.

Gebed: Vader, dankie dat moeilike seisoene nie vir ewig duur nie. Bring nuwe lewe, vars hoop en hernieude vreugde in my lewe. Help my om die nuwe seisoen wat U vir my voorberei het, te omhels. Amen.

Welkom in September.

www.AliveToGod.com

31/08/2026

Jesaja 42:3a

‘Die geknakte riet sal Hy nie verbreek en die dowwe lamppit nie uitblus nie’

- Die Here is teer met ons wanneer ons swak en broos voel.
- Hy verwerp of gooi ons nie weg wanneer ons sukkel nie.
- Selfs wanneer jou vlam klein voel, kan Hy nuwe lewe in jou in blaas.
- Vertrou op Hom om jou krag te herstel en jou hoop te vernuwe.

Gebed: Vader, dankie dat U teer en medelydend teenoor my is. Wanneer ek swak voel, versterk my, herstel my hoop en blaas nuwe lewe in my in. Amen.

Mag jou week voorspoedig wees.

www.AliveToGod.com

28/08/2026

Psalm 34:19

‘Die Here is naby die wat gebroke is van hart, en Hy verlos die wat verslae is van gees.’

- Die lewe kan ons dikwels verpletter en gebroke laat voel.
- Hierdie toestande verwyder God nie van ons nie, hulle lok Sy teenwoordigheid.
- Hy is die Een wat gedurende moeilike tye naby kom om te genees en te herstel.
- Net wanneer ons onsself wil afskryf, kom Hy om ons te vergewe en te red.

Gebed: Vader, dit is wonderlik om te weet dat selfs wanneer ek uitdagings moet hanteer, U hand steeds daar is om my op te tel. Vandag is U met my en U is gereed om my siel te help, te genees en te herstel. Amen.

Geniet jou naweek.

www.AliveToGod.com

27/08/2026

Jeremia 32:27

‘Kyk, Ek is die Here, die God van alle vlees; sou enige ding vir My te wonderbaar wees?’

- Daar is niks te moeilik vir God nie.
- Gee Hom jou probleme en jou onmoontlikhede.
- Hy sal dinge omdraai en vir jou 'n goeie storie gee om te vertel.
- Jy sal Sy getrouheid sien en jy sal sien wat Hy kan doen.

Gebed: Vader, niks is vir U te moeilik nie. Ek gee U my uitdagings en onmoontlikhede en vertrou op U om alles ten goed uit te werk. Mag ek U getrouheid en U krag in my lewe sien werk. Amen.

Mag jou Donderdag geseënd wees.

www.AliveToGod.com

26/08/2026

Jesaja 43:25

‘Ek, Ek is dit wat jou oortredinge uitdelg om My ontwil, en aan jou sondes dink Ek nie.’

- Die een ware God is die Een Wat jou optel en jou vergewe.
- Hy neem die inisiatief om te vergewe, vanweë Sy genade en barmhartigheid.
- Hy wis uit en verwyder ons oortredinge.
- Hy vergewe nie net nie, maar kies ook om ons sondes te vergeet en gee ons 'n nuwe begin.

Gebed: Vader, dankie dat U die vlekke uit my lewe verwyder en 'n weg vir my oopmaak om 'n nuwe begin te maak. Ek het vertroue in U belofte om te vergewe en om nie vorige sondes teen my te hou nie. Dankie vir die vryheid en die lewe wat dit bring. Amen.

Geniet jou Woensdag.

www.AliveToGod.com

25/08/2026