11/06/2026
(Coert) Mind Control & Gevalle Engele
Vir die meeste van ons bestaan Christenskap uit ’n doodgewone lewenstandaard en die soeke na die ewige lewe. Vir baie van ons is geloof en genade genoeg om die ewige lewe te behaal — of so d**k die meeste van ons. Ongelukkig is alles nie so maklik nie. Die meeste van ons gaan sit Sondae in die kerk, drink n koppie koffie en eet n koeksister en d**k ons is hard oppad hemel toe. As alles maar net so maklik kon wees.
Vandag gaan ek almal dieper vat in die geestelike dimensie. Jy kan dit vat en jou eie maak, of jy kan dit afknip, aflag en maak asof jy die brief nooit gesien of gelees het nie, maar my werk as instrument van God is om mense te waarsku en in te lig oor dit wat hier buite in die geestelike wêreld gebeur. Julle sal ook besef hoekom die erns van die saak so knaend op my hart druk. Die wêreld moet dit hoor en beter verstaan. Die Christendom moet weet wat hier buite om hulle aangaan en gebeur.
Daagliks op hierdie blad sal julle sien dat ons veral konsentreer daarop om mense te leer om soggens en saans hulle wapenrusting aan te trek en die bloed van Jesus oor hulleself en hulle gesinne te pleit vir volle beskerming. Ons leer ook vir almal om deur Jesus Christus vir engele te vra om jou te beskerm — vir jou en jou familie. Vir alles wat ons sê, is daar ’n doel en ’n rede daarvoor.
Ons leef in ’n wêreld waar die antichris tegnologie gebruik om ons te koppel aan satan se netwerk van okkulte. Kom ons vat die televisie as voorbeeld: Vir baie van ons is daar kinderprogramme wat volgens ons geen skade aan ’n kind kan veroorsaak nie. Die antichris is slim. Hulle werk met die kind se verstand. Jy kry drie afdelings in jou verstand:
Bewuste
Onbewuste
Onderbewuste
Wat die antichris doen, is om sekere aspekte binne-in ’n kind se kop in te doktrineer. Alles gebeur in die kind se onderbewuste, soos byvoorbeeld perversiteit. Ek kan nie voorbeelde van sulke programme gee nie, want dit kan ’n regsgeding veroorsaak tussen my en die spesifieke instellings waarmee ek my stelling staaf. Die okkulte is georganiseerd en baie goed gevestig in die moderne wêreld.
Dit wat jy sien, is jou bewuste. Alles wat om jou gebeur terwyl jy besig is met die bewuste, noem ons die onbewuste. Dit wat jy nie kan sien nie, maar wat jou brein optel tydens ’n program waarna jy kyk, word jou onderbewuste genoem. Jy sien dit nie, maar jou brein tel dit op, en wanneer jy slaap, verwerk jou brein al daardie inligting. Soveel “mind control spirits” kom deur die televisie na die mens toe, want baie mense beweeg nie onder die bloed van JESUS nie. Dit is hoekom die wapenrusting so belangrik is.
Alles wat jy sien — goed en sleg — gaan na een punt toe. Alles wat jy ruik — goed en sleg — gaan na een punt toe. Alles wat jy proe — goed en sleg — gaan na een punt toe. Alles wat jy hoor — goed en sleg — gaan na een punt toe. Ook jou seksualiteit, goed of sleg; gees of vlees, gaan na een punt toe. Dit word jou siel genoem. Dit is een van die grootste redes hoe ’n demoon oor ’n mens besit neem, veral as jy buite God se Woord handel en in sonde lewe.
’n Demoon, gees of “mind control spirit” kom die liggaam geestelik binne deur die oë, neus, mond, ore en seksualiteit. Dit is baie belangrik dat almal dit moet weet. Ons stryd is nie teen vlees en bloed nie, maar teen bose magte in die lug. As jy jou denke daagliks besoedel met negatiwiteit en negatiewe uitsprake, dan sal jy later ook in negatiwiteit leef. As ek daagliks vir iemand sê hy of sy is ’n gemors, dan sal daardie persoon later soos ’n gemors voel. Jou hele lewe bestaan uit keuses uit. Meng jou met die semels, dan vreet die varke jou.
Vir iemand wat buite God se outoriteit leef, kan jy as Christen net bid, want vir God is daardie persoon net so belangrik soos jy vir Hom is. Ek glo nie ons mense besef die krag van gebed nie.
Nog ’n baie belangrike voorbeeld hiervan is pornografie. In die vlees beleef jy een van twee dinge wanneer jy daarna kyk: ’n begeerte na die vrou/man wat jy sien en die behoefte om jouself te bevredig, of ’n afsku van perversiteit. Dit bots met jou gees. Maar God het liefde mooi gemaak; satan maak dit vieslik en pervers. In die vlees d**k jy dalk daar is niks fout daarmee nie, maar in die gees pleeg diegene wat getroud is egbreuk en word hulle volgens hierdie demoniese aanslag deur bose geeste beïnvloed. Dit is hoekom jy later nie eers meer die mooi in jou eie man of vrou sal raaksien nie. Satan wil jou huwelik vernietig. Hy haat die huwelik, terwyl dit vir God heilig en baie belangrik is.
Wat leer die Woord ons oor hierdie ernstige saak? As jou oë jou van GOD afvallig maak, ruk dit uit eerder as dat jou hele liggaam in die hel beland. Oor hierdie dinge sal jy eendag rekenskap moet gee. Jy kort bevryding. Satan wil jou vernietig.
’n Ander manier van “mind control” kom meestal by okkultiese organisasies voor. Dit is gemeen, pervers en siek, maar dis waarmee baie mense in die samelewing hulle besig hou. Moenie hierdie waarskuwing of vermaning aflag of met minagting behandel nie. Ek praat uit ondervinding. Dit is iets waaraan die gewone Christen op straat glad nie gewoond is nie. Dit is een van die grootste redes hoekom die wêreld lyk soos dit lyk. Dit gebeur nie net in Suid-Afrika nie, maar oor die hele wêreld.
Wat gebeur, is die volgende:
Jou liggaam — my liggaam — ander mense se liggame bestaan uit ’n siel, gees en vlees uit. Baie mense mediteer volgens hierdie okkultiese praktyke op ’n daaglikse basis uit hulle liggame uit. Dit word in moderne terme “astrale projeksie” genoem. In die geestelike realm het hulle seks met gevalle engele (demone). As jy seks het met ’n demoon, word jy een in gees met daardie demoon. Daarna word daardie demoon of gevalle engel glo in ’n ander mens se “aura” geplaas. Dit is hoekom die dra van die wapenrusting en die pleit van die bloed van Jesus so belangrik is.
Nou, as ’n persoon wat astrale projeksie beoefen ’n gevalle engel in jou “aura” plaas, kan hy/sy enige minuut van die dag weet wat jy doen. Hy/sy kan sien met wie jy praat en alles hoor wat met jou bespreek word. Dit is een van die hoogste vlakke of grade van okkulte wat jy hier buite sal ervaar of beleef in jou geestelike wandelpad of bedieningswerk vir die Here. Ek weet dit klink vreemd, maar ek praat uit 13 jaar se ondervinding in die bevrydingswerk vir die Here. Dit is nie net ’n verhaal of bangmaakstorie nie — dit is vir my ’n realiteit.
WAT IS DIE “AURA” VAN DIE MENSLIKE LIGGAAM?
Die energieveld wat volgens sekere spirituele oortuigings rondom ’n persoon se liggaam bestaan. Dit word dikwels gekoppel aan jou uitstraling of “vibe”.
Nêrens in die Bybel gee God vir ons toestemming om geestelik uit ons liggame te beweeg nie. Vir Henog en Elia het God byvoorbeeld siel, gees en vlees hemel toe geneem. In Handelinge 8:26–40 lees ons hoe Filippus deur die Heilige Gees weggeneem word en later in Asdod aangetref word. As jy geestelik vrywillig uit jou liggaam uit beweeg, stel jy jouself geestelik oop vir demoniese besetting. Daarom glo baie mense dat ons niks in die geestelike realm verloor het nie — dit is hoekom God se engele daar is. Stel eerder jou geloof en vertroue op God. Hy weet wat die beste wil en weg vir jou lewe is. God het altyd die laaste sê. Daar staan geskrywe:
JOHANNES 3:27
“Niemand besit enige bevoegdheid om iets te doen as dit nie uit die hemel aan hom gegee is nie.”
Daar is ’n baie groot verskil wanneer God jou volgens Sy wil in die geestelike realm opneem, soos met Paulus in 2 Korintiërs 12:2–10, en wanneer jy dit uit eie vrye wil en keuse doen deur middel van die okkulte. Moenie dat iemand vir jou sê dit is reg nie. Dit is ’n baie ernstige fout en oortreding voor die Here — ’n sonde wat jou in die hel/verderf kan laat beland.
Ek kan nog baie hieroor skryf, maar doen jouself ’n guns en gaan doen meer ondersoek en navorsing hieroor. Luister na die stem van die HEILIGE GEES. Toets die Woord met die Woord. Mag die Here jou denke vernuwe met wysheid, insig, kennis en krag om hierdie probleem saam met my hok te slaan. Die geestelike realm is baie diep — dit is juis die plek van oorlogvoering waaroor die Bybel ons daagliks waarsku. Daar staan geskrywe:
EFESIËRS 6:12
“Ons stryd is nie teen vlees en bloed nie, maar teen elke mag en gesag, teen elke gees wat heers oor hierdie sondige wêreld, teen elke bose gees in die lug.”
2 KORINTIËRS 10:3–5
“Natuurlik leef ons in ’n menslike liggaam, maar ons voer nie die stryd met menslike wapens nie. Die wapens van ons stryd is nie die wapens van die mens nie, maar die kragtige wapens van GOD wat vestings kan vernietig. Daarmee vernietig ons die redenasies en elke hooghartige aanval wat teen die kennis van GOD gerig word. Ons neem elke gedagte gevange om dit aan CHRISTUS gehoorsaam te maak.”
Groete en seën word almal toegewens.
Amen.
Vir enige navrae:
[email protected]
