20/06/2013
JAAR VAN DIE GESTREMDE: (Uit ons Konteks)
Die gesukkel in informele nedersettings.
Verdwaas, verstote, vergete. So som oom Frans sy lewe op. Hy glimlag wrang terwyl hy na 'n radioprogram luister oor die verbetering van toeganklikheid vir persone met gestremdheid by winkelsentrums.
Hy wonder wat hulle sou sê as hulle moes sien waarmee hy elke dag moet sukkel. Sy rolstoel is al oud en die pedale het afgebreek. As die lepel teen die blikbeker slaan, moet hy sukkelend oor ruwe terrein - klippe, graspolle, gate van die afgelope dae se reën - sy weg baan. Niemand bied aan om te help nie, kos is min en wie eerste daar is, eet. Baie keer val hy af, want die wiele steek vas teen teen die klip op die afdraend, dan maar lê en wag tot iemand op pad terug is om hom te help. Hier durf jy nie kla nie, jy word van die grond afgesit deur die grondbaron. by die eetsaal sukkel hy tot by die stoof om 'n paar lekseltjies uit die pot te skraap - binne kan hy nie, want daar is nie 'n oprit vir die geleentheid nie.
Tannie Venter lê in haar bed grootoog en luister. Grootoog beteken natuurlik niks vir haar nie - sy is blind. Gisteraand se storm het haar sinkhuisie se dak laat lek, bo-op haar bed, en weens die klein kamertjie moes sy maar bly lê, daar is nie spasie om die bed te skuif nie. Sy wag geduldig dat iemand haar moet kom haal vir ontbyt. Niemand daag op nie - gister het sy die gondeienaar gevra vir hulp om haar dak te beveilig teen die reën, miskien moes haar stemtoon nie so kwaai gewees het nie, dan sou sy dalk vanoggend hulp gehad het! Later baan sy haar weg voel-voel na buite. Sy val oor 'n stomp voor haar huisie, die het gisteraand afgebreek vanweë die storm. Sy val haar disnis, en voel die warmte van bloed oor haar gesig. Versigtig staan sy op en loop strompelend verder...
Hierdie is slegs grepies uit twee mense met gestremdhede in informele nedersettings regoor die land se lewens. Terwyl daar buite betoog en gesmeek word vir beter geriewe en regte van persone met gestremdhede, voer hulle 'n weggesteekte en donker bestaan. Regte is iets waarvan hulle weet en hoor maar glad nie besit nie. Geriewe is primitief of bestaan nie. Van die grondeienaars vra tot R750 per persoon per maand om in houthuisies en sinkhuisies te bly - en dan is daar soms bykans geen sanitêre geriewe nie. Kosvoorsiening word gebaseer op skenkings wat die grondeienaars ontvang - die beste word natuurlik deur hulle self uitgehou en die res vir die inwoners gegee!
HOE KAN DIE GEMEENSKAP HELP?
Raak betrokke by hierdie skuilings op grondvlak - bou opritte met sement en paadjies waar persone met gestremhede veilig en ongehinderd kan beweeg. Skenk rolstoele, looprame en ander hulpmiddels om hierdie mense instaat te stel om min of meer normaal te kan funksioneer.
Vir meer inligting, kontak Hans by 0832697082 of Heleen by 0824438874, of gebruik die e-posadres [email protected]
Besoek hul webblad by www.armoedebediening.co.za/Facebook.
Website of Doulos Armoedbediening Gemeenskapsprojek / Community project
