Die Eerste Gebod

Directions

Die Eerste Gebod Gerhard Havenga ʼn reisiger in Christus Jesus wat dit weergee wat die Heilige gees met my gedeel het in my soeke na ʼn dieper verhouding in Christus.

03/02/2023

Ek wil die wat hulle self in die Here wegsteek bemoedig. Terwyl ons besig was met hierdie geveg die vorige twee weke, was die Here ook besig om n paar goed te doen.

Dat ek eers verduidelik waar ek vandaan kom, voor ek julle sê wat die Here gedoen het.

Daar was n baie groot skeiding wat in die gees plaasgevind het so ruk terug. Die grys gebied is weggevat en daar is n duidelike skeur tussen reg en verkeerd, wat by die dag groter word.

Wel die Here het baie duidelike waarskuwings uitgedeel vir die wat aan die verkeerde kant is. Jy is of vir of jy is teen die Here.

Die rede agter die duidelike waarskuwings is omdat die volgende stap, baie radikaal gaan wees. "Wee die persoon wat val in die hand van die lewende God" Die Here is baie kwaad op die punt, wat baie gevaarlik vir mense kan wees. As iemand jou kind seermaak, is jy sag teenoor jou kind, maar die ander persoon het verseker moeilikheid.

Hoop dit bemoedig julle, die Here is besig om vir julle te baklei. Hou goeie moed

03/02/2023

Die afgelope twee weke voor die begin van die die reën, was beslis n taai een in die gees. Dit het ook ordentlik in die natuurlike op ons neergekom. Baie keer sal ons so vasgevang wees in dit wat in ons lewens gebeur, dat ons nie besef dat dit eintlik n geestelike situasie is, wat ons op die natuurlike probeer baklei nie. Dankie tog dat die Here weer vir ons deurgekom het. Die natuur is die meeste van die tyd n groot aanduiding van wat in die gees gebeur. Ek sal vorentoe meer daaroor uitbrei, maar wil dit net ingooi om n bewustheid te skep daaroor. My raad is om hierdie tyd van lafenis te gebruik, om stil te raak en die ankertoue wat seergekry het in die storm, opnuut vas te anker in die Here en uit te kyk of jy nie n paar kan bysit nie.

07/01/2023

Wil net almal wat in die Here woon bemoedig, daar is onverwagte wonderwerke wat begin deurkom na hierdie ontsaglike geestelike geweld waardeur ons is die afgelope 3 tot 4 maande. Goed wat n 180° ommekeer maak vir die beter wanneer jy dit die minste werwag.
Vir die wat nie in die Here is, ek weet nie waar julle gaan wegkruip vir dit wat na julle toe kom nie..

11/12/2022

Van Vrydag middag af het hierdie sessies van ontsaglike moegheid deel van ons dae begin word. Dit sou verskil in tye en intensiteit, maar sou van so aard wees dat jy sou sukkel om wakker te bly.

06/12/2022

Kom ek gee n bietjie meer vanaand. Daar is n ontsaglike geskarrel aan die gang, wat jou van die een onmoontlike situasie na die volgende vat. Ons word deur goed gejaag wat nie uitgestel kan word nie. Ons word nie gegun om stil te sit nie en as jy wel n oomblik het, kan jy dit nie geniet nie omdat die volgende verantwoordelikheid vir jou wag.
Weer die vraag, wat is die rede hoekom die Here dit toelaat of is daar meer in dit as net toelaat?

06/12/2022

Waar is die Here? Hoekom kan ons nie uitkoms sien nie? Hierdie is van die gevoelens waarmee die meeste van ons op hierdie punt worstel. Dit voel of daar deurbrake kom met tye wat jou opgewonde maak, maar dit word weer verswelg deur n ander monster.
Julle moet verstaan dat ek nie hier negatief praat nie, maar om te maak asof hierdie nie goed is waarmee ons op die oomblik moet deel nie, is so goed as om in n leuen te lewe.
Waarom is dit nodig dat ons met hierdie goed moet deel en waarom tree die Here nie tussenbeide nie is relevante vra. Is ons reg vir die antwoorde?

02/12/2022

Op die punt gaan ek nog nie verklarings gee vir wat ek sê nie, ek gaan slegs julle bewus maak van die sintome en emosionele gevoelens wat julle op sekere tye gaan ervaar.

Vandat ek so 10 dae terug die eerste keer weer terug is op die blad, sou julle van julle rofste tye ervaar het. Dit sou gepaard gegaan het met baie goed wat verkeerd geloop het en n emosie van verlatenheid, selfs van die Here.

02/12/2022

Gister middag vanaf rondom 1uur is daar n baie goeie kans dat jy tot die dood toe moeg was en as die geleentheid hom sou voordoen sou jy beslis geslaap het. As jy hiermee kan identifiseer kyk uit vir die volgende gebeure.

23/11/2022

Ons spring sommer in waar die water nie so vlak is nie. Geestelike bewustheid maak n groot deel uit van hoe maklik of moeilik die alledaagse lewe vir ons sal wees. Die ongemaklikheid wat ons ervaar gaan oor die sifting wat al n hele ruk in die gees besig is om te gebeur. Voor ek aangaan wil ek net eers dat ons gaan dink oor sintome wat ons huidiglik ervaar.

10/11/2022

Na amper drie jaar van stilte van my kan af, het die Here vanoggend vir my gesê, dat dit tyd geword het om weer te praat en deur te gee dit wat Hy op my hart lê.
Dit gaan n besige tyd wees en vol van Sy waarhede en relevante inligting oor hoe om met die Here in n verhouding te lewe, waar Hy deel van jou elke dag is tot op die sekonde. Julle gaan bewus gemaak word van hoe ingevleg alls werklik is.
Ek sal meer inligting deurgee soos ons nader kom aan die afskop datum, wat binnekort sal wees!

Address

Pretoria

Website

Alerts

Be the first to know and let us send you an email when Die Eerste Gebod posts news and promotions. Your email address will not be used for any other purpose, and you can unsubscribe at any time.

Shortcuts

Share

Category