30/05/2026
WESTERLIG UITREIK
Verlede Vrydagaand se Danville uitreik was ’n besondere seën! Ons harte loop oor van dankbaarheid vir alles wat die Here kom doen het.
Ons was ongelooflik bevoorreg om 100 komberse uit te deel aan mense in nood.
’n Groot en opregte dankie aan Pitsana mills vir julle ruim borgskap en oop harte. Julle het werklik ’n verskil gemaak in baie mense se lewens 🤍
’n Spesiale dankie ook aan Susan wat ’n pragtige en bemoedigende woord gebring het oor Die Goeie Herder — ’n boodskap wat diep harte aangeraak het en hoop gebring het aan almal wat daar was.
Ons span was absoluut ongelooflik! Met liefde, geduld en goeie samewerking is 100 mense ordelik bedien, en alles het baie vlot verloop.
Ons waardeer elke persoon wat gehelp het om die dag moontlik te maak.
Die mense het die Woord van God, die heerlike kos en die warm komberse terdee geniet. Dit was werklik ’n dag gevul met liefde, omgee en die teenwoordigheid van die Heilige Gees.
Baie dankie ook aan die persone wat elke Vrydag getrou vleis en groente skenk vir die uitreike. Julle gehoorsaamheid en liefde saai saad in baie harte 🙏
📖 “Voorwaar Ek sê vir julle, vir sover julle dit aan een van die geringstes van hierdie broers van My gedoen het, het julle dit aan My gedoen.”
Met liefde en dankbaarheid,
Madeleine en Geo Fowlds
LW Westerlig Uitreikspan
