08/09/2026
🦋 RADIANCE 2026 — DAUGHTER OF THE KING 👑
Nes die son sak as bewys dat nóg ’n dag tot ’n einde gekom het, het ’n besonderse jaar van Radiance 2026 op Vrydag, 4 September, ook tot ’n einde gekom.
Maar sommige eindes voel nie soos eindes nie… dit voel soos die begin van iets nuuts. 🤍
Ons het hierdie jaar begin met ’n vlinder — ’n simbool van metamorfose, groei, verandering en nuwe lewe.
En gisteraand kon ons terugkyk en besef: die vlinders het begin vlieg. 🦋
Daar was lag. Daar was trane. Daar was lekker kos, lekker lag en lekker kuier.
Daar was geskenke, gebed en ’n besonderse oomblik van salwing, waar elke girl haar eie salfolie en ’n persoonlike woord ontvang het.
Maar bo alles was daar God.
Want dit was nog altyd die hart van Radiance: om jong vroue te herinner aan Wie se dogters hulle is.
👑 Daughters of the King.
Gekies.
Geliefd.
Gesien.
Waardevol.
Syne.
Mag elke girl wat hierdie jaar deel was van Radiance nooit vergeet nie:
Jou verlede definieer jou nie.
Ander mense se opinies bepaal nie jou waarde nie.
Jou foute is nie jou identiteit nie.
God bepaal wie jy is.
En nou, aan die einde van hierdie hoofstuk:
Maak jou vlerke oop. 🦋
Die kokon was nooit jou bestemming nie.
Jy was gemaak om te vlieg.
Radiance 2026 mag dalk eindig, maar God is nog lank nie klaar nie.
Aan elke Radiance-girl — dankie vir jou hart, jou stories, jou lag, jou trane en jou groei. Dit was ’n absolute voorreg om ’n klein stukkie van jou reis te kon stap.
Go fly, Daughter of the King. 👑🦋
