Gereformeerde Kerk Innesdal - Jeug

03/12/2020

22/09/2020

God-Drie-Enig is altyd met ons. Ons moet en kan ten volle op Hom vertrou.

As die Here ons roep dan skenk Hy ons die vermoë ook.

16/09/2020

Die Here self lei Sy kinders - Hy roep - Hy stuur - Hy gee die geleenthede - Hy gee die woorde.

Vertrou op die Here met jou hele hart, jou hele siel en jou hele verstand.

14/09/2020

Goeie dag aan al ons jeug. Ons jeug is weer vol aan die gang. Ons dank ons God-Drie-Enig vir al Sy genade.

Ons wil graag stilstaan by Jeremia en die Here se pad met Jeremia. Mag julle almal dit saam ons geniet en versterking ontvang.

03/03/2020

Vir die jong jeug - Wapenrusting van God.
Vir die week se Bybelstudie vir die jongspan.

03/03/2020

#16 Hoekom is gesag nodig en hoekom is dit goed dat daar gesag is?

As ons kyk na die Tuin van Eden was gesag juis deur die Here daar geplaas om ons te beskerm, sodat ons kan floreer onder Sy gesag. Gesag in sy volmaakde vorm is liefde. Werklike opregte liefde gebruik gesag om te beskerm en te bewaar. Die rede hoekom n ouer vir sy kind n reël gee is omdat hy weet wat is die beste is vir die kind al weet die kind nie self nie. As ons weer onder die gesag van die Here kom sien ons weer die vernuwende genade omdat ons gemaak was om in Sy raamwerk te lewe. Sonde het gesag wel heeltemal verwoes, omdat die mens hom in God se plek wou plaas.

“En God het gesê: Laat Ons mense maak na ons beeld, na ons gelykenis, en laat hulle heers oor die visse van die see en die voëls van die hemel en die vee en oor die hele aarde en oor al die diere wat op die aarde kruip. En God het die mens geskape na sy beeld; na die beeld van God het Hy hom geskape; man en vrou het Hy hulle geskape.”
‭‭GÉNESIS‬ ‭1:26-27‬ ‭AFR53‬‬

Hier sien ons dat God ons wel gesag gegee het, maar agv sonde misbruik ons dit tot ons eie gewin en nie tot eer van God nie.

“En die Here God het aan die mens bevel gegee en gesê: Van al die bome van die tuin mag jy vry eet, maar van die boom van die kennis van goed en kwaad, daarvan mag jy nie eet nie; want die dag as jy daarvan eet, sal jy sekerlik sterwe.”
‭‭GÉNESIS‬ ‭2:16-17‬ ‭AFR53‬‬

Ons sien wel verder in die Ou Testament belowe God dat Hy self weer Sy wette (liefde vir Sy gesag) op mense se harte sal skryf. 'Ek sal my Gees in julle gee en Ek sal maak dat julle volgens my voorskrifte leef en my bepalings gehoorsaam en nakom.'

ESEGIËL 36:27.
Toe Jesus opgevaar het na die hemel is Sy Heilige Gees uitgestort op God se kinders. Dit is die vervulling van die belofte van Esegiël 36. Die Heilige Gees maak ons nuut en gee ons weer n gesag vir God en Sy voorskrifte. Daarom kan Paulus sê in 2 Korintiërs 3:3: "Dit is tog duidelik dat julle 'n brief van Christus is, deur ons diens geskrywe, nie met ink nie, maar met die Gees van die lewende God, nie op klip nie, maar op die harte van mense." Ons is nou gehoorsaam aan God se gesag en bly oor Sy gesag omdat ons gered en nuutgemaak is deur die Heilige Gees.

02/03/2020

Die jeug het geput put die naweek!!!! Daar was groot opgewondenheid gewees voor die tyd, groot pret gedurende die tyd en groot dankbaarheid na die tyd. Al die eer aan Jesus Christus. Prys die Here!

02/03/2020

#15 Dag vir Dag Maandag

Wat is gesag en hoe moet ons teenoor gesag optree?

Die Bybel is baie duidelik dat alle gesag van God af kom.

“Maar die Here antwoord hom: “Kyk, Ek gee aan jou gesag oor die farao, en jou broer Aäron sal jou woordvoerder wees.”
‭‭EKSODUS‬ ‭7:1‬ ‭AFR83‬‬

“Die wil van die koning staan onder die gesag van die Here; soos 'n stroom water lei Hy dit soos Hy verkies.”
‭‭SPREUKE‬ ‭21:1‬ ‭AFR83‬‬

“In Hom is die volle wese van God beliggaam, en in verbondenheid met Hom deel julle in sy volheid. Hy is die hoof oor elke mag en gesag.”
‭‭KOLOSSENSE‬ ‭2:9-10‬ ‭AFR83‬

“Jesus het die twaalf bymekaargeroep en aan hulle mag en gesag gegee om alle bose geeste uit te dryf en siektes te genees.”
‭‭LUKAS‬ ‭9:1‬ ‭AFR83‬‬

“Elke mens moet hom onderwerp aan die owerhede wat oor hom gestel is. Daar is immers geen gesag wat nie van God kom nie, en die owerhede wat daar is, is daar deur die beskikking van God. Wie hom teen gesag verset, kom dus in opstand teen die ordening van God; en wie in opstand kom, sal sy verdiende straf kry.”
‭‭ROMEINE‬ ‭13:1-2‬ ‭AFR83‬‬

Alle gesagsfigure in ons lewe is dus deur die Here daar geplaas. Hy plaas hulle in ons lewe in sy alwysheid, ons verstaan nie altyd hoekom nie. Die Bybel sê self as ons in opstand kom teen hulle kom ons in opstand teen die Here self. Ons moet na hulle luister solank dit nie sonde is om so te doen nie.

02/03/2020

#14 Dag vir Dag Maandag

Besef ons werklik hoe groot is die Here? Dikwels plaas ons God in ons menslike kategorieë en d**k ons gaan Hom beter verstaan. Juis hierdeur neem ons die wonderlikheid van God weg, omdat ons d**k ons menslike verstand kan Hom begryp. Die Bybel beskyf die Here as so heilig, almagtig, ondeurgrondelik en oneindig groot dat ons Hom net kan bewonder en nie ten volle kan begryp nie.

“Wie het die waters in die holte van sy hand afgemeet, met die breedte van sy hand die maat van die hemel bepaal, met 'n maatemmer die grond van die aarde afgemeet, met 'n skaal die berge en die heuwels geweeg? Wie kan die Gees van die Here peil, wie kan sy raadgewer wees? Vir wie raadpleeg Hy dat dié Hom tot insig sou bring en Hom sou leer wat om te doen? Wie leer Hom en onderrig Hom dat Hy met insig kan optree? Die nasies is vir Hom soos 'n druppel aan 'n emmer, soos 'n stoffie op 'n skaal. As Hy die eilande op 'n skaal sit, is hulle soos stofdeeltjies. Al die hout op die Libanon is nie genoeg vir vuur op die altaar nie en al die wild nie genoeg vir 'n offer aan die Here nie. Al die nasies is soos niks teenoor Hom, hulle is vir Hom minder as niks, asof hulle nie bestaan nie.”
‭‭JESAJA‬ ‭40:12-17‬ ‭AFR83‬‬

Lees gerus Jesaja 40:12-31

“Waar was jy toe Ek die aarde se fondamente gelê het? Praat as jy die antwoord het. Wie het die aarde afgemeet? Weet jy dit? Wie het 'n maatlyn oor hom gespan? Waarop is sy voetstukke neergesit? Wie het hom aanmekaargesit daardie oggend toe die sterre saamgesing het en al die hemelinge gejubel het?”
‭‭JOB‬ ‭38:4-7‬ ‭AFR83‬‬

Lees gerus Job 38 - 42

As hierdie my en jou begrip of uitkyk van die Here was, sou ons lewens nie soveel anders gelyk het nie? Waarvoor sou jy bang wees as dit jou God is? Hoekom sou jy doelwus sondig as niks in die pad van hierdie God kon staan om jou te red nie? Watter deel van ons lewe of askies is nog onveranderd omdat ons nie die almag en grootheid van die Here besef nie?

12/02/2020

Al die Eer aan God onse Vader vir al Sy voorsiening, al die gawes wat Hy aan ons skenk, al Sy insettinge, alles wat Hy wek in almal in en om ons gemeenskap en al Sy liefde!

Hiermee wil Gereformeerde Kerk Innesdal Jeug almal 'n groot dankie sê. Dankie vir elke like! Dankie vir elkeen wat ons plasing gedeel het en besigtig het! Dankie vir elkeen wat pannekoeke kom haal het! Dankie vir elkeen wat 'n donasie gegee het! Dankie vir elkeen wat ons jeug opdra in gebed! Dankie vir elkeen wat wil en gaan betrokke raak in die gemeenskap. Dankie vir elke jeuglid in ons jeug! Dankie vir elke ouer van ons jeug! Dankie vir die jeugkommissie!

Die fondsinsameling was 'n groot sukses en ons kon dit werklik nie uit onsself alleen doen nie en ons kon dit glad nie alleen doen nie.

07/02/2020

Ons het nog 200 soet pannekoeke oor. Spring gou want dit gaan gou.
Suiker pannekoeke Caramel Piesang Roomys