Valleisig

Valleisig Ons is lief vir jou. Welkom tuis. Kos is op die tafel! Lewe vir die stad...

TRUITJIEPROJEK: BAIE DANKIEBaie dankie aan elke dame van Valleisig wat deur die jaar met soveel liefde gebrei het. Julle...
15/06/2026

TRUITJIEPROJEK: BAIE DANKIE
Baie dankie aan elke dame van Valleisig wat deur die jaar met soveel liefde gebrei het. Julle het ’n groot verskil gemaak in die lewens van minderbevoorregte kindertjies.
Dit was ongelooflik om die stralende gesiggies te sien wanneer elke truitjie aangepas is — elke steek het warmte, hoop en liefde gebring.
Baie, baie dankie vir julle opoffering, tyd en groot harte.

175 truitjies is uitgedeel - baie, baie dankie vir elkeen se liefde, omgee en harde werk!
Breipengroete Lena Southwell

BRIEFIE VANAF Pretoria Wes Kleuterskole!
"Mag julle hande wat gee, altyd geseën wees. Baie dankie vir die mooi en warm truie. Ons is dankbaar vir elkeen wat gehelp het om die truitjies en mussies te brei. Dankie dankie🙌"

SENIORS KUIER LEKKER SAAMTydens ons Seniorbyeenkoms het ons in kleingroepe 'n paar vrae beantwoord. Sodoende kon ons 'n ...
15/06/2026

SENIORS KUIER LEKKER SAAM
Tydens ons Seniorbyeenkoms het ons in kleingroepe 'n paar vrae beantwoord. Sodoende kon ons 'n klein bietjie deel hê aan die pad wat elkeen gestap het. `n Ander persoon se storie gee nuwe waardering en betekenis aan jou eie. Ons noem dit sommer ons reis na wysheid. Die vrae het ons kans gegee om terug te d**k aan ons vormingsjare, ’n tyd wat in baie opsigte anders was as vandag. Daar is met entoesiasme gesels oor uitdagings, vreugdes en ervarings (goed of moeilik), wat ons gevorm het. Ons het weer besef, die verlede is nie net iets om te onthou nie, maar ook iets wat vreugde, waardering en wysheid en aan die hede gee.
Ons het ook saam geluister na `n paar ouer liedjies, 'n legkaart gebou en 'n tafel met herinneringe besoek. Ons het die byeenkoms afgesluit met koffie, 'n jodetert, hertzoggies, wasgoedbondeltjies, koeksisters en ingerygde stokkies, maar ook met groot waardering vir ons wysheid en die vreugde om steeds saam die lewe hartlik te geniet. Nelia & André

Moenie die waarde van klein goed onderskat nie.'n Vriendelike woord.'n Gebed vir iemand.'n Boodskap om te vra: "Hoe gaan...
15/06/2026

Moenie die waarde van klein goed onderskat nie.

'n Vriendelike woord.
'n Gebed vir iemand.
'n Boodskap om te vra: "Hoe gaan dit regtig?"
'n Bord kos.
'n Drukkie.
'n Vergifnis wat gegee word.
'n Hand wat uitgesteek word.

Ons leef maklik met die idee dat net groot dade 'n verskil maak. Maar God werk dikwels deur die gewone, die eenvoudige en die getroue.

Daarom moedig Paulus ons aan:
"Laat ons nie moeg word om goed te doen nie, want as ons nie verslap nie, sal ons op die bestemde tyd ook die oes insamel." – Galasiërs 6:9

Elke daad van liefde is 'n saadjie. Jy sien dalk nie vandag die vrug daarvan nie, maar God sien dit. En Hy gebruik dit op maniere wat ons nooit altyd sal verstaan nie.

Hou aan om goed te doen.
Hou aan om lief te hê.
Hou aan om hoop te bring.

God is besig om meer te doen as wat jy kan sien. 🌱

14/06/2026

FUNRUN 👟
○20 Junie 2026
○8:00
○Valleisig

📖 Bybelvasvra Woensdag 📖❓ Watter koning het 'n droom gehad van 'n groot beeld met 'n kop van goud?🔍 Leidraad: Daniël 2:3...
10/06/2026

📖 Bybelvasvra Woensdag 📖

❓ Watter koning het 'n droom gehad van 'n groot beeld met 'n kop van goud?

🔍 Leidraad: Daniël 2:31–38

Neem vandag 'n paar minute om die gedeelte te lees en kyk of jy die antwoord self kan ontdek. Die Bybel is vol merkwaardige verhale wat ons herinner dat God ook oor konings en koninkryke regeer.

💬 Plaas jou antwoord in die kommentaar!

Vers vir VandagDaar is dae wanneer die toekoms onseker voel. Ons wonder oor die uitdagings wat voorlê, die besluite wat ...
08/06/2026

Vers vir Vandag

Daar is dae wanneer die toekoms onseker voel. Ons wonder oor die uitdagings wat voorlê, die besluite wat geneem moet word, of die laste wat ons moet dra.

Hierdie belofte van God bring rus in ons onrustigheid: Jy stap nooit alleen nie.

Voordat jy by môre se uitdaging uitkom, is God reeds daar. Voordat jy daardie moeilike gesprek voer, is Hy reeds teenwoordig. Voordat jy die antwoord ken, ken Hy reeds die pad.

God se teenwoordigheid hang nie af van hoe sterk jou geloof vandag voel nie. Sy belofte staan vas: Hy sal jou nooit verlaat nie.

Wat ook al hierdie week op jou wag, jy hoef dit nie alleen te hanteer nie. Die Here stap saam met jou – elke tree van die pad.

🙏 Neem vandag 'n oomblik om te onthou: God is reeds daar waarheen jy op pad is.

📖 Bybelvasvra Woensdag 📖❓ Wie was die moeder van Samuel?🔍 Leidraad: 1 Samuel 1:20Kan jy die antwoord vind? Moenie Google...
03/06/2026

📖 Bybelvasvra Woensdag 📖

❓ Wie was die moeder van Samuel?

🔍 Leidraad: 1 Samuel 1:20

Kan jy die antwoord vind? Moenie Google gebruik nie – gaan lees die Skrifgedeelte en kyk of jy dit self kan ontdek!

💬 Plaas jou antwoord in die kommentaar.

Ons leef in 'n wêreld wat ons dikwels moeg maak – fisies, emosioneel en geestelik. Soms voel dit asof ons nie meer die e...
01/06/2026

Ons leef in 'n wêreld wat ons dikwels moeg maak – fisies, emosioneel en geestelik. Soms voel dit asof ons nie meer die energie het om nog 'n tree te gee nie.

Maar hierdie vers herinner ons daaraan dat ons krag nie net uit onsself kom nie. Wanneer ons ons vertroue in die Here plaas, gee Hy wat ons self nie kan opwek nie: nuwe moed, nuwe hoop en nuwe krag.

God belowe nie 'n lewe sonder uitdagings nie. Hy belowe sy teenwoordigheid in die uitdagings. Hy gee ons die krag om aan te hou hardloop wanneer die pad lank raak en om aan te hou stap wanneer ons moeg voel.

Vandag hoef jy nie alles self te dra nie. Vertrou op die Here. Hy sal jou versterk vir die volgende tree.

✨ Waar het jy vandag nuwe krag van God nodig?

Address

C/o Tipperary And Mayo Street
Pretoria
0081

Opening Hours

Monday 08:00 - 13:00
Tuesday 09:00 - 13:00
Wednesday 09:00 - 13:00
Thursday 08:00 - 17:00
Friday 09:00 - 13:00
Sunday 09:00 - 12:00

Telephone

0129911542

Website

Alerts

Be the first to know and let us send you an email when Valleisig posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to Valleisig:

Shortcuts

Share

Category