19/04/2026
REINIG JOU TEMPEL
Ek gaan jou vandag uit die Woord van God bewys hoe belangrik sonde belydenis en bevryding is voordat jy enigsins nagmaal kan gebruik. Jesus het n massiewe groot prys aan die kruis vir ons almal betaal. Ons moet daagliks kan gryp na alles wat Hy vir ons kom doen het. Ons moet die bybel in sy volle kapasiteit kan gehoorsaam. In die tye voordat Jesus Christus gekom het het die Jode van reinigings tydperke gebruik gemaak voordat hulle die pasga gevier hier. Voorbeelde daarvan was die volgende:
Esra Uit Die Nageslag Van Aaron
ESRA 6: 20-22
Die priesters en die Leviete het hulle sonder uitsondering gereinig en almal was rein. Die Leviete het die paaslam geslag vir almal wat uit die ballingskap teruggekom het en vir hulle ampsgenote die priesters en vir hulleself. Die paaslam is geëet deur die Israeliete wat uit die ballingskap teruggekom het en deur elkeen wat hom van die onreinheid van die heidene in die land afgeskei het om die Here die God van Israel te dien. Hulle het die fees van die ongesuurde brood sewe dae met vreugde gevier. Die Here het hulle dié vreugde geskenk toe Hy die gesindheid van die koning van Assirië teenoor hulle verander het, en dié hulle hande gesterk het in die werk aan die tempel van die God van Israel.
Sonde belydenis was kritiek en baie belangrik. Daar staan geskrywe:
ESRA 10: 11, 44
Doen belydenis voor die Here die God van julle voorvaders en doen wat Hy wil hê: skei julle af van die heidennasies en die vreemde vrouens.” Al dié mense was met vreemde vrouens getroud, maar hulle het van die vrouens geskei en hulle kinders saam weggestuur.
SAGARIA 1: 3, 4
En nou moet jy vir jou volk sê: So sê die Here die Almagtige: Bekeer julle tot My, sê die Here die Almagtige, dan sal Ek weer by julle wees, sê die Here die Almagtige. Moenie soos julle voorvaders wees nie. Die profete van vroeër het hulle aangespreek en gesê: “So sê die Here die Almagtige: Bekeer julle van julle slegte lewe en julle slegte dade!” Maar hulle was ongehoorsaam, hulle het hulle nie aan My gesteur nie, sê die Here.
Nog voorbeelde van reiniging in die bybel:
LUKAS 2: 41
Jesus se ouers het elke jaar vir die paasfees Jerusalem toe gegaan.
JOHANNES 11: 55
Die paasfees van die Jode was naby. Baie mense het voor die paasfees van die platteland af na Jerusalem toe gegaan om hulle te reinig.
HANDELINGE 21: 26, 27
Die volgende dag het Paulus die manne geneem en die reinigingshandeling saam met hulle verrig. Hy het tempel toe gegaan en kennis gegee op watter dag die reiniging verby sou wees, wanneer die offer vir elkeen van hulle gebring sou word. Toe die sewe dae van die reiniging byna om was, het Jode van die provinsie Asië vir Paulus by die tempel gesien. Hulle het die hele skare aangehits en vir Paulus gegryp.
DIE FEES VAN DIE ONGESUURDE BROOD:
Die FEES VAN DIE ONGESUURDE BROOD, wat die seremonie van reiniging is, om vergifnis te vra wat 7 dae duur, moet gedoen word voordat hulle na Jerusalem na die Tempel kon gaan om PASGA te vier. Pasga beteken dat as hulle die bloed aan die deurkosyne gehad het, die engel van die dood sal "oorgaan" en nie die eersgeborenes doodmaak nie en nie die huisgesin uit Israel uitroei nie. Hulle noem dit die “FEES VAN DIE ONGESUURDE BROOD”, om die rede dat hulle nie tyd gehad het om die brood te suur nie, omdat hulle so vinnig as moontlik uit Egipte moes gaan.
JOHANNES 11: 55
Die paasfees van die Jode was naby. Baie mense het voor die paasfees van die platteland af na Jerusalem toe gegaan om hulle te reinig.
Waar hulle gebly het, moes hulle eers die reiniging “die Fees van die Ongesuurde Brode” doen voordat hulle in die teenwoordigheid van die HERE kon kom. Hierdie vers praat van die tyd vir die Pasga om te begin, dan moes hulle reeds die reiniging gedoen het. Selfs Jesus en Sy dissipels het ook die “ongesuurde brode” reiniging gedoen voordat hy oorgegee is om gekruisig te word.
In die tyd van Israel voor Jesus gekom het was daar ook baie Israeliete wat wel in sonde verval het (wat die doodstraf gedra het), maar dit kon nooit bewys, gestaaf of bevestig word nie. Baie Israeliete het in sonde verval, maar was te bang om dit te erken of te bely, want dan moes hulle dood gemaak word. Hulle was bang om te praat. Hulle was bang om dood te gaan. Hulle het gevrees vir hulle lewe. Hulle het gedoen wat baie van ons ook doen vandag – en dit is om stil te bly. Nou terwyl hulle stil gebly het het die geestelike regte van satan deur die sonde nooit tot niet gegaan nie. Dit het deel gebly van die Israeliet en sy nageslag (bloedlyne). Die uit einde van die sonde is die dood – nie net vleeslik nie, maar ook geestelik. Jesus staaf en bevestig my woorde met die volgende Woord uit die Skrif uit. Daar staan geskrywe:
JOHANNES 7: 19
Het Moses nie die wet vir julle gegee nie? En tog hou nie een van julle die wet nie. Waarom wil julle My dan doodmaak?”
Deur Jesus se oorwinning aan die kruis ontvang ons almal wat in Hom glo genade vir ons sondes. God trek niemand voor nie. Hy is nie n aannemer van n persoon nie. Hy het ook nie witbroodjies nie. Nou wat vir ons geld moet mos vir ander mense ook geld wat voor ons gelewe het? Dit is nou mense wat voor Jesus Christus se tyd op aarde gelewe het. Tydens Jesus se drie (3) dae in die graf is die evangelie ook aan hulle verkondig in die doderyk. Vir hulle is daar ook geleenthede gegee om genade te ontvang. Daar staan geskrywe:
1 PETRUS 4: 6 (1953 Vertaling)
Want daarom is ook aan die dode die evangelie verkondig, sodat hulle wel geoordeel kan word na die mens in die vlees, maar lewe na God in die gees.
By latere gebed in my bybelstudie is die volgende skrif ook vir my gegee:
1 PETRUS 3: 18-22 (1983 Vertaling)
Ook Christus het een maal vir die sondes gely, die onskuldige vir die skuldiges, om julle na God te bring, Christus wat as mens doodgemaak is, maar deur die Gees lewend gemaak is. En so het Hy na die geeste in die gevangenis gegaan en daar sy oorwinning aangekondig. Dit is hulle wat aan God ongehoorsaam gebly het toe Hy groot geduld met hulle aan die dag gelê het in die tyd toe Noag die ark gebou het. Net 'n klein klompie in die ark, ag in getal, is deur die water gered. Dit dui op die doop, waardeur julle ook nou gered word. Die doop is nie 'n afwassing van die vuilheid van die liggaam nie, maar 'n bede tot God om 'n skoon gewete, en dit red julle op grond van die opstanding van Jesus Christus. Hy is nou aan die regterhand van God nadat Hy die engele en magte en kragte aan Hom onderwerp het en die hemel ingegaan het.
PAASFEES IN DIE NUWE TESTAMENT:
Sonde belydenis en bevryding is kritieke stap in enige opregte christen se lewe. Dit werk presies op dieselfde manier of vereistes van die reinigings proses of tydperk voor die pasga in die Ou Testament. Vir sondes wat tot die dood toe gelei het is daar nou genade deur die geloof in Jesus Christus. In die Ou Testament het hulle jou dood gegooi met klippe. Dit is die opdrag wat God vir Moses gegee het om die sondige natuur binne die mense van Israel te verwyder. So het God van satan tussen sy mense ontslae geraak. In die Nuwe Testament is daar genade. Enige sonde is vergeefbaar behalwe as jy die Heilige Gees laster. Dit is waar bevryding vandaan kom. Jou liggaam bestaan uit n siel, gees en vlees uit. Jy moet geestelik en vleeslik gereinig kan word. Daar staan geskrywe:
2 KORINTIËRS 7: 1
Geliefdes, hierdie beloftes is ook vir ons. Laat ons ons dan reinig van alles wat liggaam en gees verontreinig, en ons in gehoorsaamheid aan God volkome aan Hom toewy.
Jou liggaam is die tempel van God. Daar staan geskrywe:
1 KORINTIERS 3: 16, 17
Weet julle nie dat julle die tempel van God is en dat die Gees van God in julle woon nie? As iemand die tempel van God beskadig, sal God hom straf, want die tempel van God is heilig, en die tempel is julle.
1 KORINTIERS 6: 19, 20
Of besef julle nie dat julle liggaam 'n tempel van die Heilige Gees is nie? Julle het die Heilige Gees, wat in julle woon, van God ontvang, en julle behoort nie aan julleself nie: julle is gekoop, en die prys is betaal. Julle moet God dus in julle liggaam verheerlik.
Jy is die hoëpriester van jou eie tabernakel – jou eie tempel – jou eie liggaam. God sê “Wees heilig, want ek is heilig”. Heiligheid is die eindproduk van gehoorsaamheid
1 PETRUS 1: 16
Daar staan immers geskrywe: “Wees heilig, want Ek is heilig.”
HEBREERS 12: 14
Beywer julle vir vrede met alle mense asook vir 'n heilige lewe, waarsonder niemand die Here sal sien nie
Bekeer!!! Erken, bely en distansieer van alle sondes in jou lewe en bewys jou bekering met dade wat by jou bekering pas. Gaan dan uit en sondig nie meer nie. Geloof gaan gepaard met dade en dade gaan gepaard met geloof. n Boom word aan sy vrugte uitgeken. n Goeie boom kan nie slegte vrugte dra nie en n slegte boom ook nie goeie vrugte nie.
Johannes die doper het die volgende gesê:
MARKUS 1: 4, 5
Só het Johannes die Doper in die woestyn opgetree. Hy het verkondig: Bekeer julle en laat julle doop en God sal julle sondes vergewe. Die hele landstreek van Judea en al die inwoners van Jerusalem het na hom toe gestroom. Hulle het hulle sondes bely en is deur hom in die Jordaanrivier gedoop.
Paulus het die volgende gesê:
HANDELINGE 26: 18, 20
Jy moet hulle oë oopmaak sodat hulle hulle van die duisternis tot die lig en van die mag van die Satan tot God kan bekeer. Deur in My te glo, sal hulle sondes vergewe word en sal hulle deel word van die volk van God.’ Ek het eers vir die mense in Damaskus en in Jerusalem en toe deur die hele Judea en daarna vir die heidennasies gepreek dat hulle tot inkeer moet kom en hulle tot God moet bekeer; en dit moet hulle bewys met dade wat by die bekering pas
GALASIERS 6: 7, 8
Moenie julleself mislei nie: God laat nie met Hom spot nie. Wat 'n mens saai, dit sal hy ook oes. Wie op die akker van sy sondige natuur saai, sal van die sondige natuur dood en verderf oes. Maar wie op die akker van die Gees saai, sal van die Gees die ewige lewe oes.
Johannes het die volgende gesê:
1 JOHANNES 1: 9
Maar as ons ons sondes bely – Hy is getrou en regverdig, Hy vergewe ons ons sondes en reinig ons van alle ongeregtigheid.
1 JOHANNES 3: 5-10
Julle weet dat Jesus gekom het om die sondes weg te neem, en daar is geen sonde in Hom nie. Iemand wat in Hom bly, hou nie aan met sondig nie; iemand wat aanhou sondig, het Hom nie gesien nie en ken Hom nie. Liewe kinders, moenie dat iemand julle mislei nie: wie regverdig lewe, is regverdig soos Hy regverdig is; wie aanhou sonde doen, behoort aan die duiwel, want die duiwel hou van die begin af aan met sondig. En die Seun van God het juis gekom om die werk van die duiwel tot niet te maak. Iemand wat 'n kind van God is, doen nie meer sonde nie, omdat die Gees van God in hom bly; en hy kan nie meer sondig nie, omdat hy uit God gebore is. Hiéraan is dit duidelik wie kinders van God en wie kinders van die duiwel is: iemand wat nie regverdig lewe nie en nie sy broer liefhet nie, behoort nie aan God nie.
Petrus het die volgende gesê:
2 PETRUS 3: 9
Die Here stel nie die vervulling van sy belofte uit nie, al d**k party mense so. Nee, Hy is geduldig met julle, omdat Hy nie wil hê dat iemand verlore gaan nie: Hy wil hê dat almal hulle moet bekeer.
Jakobus het die volgende gesê:
JAKOBUS 5: 15, 16
En as hulle gelowig bid, sal dit vir die sieke genesing bring: die Here sal hom gesond maak. As hy gesondig het, sal dit hom vergewe word. Bely julle sondes eerlik teenoor mekaar en bid vir mekaar, sodat julle gesond kan word. Die gebed van 'n gelowige het 'n kragtige uitwerking.
Salomo het die volgende gesê:
SPREUKE 28: 13
Wie sy sonde wegsteek, moet niks goeds te wagte wees nie; wie sy sonde bely en daarvan afsien, sal genade ontvang.
Die bybel leer vir ons ondersoek jou hart voordat jy die nagmaal gebruik. Sonde belydenis en bevryding is kritiek en baie belangrik. Daar staan geskrywe:
1 KORINTIERS 11: 27-32
Elkeen wat op 'n ongepaste wyse van die brood eet of uit die beker van die Here drink, sal skuldig wees aan sonde teen die liggaam en die bloed van die Here. Maar elkeen moet eers homself ondersoek voor hy van die brood eet en uit die beker drink, want hy wat eet en drink sonder om te besef dat dit die liggaam van die Here is, bring daardeur 'n oordeel oor homself. Daarom is daar baie swakkes en sieklikes onder julle en sterf daar baie van julle. As ons onsself vooraf reg ondersoek het, sou ons nie onder die oordeel gekom het nie. Maar nou word ons deur die Here geoordeel en getugtig, sodat ons nie saam met die wêreld veroordeel sal word nie.
Staan op vir Jesus – Stand up for Jesus se bevrydings kurses is juis daar om jou te help – daagliks is dit op facebook beskikbaar. Ondersoek jou hart. Kry jouself terug op God se vlak. Gaan terug tekenbord toe. Die Bloed van die Lam – die Krag van die Heilige Gees is elke dag daar vir jou vir die vergewing van sondes. Kom in suiwerheid en heiligheid voor die Here. Die bybel vermaan hard en duidelik in die Ou en die Nuwe Testament oor opsetlike sondes – mense wat volhard en bly lewe in sonde sonder enige skaamte:
NUMERI 15: 30, 31
“Maar die landsburger of vreemdeling wat moedswillig sondig, doen My, die Here, oneer aan en hy moet van sy volk afgesny word. Omdat hy die woord van die Here verag het en sy gebooie verbreek het, moet so iemand doodgemaak word; hy moet die straf vir sy sonde dra.”
HEBREERS 10: 26-31
Wanneer ons opsetlik bly sondig nadat ons die kennis van die waarheid ontvang het, is daar geen offer meer wat ons sondes kan wegneem nie. Daar bly alleen 'n verskriklike verwagting oor van oordeel en 'n gloeiende vuur wat die teenstanders van God sal verteer. As iemand die wet van Moses oortree, en twee of drie getuies bevestig dit, word hy nie begenadig nie, hy word doodgemaak. Hoeveel swaarder straf, d**k julle, sal hy kry wat die Seun van God verag het, die bloed van die verbond waardeur hy geheilig is, geminag het en die Gees van genade beledig het? Ons weet tog wie Hy is wat gesê het: “Dit is mý reg om te straf; Ek sal vergeld;” en verder: “Die Here sal oor sy volk oordeel.” Dit is verskriklik om in die hande van die lewende God te val.
My raad vir elkeen van julle wat vandag na my luister:
Gebruik die nagmaal as jy klaar met die bevrydings kurses is – as jy reg is – as die Here vir jou wys jy is gereed. In jou hart sal jy dadelik weet of jy reg is of nie. Jou lewe sal nooit ooit weer dieselfde wees nie. Hoe nader jy kom aan Jesus Christus hoe meer sal die satan jou aanval, maar God sal jou nooit los – jou nooit verlaat nie. JY IS SYNE. Deur vuur, deur water, deur wind – deur modder selfs al gaan jy deur n dal van doods skaduwee sal God jou nooit teleurstel nie. Vir ons om te lewe is Christus – om te sterf is vir ons n wins. Ons is in elkgeval net vreemdelinge/kuiergaste op aarde. Niks op hierdie rots het ewigheids waarde nie – net jou geloof in Jesus Christus kan jou n plek in God se koninkryk verseker. Alles wat jy voor jou sien is net tydelik – dit is nie verewig nie.
God stuur vir Jesus as Lam – as offer – as vervloekte aan die kruis in ons plek. Deur Jesus se Bloed word n Nuwe Verbond beseel. Hy is die Geestelike Lam wat vir ons geslag is. Jesus het God se koninkryk aarde toe gebring. Hy het die lig, die lewe en die genade vir ons almal gebring wat in Hom glo. Deur Sy oorwinning en offer aan die kruis is die Een Liggaam van Christus – die Bruid van Jesus – die Geestelike volk van God geskep volgens die Woord 1 Korintiers 12: 12-31. Dit is n Geestelike liggaam in die geestes realm. Almal wat in Jesus Christus glo is welkom. Die Bloed van Jesus reinig ons van alle sondes net soos die diere offers tydens die sonde offers, skuld offers in die Ou Testament.
Jesus is die Weg, die Waarheid en die Lewe – niemand kom na die Vader behalwe deur Hom nie. Jesus Christus gee vandag vir ons n kans om te lewe – om die ewige lewe saam met God te ontvang. Hy red ons van die ewige dood (Geestelik). Hy verlos ons van die dood wat die sonde (satan) bring. Daar staan geskrywe:
JOHANNES 8: 34, 36
Jesus sê toe vir hulle: “Dít verseker Ek julle: Elkeen wat sonde doen, is 'n slaaf van die sonde. Eers as die Seun julle vrymaak, sal julle werklik vry wees.
1 KORINTIERS 15: 54-56
En wanneer hierdie verganklike liggaam met die onverganklike beklee is, en hierdie sterflike liggaam met die onsterflike, dan sal die woord wat geskrywe staan, vervul word: “Die dood is vernietig, die oorwinning is behaal.” “Dood, waar is jou oorwinning? Dood, waar is jou angel?” Die angel van die dood is die sonde, en die sonde kry sy krag uit die wet van God.
Gebruik die kans wat Jesus Christus vir jou gegee het. Gee jouself as n heilige offer vir God (Rom. 12: 1/2). God soek 100 % toewyding van jou kant af – jy kan Hom nie met n halwe hart wil dien nie. Gehoorsaamheid is vir God belangriker as offers. Gaan dan uit en sondig nie weer nie.
NOG BELANGRIKE KERN EIENSKAPPE EN WYSHEID VAN GOD SE WOORD
Jesus is die Hoë Priester van Melgisedek. Daar staan geskrywe:
HEBREERS 4: 14-16
Terwyl ons dan nou 'n groot Hoëpriester het wat reeds deur die hemele gegaan het, Jesus, die Seun van God, laat ons vashou aan die geloof wat ons bely. Die Hoëpriester wat ons het, is nie Een wat geen medelye met ons swakhede kan hê nie; Hy was immers in elke opsig net soos ons aan versoeking onderwerp, maar Hy het nie gesondig nie. Kom ons gaan dan met vrymoedigheid na die genadetroon, sodat ons barmhartigheid en genade ontvang en so op die regte tyd gered kan word.
HEBREERS 5: 4-10
Niemand eien hom die eer van hoëpriester toe nie, hy word deur God daartoe geroep, net soos Aäron. So het Christus Hom ook nie die waardigheid van Hoëpriester toegeëien nie, God het dit vir Hom gegee toe Hy gesê het: “Jy is my Seun, van vandag af is Ek jou Vader.” En op 'n ander plek sê Hy: “Jy is priester vir ewig volgens die priesterorde van Melgisedek.” Gedurende sy aardse lewe het Hy aan God, wat Hom uit die dood kon red, gebede en smekinge geoffer met harde geroep en met trane. En sy gebede is verhoor vanweë sy eerbiedige onderworpenheid aan God. Hoewel Hy die Seun was, het Hy deur alles wat Hy gely het, geleer wat gehoorsaamheid is. En toe Hy volmaaktheid bereik het, het Hy vir almal wat aan Hom gehoorsaam is, die bron van ewige saligheid geword en is Hy deur God verklaar tot Hoëpriester volgens die priesterorde van Melgisedek.
HEBREERS 7: 20, 21
Dit het nie sonder die bevestiging met 'n eed plaasgevind nie. Die Leviete het wel priesters geword sonder die bevestiging met 'n eed, maar Jesus met 'n eed deur God, wat vir Hom gesê het: “Die Here het dit met 'n eed bevestig en Hy sal dit nie herroep nie: ‘Jy is priester vir ewig.’ ”
Hy is die bruidegom wat Sy bruid kom haal. Die bruid is die “Een Liggaam van Christus” waarvan 1 Korintiers 12: 12-31 praat. Daar staan geskrywe:
JOHANNES 3: 29
Die bruidegom is die een aan wie die bruid behoort; maar die vriend van die bruidegom staan en luister of hy kom en is baie bly wanneer hy die stem van die bruidegom hoor. Daarom is ek nou met blydskap vervul.
2 KORINTIERS 11: 2
Ek waak oor julle met 'n ywer wat van God kom, want julle is soos 'n jongmeisie wat ek aan een man toegesê het as sy bruid en wat ek vlekkeloos na hom toe wil bring. Die man is Christus.
OPENBARING 21: 2, 9
En ek het die heilige stad, die nuwe Jerusalem, van God af uit die hemel uit sien afkom. Die stad was gereed soos 'n bruid wat vir haar man versier is. Toe het een van die sewe engele wat die sewe bakke het waarin die sewe laaste plae was, gekom en met my gepraat. “Kom,” het hy gesê, “ek sal jou die bruid wys, die vrou van die Lam.”
GEBREKE OM PAASFEES TE VIER:
Om die paasfees te verwerp of nie te respekteer nie is n sonde in die oë van die Here. Daar staan geskrywe:
NUMERI 9: 13, 14
Maar as 'n persoon rein is en nie op reis is nie en nogtans in gebreke bly om die paasfees op die gewone tyd te vier, moet hy van sy volksgenote afgesny word omdat hy nagelaat het om 'n offergawe op die bestemde tyd aan die Here te bring. Dié man moet die gevolge van sy sonde dra. “As 'n vreemdeling wat by julle woon, die paasfees vir die Here wil vier, moet hy dit volgens die bestaande voorskrifte en bepalings doen. Een en dieselfde voorskrif geld vir julle almal: vir die vreemdeling en vir die landsburger.”
Reinig jou tempel – dit is die regte ding om te doen. Wees geseend in die Here Jesus Christus. n Mooi en geseende dag word vir almal toegewens.
Vriendelike groete
Coert Jordaan
Shalom
Vir enige navraag kan julle ons epos by: [email protected]
Julle kan ons ook skakel of boodskap by: +27 79 451 0185
Ons is ook op whatsapp en op telegram beskikbaar.
Groetnes
